2 THÂTIHZYRONA 16:10 - Mara Bible RV (BSI)

¹⁰ Âsâ cha hrohsopa chô liata a hiehâh ta, patâhna o liata khô ta. A biereipa vâta a chô liata a hie a hâh ngaitapa a châ. Âsâ cha chyhsa hropazy chhao pasa pataosa lymâ ta.

2 THÂTIHZYRONA 16:10 ပူးပေါင်းရင်းမြစ်များ

2 SAMUELA 11:4

Dâvi ta chyhsa tuah ta, a vaw chhi ei ta, a vaw tlô nahta a ziakhei ta. Chanô cha a thaitlyh leina tawhta a pathai hapa châ ta. Dâvi ta â ziakhei khai tawhta Bâsebâ cha a o la a di ha ta.

2 SAMUELA 12:13

Dâvi ta Nâthâ hnohta, “Abeipa chô liata hmo ei parao haw,” tah ta. Nâthâ ta Dâvi hnohta, “Abeipa chhao ta na moleina a pahlei haw, thi aw va chi.

2 SAMUELA 12:31

Râbâ khihsawzy cha puakhei ta, thoânazy, leipaliena thua pazaopazy nata ahreizy hmâpa raihriatuhpazy ta âmo cha hmâh ta, leiraopa taonazy liata rai pahriasa ta. Cha hawhna chata Amawna khihpi zydua cha tao ta. Cha khai tawhta Dâvi nata pheisaih zydua cha Zerusale lâ a lie ha ei ta.

1 ABEIZY 13:4

Khazohpa chyhsa ta Bethel liata maisâh awsaopa ta, bie a reipazy cha abei ta a thei nahta, Zerôbaw cha maisâh tawhta a ku pazawh ta, “Kha chyhsa kha patu teh u,” tah ta. Châhrasala Khazohpa chyhsa lâta a ku a pazawhpa cha eikhapi ta vaw sy ha ta, a ku cha ano lâ a dao thei khao leipa ta.

1 ABEIZY 22:27

ama hnohta, ‘Abei ta hetana heta a tah: “Thlalôhpa ta ei vaw kua heih hlâlei cha, he chyhsa he patâhna o liata khô u la, viahchhâ chyhta nata ti chyhta dei nama pie aw,” a tah,’ tahpa ta nama chho aw,” tah ta.

2 THÂTIHZYRONA 16:11

Âsâ thâtih cha âthaona tawhta achhâna taihta, Zudâh nata Izarei beizy châbu liata ropa a châ.

2 THÂTIHZYRONA 16:9

Abeipa mo cha, ano lâta palôh tlokhuh a paheihpazy thatlôpa ta bao awpa ta, khizaw zydua a tawpâ thlâh ha mâh tâh. Hru kawpa ta hmo tao chi ta, tahmâ tawhta cha, chariah a dyuh awpa khâ na hnei aw,” tah ta.

2 THÂTIHZYRONA 18:26

ama hnohta, ‘Abei ta hetana heta a tah, he chyhsa he patâhna o liata khô u la, thlalôhpa ta ei vaw kua heih hlâlei cha, viahchhâ chyhta nata ti chyhta dei nama pie aw,’ tahpa ta nama chho aw,” tah ta.

2 THÂTIHZYRONA 25:16

Hrohsopa ta bie a rei hai nota, abei ta a hnohta, “Abei ryhraokheituhpa ta eima cha tao ma? A chalih teh! Khazia na thi aw,” tah ta. Hrohsopa ta, “He hmo he tao chi ta, ei ryhraokheina nâ pyh leipa vâta, Khazohpa ta pahleipadia a châ chhuah haw tahpa ei pahno,” tah ta, chatawhcha a chalih ha ta.

2 THÂTIHZYRONA 26:19

Uzia cha a hiehâh kaw ta. Ropahâhpa raona mei lana cha a chaba thlâh ha ta. Theihthaipazy chô liata a hie a hâh ngaita nota, Abeipa o liata ropahâhpa raona kiapâh liata theihthaipazy mohmô ta a khi liata vaw phawh ta.

ZAWBÂ 20:19

Dyhchhiepa tlybaipa ta siesai ta, A sa leipa o a chhupa vâta.

HLAZY 141:5

Mosiapa ta cha na tu mawh sy, Cha cha eina khokheipa vâta a châ; Na chhorei mawh sy, Ei luh châta sathaw châ ta, Ei luh ta dytha khah sy. Chatanachôta hmo moleipa ama taopazy a dyuh na ta, Thlah ei chhâ lymâ.

ISAI 51:23

Ei hiehâhna nyu cha, Nâmo châ taolatuhpazy ku liata soh aw na ta, Nama hnohta, ‘A pazawh teh u, Nama chô liata eima vaw sie aw,’ Châ tahtuhpazy ku liata ei soh aw. Nama ky alei hawhta dao ei chi ta, Ama sie nawpa khiliah lâpi hawhta nama dao tyhpa kha.”

ZEREMIAH 20:2

Pâsu ta hrohsopa Zeremiah cha tu ta, Abeipa o thokhy Benzami Chhikao machhua lâta a ypa keihrai liata patâh ta.

ZEREMIAH 26:21

A biereipazy cha Bei Zehôki nata a pasaipha zydua nata a beimachâ zydua ta ama thei nahta, abei ta thie a chhuah ta. Cha kyh cha Uria ta a thei nahta, chipa ta a râ ta, Izi râh lâ â râ ha ta.

ZEREMIAH 29:26

‘Abeipa ta theihthaipa Zehôdâ vyuhpa ta theih­thaipa ta cha tao ta, hrohsona bie a phuahpa angâpa maih cha keihrai dai ta, thua raopaky paky awpa ta, Abeipa o liata hyutuhpa ta a cha tao.

ZEREMIAH 37:15

Beimachâzy cha Zeremiah chô liata ama hiehâh ngaita ta, tu ei ta, chârohtuhpa Zawnathâ o liata patâh ei ta. Zawnathâ o cha patâhna o châta hmâpa a châ.

ZEREMIAH 51:34

Zaio khihsawzy ta, “Babylaw bei Nebukaneza ta na palâ ha ta, Eina chaeih pazao haw; Beih ruapa ta na tao ta, Parihpi hawhta eina palâ haw; Ei niedo pahâhpazy ta a py a pabie ta, Chysia hawhta na saoh ta eina thy haw.

CHAPHÔHTUNA 3:34

Khizaw sei ta â tâhpa zydua tlysao khai awpa cha, Abeipa ta paryhsa hlei vei;

LUKA 3:20

Zawhâna hmotaopazy ta a hie pahâh via rili ta, chavâta Zawhâna cha patâhna o liata khô ha ta.