2 THÂTIHZYRONA 14:2 - Mara Bible RV (BSI)

² Âsâ cha Abeipa a Khazohpa mohmô liata hmo phapa nata hmo dopa tao lymâ ta.

2 THÂTIHZYRONA 14:2 ပူးပေါင်းရင်းမြစ်များ

1 ABEIZY 15:11

Âsâ cha a pathlatuhpa Dâvi hawhta Abeipa mohmô liata hmo dopa tao ta.

1 ABEIZY 15:12

Achhyna su liata chapaw âzuahpazy râh tawhta papua ta, a pathlatuhpazy ta khazoh nothlahpa ama taopa zydua chhao a parao khai haw.

1 ABEIZY 15:14

Su sâhpazy deikua cha pahleipadia vei. Chatahrasala Âsâ cha a hro chhôh zydua ta tlokhuh ta Abeipa liata palôh dopa a phaohpa a châ.

2 THÂTIHZYRONA 14:1

Abizah cha a pathlatuhpazy hnohta a mô ta, Dâvi khihpi liata pabu ei ta, a sawchapawpa Âsâ ta ano su liata â bei. Ano â bei chhôh cha, râh chhao kô hrawh chhôh thlalôhpa ta a y.

2 THÂTIHZYRONA 14:3

Râh hropa khazoh maisâhzy nata su sâhpazy pahleipadia ta, lôbôzy paraopa ta, Aseri tôhzy thlu ta.

2 THÂTIHZYRONA 15:16

A nô Mâkâ tlai chhao, khazoh nothlahpa pasichhihpa Aseri tôh a taopa vâta, beinô a châna tawhta pabâh ta, a nô khazoh nothlahpa cha chhawh pachhô ta, pazao khai ta, Kidaraw vahtiepa liata mei ta a rao haw.

2 THÂTIHZYRONA 17:6

Palôh riahpha kawpa ta Abeipa lâpi a chhih ta. Cha dei châ vei, su sâhpazy nata Aseri tôhzy Zudâh râh tawhta a pahlei khai haw.

2 THÂTIHZYRONA 20:32

A paw Âsâ lâpi a chhihpa zydua a chhih hra ta. Lâpi tleisai cheita leipa ta, Abeipa mohmô liata hmo dopa tao ta.

2 THÂTIHZYRONA 21:12

Hrohsopa Elaizâh tawhta ano lâ châpaphaopa vaw tlô ta, a hnohta, “Châ pathlatuhpa Dâvi Khazohpa Abeipa ta hetana heta a tah, ‘Na paw Zehôsaphâ lâpizy a chhih leipa chi ta, Zudâh bei Âsâ lâpizy chhao a chhih leipa chi ta,

2 THÂTIHZYRONA 31:1

Cha zydua cha ama tao khai nahta, cha liata a ypa Izarei saw zydua ta Zudâh khihpizy lâ sie ei ta, lôbôzy nata Aseri tôhzy pakeichheih khai ei ta. Zudâh, Benzami, Epharai nata Manase râhzy liata su sâhpa zydua nata maisâh zydua pacho khai ei ta. Cha khai tawhta, Izarei saw zydua cha ama khihpi nata ama olyu chyu lâta a di ha ei ta.

2 THÂTIHZYRONA 31:20

Cha hawhna chata Hezekia ta Zudâh râh zydua liata tao ta. Abeipa, a Khazohpa mohmô liata a phapa, â dopa nata ngâchhihpa hmozy tao ta.

2 THÂTIHZYRONA 34:7

Maisâhzy parao ta, Aseri tôhzy nata khazoh nothlahpazy cha a paoh ta phy pazao ta, chazy hlâta â sâh viapa ta taopa, Izarei râh zydua liata ropahâhpa raona maisâhzy a chhawh pathlah khai haw. Cha khai tawhta Zerusale lâ a lie ta.

PUASAINA 23:24

Ama khazohzy hmiakô liata a bôhpa ta nâ chhy awpa châ leipa ta, âmo na chakao awpa châ hra vei. Ama taopazy hawhta na tao hra awpa châ leipa ta, tlokhuh na pahleipadia khai ha awpa ei châ ta, ama panana tôhzy na phy pachhô khai ha awpa a châ.

LUKA 1:75

Chavâta chi leipa ta ano chakao aw pi ta, Eima hro chhôh zydua ta, Pathaihpa nata siapa ta a hmiakô liata eima y thei aw.

RYHPACHANEINA 12:3

Ama maisâhzy pacho aw ei chi ta, ama lôbôzy a tlawh ta phychheih aw ei chi ta, ama Aseri tôhzy mei ta nama rao aw. Ama khazoh nothlahpazy chhawh pachhô aw ei chi ta, cha su tawhta ama moh nama pahlei ha aw.