2 THÂTIHZYRONA 14:11 - Mara Bible RV (BSI)

¹¹ Âsâ cha Abeipa a Khazohpa pado ta, “Hy Abeipa, thatlôpa ku tawhta chiehleipa a pachha thei awpa cha, nâ leipa ta ahy hmah y veih ei. Hy Abeipa eima Khazohpa y, rie miah bao mah y. Nâma a ngâchhâpa ta, na moh ta he pheisaih hluh ngaitapa he eimâ vaw dyuh. Hy Abeipa y, nâ cha eima Khazohpa châ chi ta, chyhsapa ta cha pahnie khah sy,” tah ta.

2 THÂTIHZYRONA 14:11 ပူးပေါင်းရင်းမြစ်များ

1 ABEIZY 8:44

“Na phopi ta ama chariah a dyuh awpa ta sie ei sala, kheihawhpa lâpi lâ tawhta na tuapa chhao ta, nâ tlyhpa khihpi nata na moh châta ei sapa o lâ he a heihpa ta Abeipa lâ thlah ama chhâ khiahta cha,

1 THÂTIHZYRONA 5:20

Adyuhna liata Khazohpa lâ thlahchhâ ei ta, ano ama ngâpa vâta, a para ngaitapa ta ama hiana cha Khazohpa ta chyh-ei ta, Hâkari mo nata ama hnohta a ypa zydua cha ama ku liata a pie ha ei.

2 THÂTIHZYRONA 13:12

Pachâ teh u, eima hnohta y ta, keimo miah chhituhpa cha Khazohpa châ ta, a theihthaipazy ta ama chiahmiezy tô ei ta, nâmo a dyuh awpa ama pahrua. Hy Izarei sawzy saih u, Abeipa châ pathlatuhpazy Khazohpa cha a dyuh cheita khuh vy. Nama hlaotloh aw vei,” tah ta.

2 THÂTIHZYRONA 13:14

Zudâh pheisaihzy cha a heih ei ta, ama hmia nata hnôh ta chariah ta ama chadô hapa hmô ei ta. Abeipa pado ei ta, theihthaipazy ta chiahmie tô ei ta.

2 THÂTIHZYRONA 13:15

Zudâh pheisaihzy cha chariah a dyuh awpa ta a pahô pahâhpa ta thata awh ei ta. Zudâh pheisaihzy ta thata ama awh nahta, Khazohpa ta Zerôbaw nata Izarei maw lâ pheisaih zydua cha Abizah nata Zudâh pheisaihzy hmiakô liata panawh ha ta.

2 THÂTIHZYRONA 13:18

Cha daihti liata Izarei maw lâ pheisaihzy cha panawhpa ta y ei ta, Zudâh pheisaihzy deikua cha, ama pathlatuhpazy Khazohpa Abeipa liata amâ pahniehpa vâta, pahniena patosapa ama châ.

2 THÂTIHZYRONA 14:10

Âsâ cha Zerâ a dyuh awpa ta kei pua ta, Mâresâ liata Zephathâ saikao liata a kei paziah ei ta.

2 THÂTIHZYRONA 16:7

Cha nota hrohsopa Hânani cha Zudâh bei Âsâ la a vy ta, a hnohta, “Abeipa na Khazohpa liata a pahnieh leipa chi ta, Aramia bei liata nâ pahniehpa vâta, Aramia bei pheisaihzy na ku tawhta ama pua haw.

2 THÂTIHZYRONA 18:31

Talailih pheisaih hyutuhpazy ta Zehôsaphâ ama hmôpata nahta, “Izarei bei a châ huh,” tah ei ta. Ano cha a heihnaopa ta a dyuh ei ta. Zehôsaphâ cha awh ta, Abeipa ta bao ta, a chadaituhpazy cha Khazohpa ta a pakuasa ha ei.

2 THÂTIHZYRONA 20:12

Hy eima Khazohpa y, âmo cha pachia aw va chi ma? Miah a vaw siehnaopa pheisaih hri hluh ngaitapa he a dyuh awpa ta tloh ma pi. Tao awpa chhao pahno ma pi. Chavâta eima mozy nâ lâta eima vaw khaih hih,’” tah ta.

2 THÂTIHZYRONA 20:32

A paw Âsâ lâpi a chhihpa zydua a chhih hra ta. Lâpi tleisai cheita leipa ta, Abeipa mohmô liata hmo dopa tao ta.

2 THÂTIHZYRONA 25:8

Hrâ na sie awpa khiah cha sie la, a dyuh la, adyuhna châta riahphapa ta y mah y. Chataleipatala Khazohpa ta chariah hmia liata a cha panawh pathlei aw. Khazohpa cha bao theina nata panawh theina hmotaotheina a hneipa châ tlôh ta,” tah ta.

2 THÂTIHZYRONA 26:7

Philistinâ mo nata Kubâlâ liata a ypa Arabia mo nata Muni mozy â dyuhna liata Khazohpa ta bao ta.

2 THÂTIHZYRONA 32:20

Cha hawhpa bie ama reipa vâna chata, Bei Hezekia nata Amôza sawchapawpa hrohsopa Isai cha thlahchhâpa ta avâ lâ awh ei ta.

2 THÂTIHZYRONA 32:8

Ano chhâh a châpa cha sapa pheisaih châ ei ta, keimo chhâh a châpa cha Abeipa eima Khazohpa a châ. Ano ta miah bao aw ta, eima chariah miah â dyuhpa aw,” tahpa ta thapatlôna bie reih ta.

HLAZY 120:1

Ei nôpo nota Abeipa pado na ta, Ano ta einâ chhy.

HLAZY 18:6

Nôpopa ta Abeipa cha pado na ta, Na bao awpa ta ei Khazohpa ei aw. Achhyna o tawhta ei ao thei ta, Ei awna ao a nah liata â ngia.

HLAZY 20:5

Na pachhana liata a lypa ta awh sih la, Eima Khazohpa moh ta pahniena pohrai chaluahpa ta, Abeipa ta na hiapa zydua hlao cha patloh mawh sy!

HLAZY 20:7

Thokha ta talailihzy ngâ ei ta, Ahropazy ta arâzy ama ngâ; Keimo deikua cha Abeipa eima Khazohpa moh eima ngâ.

HLAZY 20:8

Âmo cha a hluah ei ta ama pao, Keimo deikua cha thyu pi ta â ipa ta eima duah.

HLAZY 22:5

Cha aw ei ta, pachhapa ta y ei ta, Cha ngâ ei ta, ama hnabeidy vei.

HLAZY 22:6

Kei deikua cha chyhsapa châ leipa na ta, Châkariepa dei châ na ta; Chyhsazy mohnaopa nata pasipasawhpa ei châ.

HLAZY 34:6

Dyhchhiepa cha awh ta, Abeipa ta a thei; A nôpona zydua tawhta a pachha.

HLAZY 37:5

Na yzie awpa cha Abeipa liata pahnieh la, Ano ngâ la, Ano ta a tao aw.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 9:19

Hy Abeipa, thyu la, Chyhsapa ta tiah khah ei sy; Phopizy na hmiakô liata pachiapa châ mawh ei sy!

HLAZY 91:15

Eina pado tita a chhy aw na ta, Nôpona daihti liata a hnohta ypa ta, Pachha aw na ta ei palyupalih aw.

PUASAINA 14:10

Phiraoh â vaw hnia nahta, Izarei sawzy ta kei sai ei ta, Izi mo ta âmo lâ pangaipa ta ama vaw sie haipa ama hmô nahta, chi ngaita ei ta. Izarei sawzy ta Abeipa awsao ei ta.

BIESOZY 18:10

Abeipa moh cha thokhy a sâhpa thatlôpa châ ta, Mosiapazy ta cha lâ a râ ei ta amâ boh tyh.

ISAI 10:20

Cha noh liata, Izarei laibâhpazy nata Zakaw pathla a hrohpazy cha, âmo a thietuhpa liata a pahnieh khao leipa aw ei ta, Abeipa Izarei Mo Pathaihpa liata tlao a pahnieh aw ei ta, biehmeiseihpa liata amâ pahnie bâ aw.

ISAI 2:22

Chyhsapa he ngâ khao khah y, A hnapasu liata husona a hneipa deita a châ hih; Pasâhsa kaw nawpa khâpa a hnei tly?

ISAI 26:13

Hy Abeipa eima Khazohpa, Nâ deita eima chô liata ryureih leipa chi ta, Bei hropazy chhao ta ryu ama reih tyh; Châhrasala nâma moh deita eimâ thei tyh.

ZEREMIAH 1:19

Cha pachha awpa ta na hnohta ei ypa vâta, châ dyuh aw ei ta, châhrasala cha pahnie aw veih ei, Abeipa ta a tah,” tah ta.

THEIHTHAINA 26:8

Papangawh ta za kha a chadai aw ei chi ta, za kha ta thy kha a chadai aw ei chi ta, nama chariahpazy nama hmiakô liata zaozi ta ama pao aw.

AMÔSÂ 5:9

Ano cha diahsua chô liata raona pathlisa ta, Thokhy chô liata raona a patlôsatuhpa a châ.

ZEKARIA 2:8

Châ hraotuhpazy râh lâ a rônahna ta nâ tuahtuhpa Pheisaihzy Abeipa ta hetana heta a tah: “Nâ châ hriapa cha ei mosaw a hriapa a châ.

MATHAI 16:18

Chavâta ei cha chho, nâ cha Pity na châ. He lôpanô chô liana heta ei Awnanopa padua aw na ta, Athihkhih chhikaozy ta pahnie aw vei.

ZAWHÂNA 14:1

“Nama pathipalôh nôpo khah sy. Khazohpa namâ ngiapâ na, kei chhao nâ ngiapâ hra teh u.

ZAWHÂNA 14:27

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

HMOTAOPAZY 2:21

Ahy rai Abeipa moh a padopa maih cha, Pachhapa ama châ aw,’ tahpa ta a vaw reipa kha a châ.

HMOTAOPAZY 3:16

Zisu moh ta, Zisu moh angiapâna ta he chyhsa nama hmôpa nata nama pahno tyhpa he a thapatlô ta, ano vâta ngiapâna a vaw ypa ta nama zydua mohmô liata a patlâh ha hih.

HMOTAOPAZY 9:4

Alei liata pao ta, ao thei ta, ao chata a hnohta, “Sawla, Sawla, khazia eina taola chi?” tah ta.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

RYHPACHANEINA 32:27

Ama chariahpazy ta pahno chhei ei sala hmahta, Âmo cha pasipasawhpa ta, ‘He zydua he Abeipa taopa châ vei, Keimo ku ta eima pahniepa a châ,’ Ama tah pathlei awpa ei chipa vâta a châ.

RYHPACHANEINA 32:30

Kheihta ma pakha ta sâh kha a chadai thei aw ta, Pano ta thy kha ama parâpaisa thei aw? Ama Lôpanô ta âmo cha zuah ha ta, Abeipa ta a uasa khao leipa vâ ei ta châ vei ma?

RYHPACHANEINA 32:36

Hmotaotheina ama hnei khao leipa Abeipa ta hmô ta, Sei chhao khotalaipa chhao ama y khao lei tita, Abeipa ta a phopi thaipachâsa aw ta, A chakaotuhpazy chô liata zawh â ngiah aw.

RYUREITUHPAZY 7:7

Abeipa ta Kidia hnohta, “Ti a paliepa chyhsa 300 hmâpa ta cha pachha aw ei na ta, na ku liata Midia mo ei cha pie aw. Ahropa zydua cha ama o lâ chyu padisa khai teh,” tah ta.

1 SAMUELA 14:6

Zawnathâ ta a chariah chhaichhi a chabatuhpa satliapa hnohta, “A vy teh, chopawtaileipa sahlao pheisaihzy yna lâ hao vaw tua ei si. Abeipa ta hmo miah a taopa thlâh ha ngyu aw. Chyhsa hluhpi ta tlyma, chyhsa chyhta tlyma, pachhana rai hria awpa ta Abeipa cha khâpa ta hmahta pakhâ thei vei,” tah ta.

1 SAMUELA 17:47

He liata ahmaohpakhypa zydua chhao heta, Abeipa ta zaozi nata asei ta pachha vei tahpa ama pahno aw. Adyuhna he Abeipa eih châ ta, Abeipa ta nâmo he eima ku liata miah a pie aw,” tah ta.

1 SAMUELA 2:9

“A chyhsa ngâchhihpazy phei vaih aw ta, Moleipazy deikua cha zohna liata chhawh pathlahpa ama châ aw; Thatlôna vâta chyhsa a duah veih ei.