2 THÂTIHZYRONA 15:12 - Mara Bible RV (BSI)

¹² Ama pathipalôh nata ama thlahpa tlokhuh ta ama pathlatuhpazy Khazohpa Abeipa tlua awpa ta biehrai tao ei ta.

2 THÂTIHZYRONA 15:12 ပူးပေါင်းရင်းမြစ်များ

1 ABEIZY 8:48

sei ta a chhituhpa ama chariahpazy râh liana chata, ama pathipalôh tlokhuh ta nata ama thlahpa tlokhuh ta ro ei sala, âmo pathlatuhpazy hnohta na piepa ama râh nata nâ tlyhpa khihpi nata na moh châta ei sapa o lâ he a heihpa ta, nâ lâta thlah ama chhâ khiahta cha,

2 ABEIZY 11:17

Zehôdâ ta Izarei sawzy cha Abeipa phopi châ awpa ta, Abeipa nata abei likah liata zy, Abeipa nata zawpi likah liata zy, abei nata zawpi likah liata zy biehrai tao ta.

2 ABEIZY 23:3

Abei cha otôh liata a duah ta, Abeipa hmiakô liata biehrai tao ta. Abeipa hnôh pazipa ta, a biepiepazy, a biepahnokheipazy nata a bieraopazy cha a pathipalôh tlokhuh ta nata a thlahpa tlokhuh ta zyh ta, cha châbu liata â rohpa biehrai biezy hawhta tao lymâ awpa ta biehrai tao ta. Zawpi zydua chhao ta biehrai tao ei ta.

2 THÂTIHZYRONA 11:16

Izarei chi zydua hry tawhta Izarei Khazohpa Zehôvâh padona lâta ama palôh a heihpa zydua ta, ama pathlatuhpazy Khazohpa Zehôvâh lâ atheihna hlâ awpa ta, theihthaipazy nata Livai pathlazy cha Zerusale lâ pazi ei ta.

2 THÂTIHZYRONA 15:4

Châhrasala ama nô vaw po ta, Abeipa, Izarei Khazohpa lâ a heipa ta ano cha ama tlua nahta, Abeipa ta âmo cha vaw hmô ta.

2 THÂTIHZYRONA 19:3

Chatahrasala Aseri tôhzy râh tawhta pahleipadia chi ta, Abeipa tluana lâta na palôh na paheipa vâta, phana khazie rakha ma cha na hnei,” tah ta.

2 THÂTIHZYRONA 23:16

Zehôdâ ta ano nata zawpi zydua nata abei cha, Abeipa phopi châ awpa ta ama likah liata biehrai tao ta.

2 THÂTIHZYRONA 29:10

Keimo tawhta a hiehâhna ru ngaitapa pakuasapa ta a y thei nawpa ta, Abeipa Izarei Khazohpa hnohta biehrai tao khona palôh ei hnei.

NEHEMIAH 10:29

ama unawh nôpawpazy rei a hly ei ta, Khazohpa chakaotuhpa Mawsi ta a piepa Khazohpa Ryhpa cha zyh ta, Abeipa eima Zibeipa biepiepa zydua nata a ryureinazy nata a bieraopazy zyh awpa ta hetana heta bie amâ taih.

NEHEMIAH 9:38

“Cha zydua vâna chata, ropa tlai ta biehrai a ipa tao pi ta, eima beimachâzy, eima Livai pathlazy nata eima theihthaipazy moh chhao biehraina chahnao pa-ina châ liata ropa a châ,” tah ta.

ZEREMIAH 50:5

“Zaio lâpi hiahri aw ei ta, Zaio lâ hmiachhypa ta, ‘A vy teh u, Chhâzaw biehrai my khao lei awpa tao sih la, Abeipa cha a zao ei suh u,’ ama tah aw.

HMOTAOPAZY 24:14

Châhrasala he bie he na hnohta ei phuah aw. Âmo ta py ama tahpa Lâpi zyhna siezie hawhta miah pathlatuhpazy Khazohpa a chhypa châ na ta, ryhpa nata hrohsopazy châbu liata ropa zydua a ngiapâtuhpa ei châ.

2 KAWRINI 8:5

Cha chhao cha eima pangiasa leipa hawhta ama tao. Abeipa liata âmosasyh a hlâ tua ei ta, cha khai tawhta, Khazohpa khozie hawhta keimo liata miah amâ ngiarih.

RYHPACHANEINA 10:12

“Chavâta Hy Izarei, Abeipa nama Khazohpa ta a châ hnawpa ei cha khâpa hropa châ leipa ta, Abeipa nama Khazohpa cha chipa ta, a lâpi zydua a chhih ta, ano kyhpachâ ta, nama pathipalôh tlokhuh ta nata nama thlahpa tlokhuh ta Abeipa nama Khazohpa cha chakao ta,

RYHPACHANEINA 29:1

Hezy he Abeipa ta Izarei sawzy hnohta Hôribâ liata bie a hraipa thota, Abeipa ta Mawsi hnohta Môabâ râh liata biepie heih ta, Izarei sawzy chô liata bie a hraipazy a châ.

RYHPACHANEINA 29:11

nama hawtizy, nama lapinôzy, chihropa nama riehmo liata a y hrapazy, nama tho a thlupa tawhta nama ti a thaihpa taihta Abeipa nama Khazohpa hmiakô liata namâ duah hih.

RYHPACHANEINA 29:12

Chatanachata Abeipa nama Khazohpa ta tanoh ta nama hnohta a hraipa, Abeipa nama Khazohpa biehrai bietai liata namâ ngia thei aw.

RYHPACHANEINA 4:29

Châhrasala cha tawhna chata Abeipa nama Khazohpa cha tlua u la, nama pathipalôh tlokhuh ta nata nama thlahpa tlokhuh ta nama tlua khiahta cha, nama hmô heih aw.

RYHPACHANEINA 6:5

Abeipa nama Khazohpa cha nama pathipalôh tlokhuh ta, nama thlahpa tlokhuh ta, nama thatlôna tlokhuh ta kyh nama pachâ awpa a châ.

ZAWSUA 24:25

Chatanachata Zawsua ta, cha noh liata zawpi hnohta bie hraih ta, âmo châta bieraopa nata pachianazy Sekhe liata tao ta.