2 THÂTIHZYRONA 14:7 - Mara Bible RV (BSI)

⁷ Zudâh pathlazy hnohta, “Khihpizy he padua sih la, thokhyzy ta dôh sih la, o sâhpazy, thokhy chhikaozy, ahrainazy tao ei suh u. Abeipa eima Khazohpa eima tluapa vâta, râh he keimo eih châ lymâ ta, ano eima tluapa vâta, kaokih liata apahâna miah a pie ha hih,” tah ta. Chatana­chata khihpizy padua ei ta, thlaochhipa ta ama y lymâ.

2 THÂTIHZYRONA 14:7 ပူးပေါင်းရင်းမြစ်များ

1 ABEIZY 15:23

Âsâ thâtih hropa zydua, a thatlôna zydua, a hmotaopa zydua nata khihpi a paduapazy kyh cha Zudâh beizy thâtih rona châbu liata ropa a châ. A pawpi tawhta deikua cha, a phei liata hri vaw phaoh ha ta.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

2 THÂTIHZYRONA 14:4

Zudâh mo cha ama pathlatuhpazy Khazohpa Abeipa tlua awpa nata a ryhpa nata a biepiepa zyh awpa ta biepie ta.

2 THÂTIHZYRONA 14:6

Râh cha thlalôhpa ta a ypa vâta, thokhy hneipa khihpizy Zudâh râh liata padua ta. Abeipa ta apahâna a piepa vâta, cha kôzy liata chariah a dyuhpa hnei vei.

2 THÂTIHZYRONA 15:15

Ama pathipalôh hmeiseihpa ta bie a taih ei ta, Abeipa cha khopasa ngaitapa ta ama tluapa vâta, Abeipa ta âmo cha hmô ta, su to liata apahâna a piepa vâ ei ta, ama bietai liata amâ ly ngaita.

2 THÂTIHZYRONA 17:13

Zudâh râh khihpizy liata chariah chhaichhi hluhpi hnei ta. Zerusale liata chhao pheisaih thatlô riahphapa hluhpi hnei ta.

2 THÂTIHZYRONA 17:17

Benzami tawhta pasaipha Eliadâ nata libaw nata vyhphao a chabapa pheisaih 200,000 y ei ta,

2 THÂTIHZYRONA 20:30

Zehôsaphâ cha Khazohpa ta a chheipâh râh zydua tawhta apahâna a piepa vâta, a khinarâh cha sidiapa ta y ta.

2 THÂTIHZYRONA 25:5

Amazia ta Zudâh zawpizy awpakhy ta, Zudâh nata Benzami mo zydua cha ama pho zipa ta, pheisaih sâh kha hyutuhpazy ry liata nata za kha hyutuhpazy ry liata soh ta. Kô kih tawhta chô lâ maluh reih ta, asei nata vyhphao a hmâh theipa, chariah a dyuh thei awpa ta atlyhpa zydua cha 300,000 ama châ.

2 THÂTIHZYRONA 26:13

Ama ry liata pheisaih 307,500 y ei ta, chazy cha chariah adyuhna liata abei a bao thei awpa pheisaih thatlôpazy ama châ.

2 THÂTIHZYRONA 32:5

Hezekia cha a tha a patlô ta. Thokhy a cho hapa zydua taopathi ta, thokhy chô liata o sâhpazy padua ta. Khôtho lâ tawhta thokhy hropa ta patho thlu ta. Dâvi khihpi thokhy chhao pasiepakaopa ta pa-i ta. Chaihraizy nata vyhphaozy hluhpi tao ta.

2 THÂTIHZYRONA 8:5

Sawlawmaw ta Machhua Behôrô nata Mathi Behôrô khihpizy chhao thokhyzy, chhikaozy, ahraina lâzy hneipa a padua.

ZAWHÂNA 9:4

Nohchhô a châ nota nâ tuahtuhpa rai ei hria awpa a châ. Zâ châ daihmâ ta, cha tita la ahy hmahta rai hria thei khao aw veih ei.

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.

ZAWSUA 23:1

Abeipa ta Izarei cha ama chheipâh chariah zydua tawhta apahâna pie ta, bohpi a châ tawhta, Zawsua chhao cha vaw machâpa ta kô uhthei ngaitapa vaw châ ha ta.

1 PITY 3:12

Abeipa mo cha mosiapazy chô liata y ta, Ama thlahchhâna lâ nah a pachôh tyh. Moleipazy deikua cha, Abeipa hmia ta â dyuh tyh ei.”