2 THÂTIHZYRONA 15:8 - Mara Bible RV (BSI)

⁸ Ôdedâ sawchapawpa Azariah biereipazy cha Âsâ ta a thei nahta, a riah a papha ta. Nothlahpa pasichhihpazy cha Zudâh nata Benzami râh zydua nata Epharai tlâh râh khihpi a lapazy tawhta pahlei khai ta. Abeipa o aikah liata Abeipa maisâh padua pathi ta.

2 THÂTIHZYRONA 15:8 ပူးပေါင်းရင်းမြစ်များ

1 ABEIZY 11:5

Sawlawmaw cha Sidaw mo khazohnô Astarô nata Amawna mo khazoh pasichhihpa Mikô zy a chhy ta.

1 ABEIZY 11:7

Sawlawmaw ta Môabâ mo khazoh pasichhihpa Khemô châta nata Amawna mo khazoh pasichhihpa Môleka châta Zerusale nochhi lâ tlâh liata su sâhpa tao ta.

1 ABEIZY 15:9

Izarei bei Zerôbaw kô kih â bei kô ta, Âsâ cha Zudâh chô liata abei pathao ta,

2 ABEIZY 16:14

Dawh maisâh Abeipa hmiakô liata a y tyhpa cha ohmia tawhta, ano maisâh nata Abeipa o likawh tawhta pasie ta, ano maisâh maw lâ liata soh ta.

2 ABEIZY 18:22

‘Keimo la Abeipa eima Khazohpa na eimâ ngâchhâ,’ nama tahpa chhao ta, ano cha Hezekia ta Zudâh râhsawzy nata Zerusale khihsawzy hnohta, ‘Zerusale liata he maisâh hmiakô lia deita ta namâ chhy awpa a cha,’ tah ta, a su sâhpazy nata a maisâhzy a parao khai hapa kha châ vei ma?

2 ABEIZY 23:13

Izarei bei Sawlawmaw ta Sidaw mo khazoh pasichhihpa Astarô châta zy, Môabâ mo khazoh pasichhihpa Khemô châta zy, Amawna mo khazoh pasichhihpa Mikô châ zy ta Zerusale nochhi lâ, raona tlâh chho lâta su sâhpa a sapazy chhao Bei Zôsia ta parao khai ta.

2 THÂTIHZYRONA 13:19

Abizah ta Zerôbaw cha a chadai ta, a khihpizy la ta, Bethel nata a khichapeihzy, Zesanah nata a khichapeihzy, Epharaw nata a khichapeihzy la ta.

2 THÂTIHZYRONA 17:2

Zudâh râh liata thokhy hneipa khihpi zydua liata pheisaihzy soh ta, Zudâh râh nata a paw Âsâ ta a vaw lapa Epharai râh khihpizy liata pheisaih yna suzy padua ta.

2 THÂTIHZYRONA 19:11

Nathlie teh u, Abeipa kyh zydua liata, theihthai beipa Amaria cha nama hyutuhpa châ ta; abei kyh zydua liata, Zudâh chi hyutuhpa Ismela sawchapawpa Zebadiah cha hyutuhpa châ ta; Livai pathlazy chhao nama hyutuhpa châpa ta ama cha chakao aw. Riahphapa ta hria u la, Abeipa cha chyhsa phapazy hnohta y mawh sy!” tah ta.

2 THÂTIHZYRONA 19:4

Zehôsaphâ cha Zerusale liata pahrâ ta. A chyhsazy tly awpa ta pua ta, Besebâ tawhta Epharai tlâh râh taihta chahryh ta. A chyhsazy cha Abeipa, ama pathlatuhpazy Khazohpa lâ a chhi heih ta.

2 THÂTIHZYRONA 29:18

Chatawhcha Bei Hezekia lâ vawh ei ta, a hnohta, “Abeipa o cha pathai khai ha pi ta, raopa hlâna maisâh nata a chhaichhi zydua nata viahchhâ chaluahpa tlâhkhai nata a chhaichhi zydua chhao eima pathai khai haw.

2 THÂTIHZYRONA 4:1

Dawh maisâh tao ta, a doh lâ dy kih, a hâ lâ dy kih, â sâhna lâ dy hrawh a châ.

2 THÂTIHZYRONA 8:12

Sawlawmaw ta o hmia lâta aikah liata a taopa Abeipa maisâh chô liata, Abeipa lâ raopa hlânazy hlâ ta.

ISAI 44:14

Khazoh nothlahpa tao nawpa ta, Sidy thozy thlu ta; Meisah vyhpa nata ôkâ zy a tlyh ta, Râhmâhpa thozy hry liata a palaiseihsa tyh. Meisah vyhpa tho loh ta, Vâsua ti ta a palaiseihsa tyh.

ISAI 65:4

Thlâzy liata a tyuh ei ta, Su dâhthlohpazy liata amâ rie tyh; Vao sa zy nie ei ta, Ama beihzy liata sa pathaih leipazy yna chôta,

ZEREMIAH 16:18

Ama khazoh nothlahpa pasichhihpa rizy ta ei râh papuapalei ei ta, ama pasichhihnazy ta ei ryuto râh ama pabiepa vâta, cha ama paraona nata ama moleina cha, a lie no ta ei thô tua chai aw ei,” Abeipa ta a tah.

EZEKIA 8:10

Chatanachata a ngia na ta, hmô na ta. Alyhpasa to nothlahpazy, sahrâhpa pasichhihpa nothlahpazy nata Izarei pathlazy khazoh nothlahpa zydua cha, thokhy pâhchhô a chheipa ta khiepa châ ta.

THEIHTHAINA 18:30

Chavâta hmo pasichhihpa phoryhpa, nâmo y hlâta he râh liata a vaw y tuapa phopizy ta ama taopazy kha nama tao hra lei nawpa ta, ei biepiepa he zyh u la, cha hmozy liata a papuapalei khuh vy. Kei he Abeipa nama Khazohpa ei châ,” tah ta.

MATHAI 25:16

Talent miapangawh a vaotuhpa cha thlai sie ta, talent â vaopazy hmâpa ta sôh palie ta, talent miapangawh hropa papôhsa ta.

HMOTAOPAZY 28:15

Unawhzy ta eima thâtih ama thei nahta, a vy ei ta, Apia Daohpi nata Khichhai Bu Miathôh ama tahpa taihta miah vaw dy ei ta. Âmo cha a hmô nahta, Pawla cha Khazohpa lâ alyna bie reih ta, thlalôhpa ta y ha ta.

RYHPACHANEINA 27:15

“Khaipa ta tlyma, leihpa ta tlyma khazoh nothlahpa tao ta, cha hawhta zôthaipa ku ta taopa, Abeipa châta pasichhihpa khazoh nothlahpa arulâta a vaopa cha chhiesapa ta y mawh sy,” tah aw ei ta, zawpi ta, “Amen” ama tah aw.

1 PITY 4:3

Zenitaizy khopa taopa ta, parâna, aohraohna, paripangana, a hlao ta apatlana, sahma do pahmaohna nata nothlahpa achhyna pasichhihpa zy liata nama vaw tlaih tyhpa kha â daih ha bâ.

RYUREITUHPAZY 10:16

Chatanachata ama hry liata râh hropa khazohzy thypa ta, Abeipa cha chakao ei ta. Izarei nôpona cha Abeipa ta taokhei ngaita ta.