2 THÂTIHZYRONA 15:7 - Mara Bible RV (BSI)

⁷ Châhrasala nâmo la thatlôpa ta y u la, nama ku tha pachhâ khuh vy. Nama hmotaopa lymâ nama hmô aw,” tah ta.

2 THÂTIHZYRONA 15:7 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

1 THÂTIHZYRONA 28:20

Chatawhcha Dâvi ta a sawchapawpa Sawlawmaw hnohta, “Thatlôpa nata riahphapa ta y la, hria mah y. Chi leipa la, a ngiaroh khah y, Zehôvâh Khazohpa, ei Khazohpa tlai cha na hnohta a y mâh tâh. Abeipa o raihria zydua patlô khaipa a châ hlâlei, cha siesai leipa aw ta, cha pathlua aw vei.

2 THÂTIHZYRONA 19:11

Nathlie teh u, Abeipa kyh zydua liata, theihthai beipa Amaria cha nama hyutuhpa châ ta; abei kyh zydua liata, Zudâh chi hyutuhpa Ismela sawchapawpa Zebadiah cha hyutuhpa châ ta; Livai pathlazy chhao nama hyutuhpa châpa ta ama cha chakao aw. Riahphapa ta hria u la, Abeipa cha chyhsa phapazy hnohta y mawh sy!” tah ta.

2 THÂTIHZYRONA 32:7

“Thatlôpa nata riahphapa ta y u la, Asuria bei nata a pheisaih hri hluhpizy chi leipa u la, a ngiaroh hra khuh vy. Âmo chhâh a châpa hlâta keimo chhâh miah a châpa ama hluh via.

HLAZY 19:11

Chazy chata châ chakaotuhpa he zikyu nâ râ chi ta, Chazy a zyhpa cha lymâ rônahpa a dao aw.

HLAZY 27:14

Abeipa cha hâ la, Thatlôpa ta y mah y! Abeipa cha hâ la, Riahphapa ta y mah y!

HLAZY 58:11

Chatanachata chyhsapa ta, “Mosiapa châta lymâ y tlai ta, Khizaw ryureihtuh Khazohpa a y tlai na,” a tah awh.

ZEREMIAH 31:16

Abeipa ta hetana heta a tah: “Chana ta na ao papua leipa la, Na mo tawhta mothlih loh khah sy; Na hmotaopa vâta lymâ piepa châ aw chi ta, Na sawzy cha chariahpa râh tawhta ama vaw kua aw,” Abeipa ta a tah.

DÂNIAH 10:19

Ano ta ei hnohta, “Hy chyhsa pasâhsa a chhih ngaitapa y, chi kha, thlalôhna na hnohta y mawh sy. Thatlôpa ta y la, riahphapa ta y teh,” na tah ta. Ei hnohta bie a rei khai nahta, thapatlôpa ta vaw y ha na ta, a hnohta, “Ei zibeipa ta bie reih mawh sy, tha eina patlô ha chi,” tah na ta.

ZEKARIA 8:9

Pheisaihzy Abeipa ta hetana heta a tah: “Nâmo, tahmâ nota hrohsopazy pakah tawhta a puapa biezy a thei tyhpazy saih u, nama ku thapatlô teh u. He hrohsopazy he Achhyna o, Pheisaihzy Abeipa o lôbô bô nota a y hrapazy ama châ.

MATHAI 5:12

A ly u la, thaphapa ta y teh u, vârâh liata nama lymâ hluhpi a y. Cha hawhna chata, nâmo hlâta a vaw y tuapa hrohsopazy chhao ama vaw taola tyh.

MATHAI 5:46

Kyh châ pachâtuhpazy deita kyh nama pachâ khiahta cha, khâpa lymâ nama hmô aw? Chhiekheituhpazy chhao ta cha hawhpa cha tao thlâh ha veih ei ma?

MATHAI 6:1

“Chyhsa hmô awpa ta hmo pha a taopa nama châ lei nawpa ta a chado teh u. Chataleipatala nama Paw vârâh liata a ypa tawhta lymâ hmô aw veih ei chi.

MATHAI 6:18

Chatanachata kâhvileipa ta na ypa cha chyhsazy ta pahno leipa aw ei ta, na Paw arulâta a ypa deita ta pahno aw ta, na Paw arulâta châ hmôtuhpa ta lymâ a cha pie aw.

MATHAI 6:4

Chatanachata na hmopiepazy cha arulâta y aw ta, na Paw arulâta châ hmôtuhpa ta lymâ a cha pie aw.

MATHAI 6:6

Nâ deikua cha thlah na chhâ tita, na chhôhpadâhpa lâ a ngia la, ochhi khaw la, na Paw arulâta a ypa lâta thlahchhâ mah y. Na Paw arulâta a hmôtuhpa ta a cha pie aw.

LUKA 6:35

Nama khakhaipazy kyh pachâ u la, ama phana awpa tao u la, a vaw kua heih awpa hnabeiseih leipa ta dyu pacheisa teh u. Chatanachata nama lymâ hluh aw ta, Chônôchaipa sawzy nama châ aw. Ano cha alyna châh pahno leipazy nata moleipazy chhao a ngiachhie theipa a châ.

1 KAWRINI 15:58

Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

1 KAWRINI 16:13

A vaih u la, ngiapâna liata â ipata a duahpa ta, riahphapa ta y u la, thatlôpa ta y teh u.

1 KAWRINI 3:14

Ahy rai lôbô chô liata o a sapa â duah thlâh ha khiahta cha, cha chyhsa cha lymâ a hmô aw.

1 KAWRINI 3:8

A lohtuhpa nata ti a baotuhpa cha miakha ama châ. Ama hriapasazie hawhta lymâ ama hmô chyu aw.

EPHESI 6:10

A chhâ chaina ta cha, Abeipa nata a thatlôna liata thatlôpa ta y teh u.

KAOLAOSÂ 3:24

Nama lymâ châta Abeipa tawhta ryuto a hmô awpa nama châpa pahnopa ta, Abeipa Krista a chakaopa nama châ.

HEBRAI 10:35

Chavâta namâ ngiapâna alôhna, lymâ rônahpa a hneipa cha thy khuh vy.

HEBRAI 6:10

Nama raihria tyhpa nata a moh vâta kyhpachâna palâsapa ta mopathaihpazy nama chakao tyhpa, tahmâ taihta nama taopa he, mopakhô awpa ta Khazohpa cha adoleipa châ vei.

ZAWSUA 1:6

“Thatlôpa nata riahphapa ta y teh. He sahlao he ama pathlatuhpazy hnohta pie awpa ta bie ei taihpa râh cha ryu ta na patosa aw ei.

ZAWSUA 1:7

Thatlôpa nata riahpha ngaitapa ta y la, nâ chakaotuhpa Mawsi ta tao awpa bie a cha piepa ryhpa zydua pakhâta ta zyh la, tao mah y. Na siena lia maihta thlaochhipa ta na y thei nawpa ta, ryhpa bie he na chachâh lâ tlyma, na chavei lâ tlyma tleisai cheita khah y.

ZAWSUA 1:9

Bie cha pie va na mâ? Thatlôpa nata riahphapa ta y teh. Chi leipa la, ngiarohpa ta y hra kha. Abeipa na Khazohpa cha na siena maihta na hnohta a y lymâ aw,” tah ta.

ZAWSUA 14:14

Chatanachata Keniza chyhsa Zephune sawchapawpa Kâlebâ cha a pathipalôh tlokhuh ta Abeipa Izarei Khazohpa a pazipa vâta, Hebraw cha tanoh taihta a ryuto râh a châ haw.

2 ZAWHÂNA 1:8

Nama hria chiehpazy pahlei leipa ta, lymâ â kipa ta nama hmô thei nawpa ta, a hrohrua teh u.

RUTHI 2:12

Na hmotaopazy cha Abeipa ta cha thô sala, nâ boh nawpa ta a mathlaw ry liata nâ vaw ngiapa Abeipa Izarei Khazohpa ta lymâ kipa cha pie mawh sy!” tah ta.