2 THÂTIHZYRONA 13:9 - Mara Bible RV (BSI)

⁹ Arawna pathla Abeipa theihthaipazy nata Livai pathlazy papuapa ta, râh hropazy liata phopizy taozie hawhta theihthaipazy namâ taopa châ vei ma? Viahchao tôh dawpa pô kha tlyma, mietaku tôhpa pô sari tlyma a vaw cheihpa maih cha, Khazoh hmeiseihpa a châ leipa khazohzy theihthaipa ta nama tao lymâ.

2 THÂTIHZYRONA 13:9 ပူးပေါင်းရင်းမြစ်များ

1 ABEIZY 13:33

Cha hmo a vaw tlô khai tawh chhao ta, Zerôbaw cha a yzie doleipa pathleih hlei leipa ta, Izarei chi to hry tawhta chyhsazy cha su sâhpa theihthaipazy châta tao lymâ ta, theihthaipa a châ khohpa maih su sâhpa theihthaipazy châta a rao lymâ ei.

2 ABEIZY 19:18

ama khazohzy chhao mei liata ama thy ha tlai. Chazy cha Khazohpa châ leipa ei ta, chyhsapa ku ta taopa tho nata lô dei ama châpa vâta pahleipadiapa ama châ.

1 THÂTIHZYRONA 29:5

zôthaipazy ta ngôh nata tâkâ ta tao awpa hmo zydua ama tao nawpa châta keima sôh tawhta ei pie. Tanoh he ahy ma Abeipa châta ano kho tlai ta a pie hra aw?” tah ta.

2 THÂTIHZYRONA 13:10

Keimo deikua la, Abeipa cha eima Khazohpa châ ta, ano cha tleisai ma pi. Abeipa châta chakaona rai hria awpa ta Arawna pathla theihthaipazy hnei pi ta, âmo chakaona rai chyu a hria awpa Livai pathlazy chhao eima hnei.

2 THÂTIHZYRONA 29:31

Hezekia ta, “Tahmâ cha Abeipa châta a pathai ha ei chi ta, a vaw hnia u la, Abeipa o lâta atheihnazy nata alyna bie reina hmohlâpazy vaw hlâ teh u,” tah ta. Zawpizy ta atheihnazy nata alyna bie reina hmohlâpazy vaw cheih ei ta, palôh khona a hneipa maihta raopa hlânazy vaw cheih hra ei ta.

PUASAINA 29:1

“Arawna nata a sawchapawzy ta theihthaipa rai hriapa ta eina chakao thei nawpa ei ta, âmo cha pathaisa awpa châ ta, ama chô liata hetana heta na tao awpa a châ. Viahchao tôh dawpa pô kha nata mietaku tôhpa seina hnei leipa pô no la aw chi ta,

PUASAINA 29:29

“Arawna chysia pathaihpazy cha a sawchapawzy ta to pachhuah lymâ aw ei ta, cha chysia pathaihpazy a tobina chôta sathawthupa nata chahnaopa ama châ aw.

PUASAINA 29:35

“Bie ei cha piepa zydua hawhna khata Arawna nata a sawchapawzy chô liata tao aw chi ta, âmo chahnao awpa ta noh sari chhôh na panano tua awpa ei a châ.

PUASAINA 32:29

Mawsi ta, “Tanoh he Abeipa châta a panano teh u. Chyhsa to ta ama sawchapawzy nata ama unawhzy a dyuh ha ei ta, chavâta tanoh he Abeipa ta byhnâ a cha pie aw ei,” tah ta.

ZEREMIAH 2:11

Phopi ta a khazohzy cha, Khazohzy ama châ leipa chhao ta a thla beih ma? Ei phopi deikua ta ama rônahna cha, Hmo phahnai leipa ta tlao ama thla haw.

ZEREMIAH 5:7

“Kheihta ma ei châ ngiahthai thei aw? Na sawzy ta na siesai ei ta, Khazoh a châ leipazy moh reipa ta bie amâ taih hapa cha. Ama rihbiena taihta ei pasapa chhao ei ta, Nâ pheisai pyly ei ta, Âzuahnôzy o lâ a hripi ta ama ngai tyh.

HÔSIA 8:6

Viahchaotaw cha Izarei ta a taopa châ ta, Syudaihpazy ta ama daipa a châ; Khazohpa châ vei. Samâri viahchaotaw cha, Pakeichheih khaipa a châ aw.

THEIHTHAINA 16:32

Theihthaipa, a paw su a thla awpa ta sathawthupa nata pananopa ta pala rih dipa chysia pathaihpa a tobi aw ta, chatlaina a tao aw.

THEIHTHAINA 8:2

“Arawna kha a sawchapawzy chhaota a chhi la, chysiazy, sathaw pathaihpa, moleina hlâna viahchao tôhpa, mietaku tôhpa pô no nata viahchhâ thinô pahlao leipa hrâbyh hmo kha cheih la,

HMOTAOPAZY 19:26

Ephesi lia dei châ leipa ta, Asia râh zydua rô ta, he Pawla heta ku ta taopa khazohzy cha khazoh châ veih ei, tahpa ta chyhsa hluhpi pahnie ta, a patleisa khaipa kyh cha, nâmo chhao hmô ei chi ta, nama theipa a châ.

KALATIA 4:8

Khazohpa nama pahno vei nona kha, ama pizie rai chhao ta khazoh a châ leipazy sei ta y ei chi ta.

RYHPACHANEINA 32:17

Khazoh a châ leipa ahripazy lâta atheihna hlâ ei ta, Ama pahno beih leipa khazoh, Atlia ta a vaw ypa khazoh thiehpa, Pathlatuhpazy ta ama chi beih leipa Khazohzy lâta atheihna ama hlâ tyh.