2 THÂTIHZYRONA 15:4 - Mara Bible RV (BSI)

⁴ Châhrasala ama nô vaw po ta, Abeipa, Izarei Khazohpa lâ a heipa ta ano cha ama tlua nahta, Abeipa ta âmo cha vaw hmô ta.

2 THÂTIHZYRONA 15:4 ပူးပေါင်းရင်းမြစ်များ

2 THÂTIHZYRONA 15:15

Ama pathipalôh hmeiseihpa ta bie a taih ei ta, Abeipa cha khopasa ngaitapa ta ama tluapa vâta, Abeipa ta âmo cha hmô ta, su to liata apahâna a piepa vâ ei ta, ama bietai liata amâ ly ngaita.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 33:12

Nôpo ngaitapa ta a y nahta, Abeipa a Khazohpa ngiachhiena a haw ta, a pathlatuhpazy Kha­zohpa hmiakô liata a panawh ta.

HLAZY 106:44

Chatahrasala ano ama padona ao a thei nahta, Ama nôpona cha a pachâ heih tyh.

ISAI 51:1

“Nâmo, siana a chadaituhpazy saih u, Na nathlie u la; Nâmo, Abeipa a tluatuhpazy saih u, Na nathlie teh u. Ama cha khyna lôpanô lâ moh u la, Ama cha chaona alô thih lâ moh teh u.

ISAI 55:6

“Hmô thei awpa ta a y nota Abeipa cha tlua u la, Â hnia nona heta aw teh u!

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

ZEKARIA 1:3

Chavâta ama hnohta, Pheisaihzy Abeipa ta hetana heta a tah tahpa ta chho teh: ‘Kei lâ vaw kua teh u,’ Pheisaihzy Abeipa ta a tah; ‘Chatanachata kei chhao nâmo lâ ei vaw kua aw,’ Pheisaihzy Abeipa ta a tah.

RAWMA 10:20

Isai chhao ta riahpha ngaitapa ta, “Nâ tlua leipazy ta na hmô ei ta, Nâ pado leipazy ei pahnosa ei,” tahpa ta a vaw reih haw.