2 THÂTIHZYRONA 13:5 - Mara Bible RV (BSI)

⁵ Izarei bei châna cha Dâvi nata a sawchapawzy hnohta, Izarei Khazohpa Zehôvâh ta alôh ta biehraipa ta, chhâzaw châta a piepa a châ tahpa a pahnopa châ veih ei chi ma?

2 THÂTIHZYRONA 13:5 ပူးပေါင်းရင်းမြစ်များ

2 SAMUELA 10:13

Zôabâ nata a pheisaihzy cha Aramia mo a dyuh awpa ta a kei hnia ei ta, Aramia mo cha Zôabâ hmiakô liata a râpai ha ei ta.

1 ABEIZY 8:20

Abeipa ta a bietai cha tahmâ a patlô haw. Abeipa ta bie â vaw taipa hawh tlai ta, ei paw Dâvi su liata kei a duahpa ta, Izarei beidyuchhai liata a tyuh na ta, Abeipa, Izarei Khazohpa moh châta o cha ei sa haw.

1 THÂTIHZYRONA 17:11

Na nohzy a kipa ta, châ pathlatuhpazy hnohta na sie tita, châ thla awpa ta, na chipathla, na sawchapawzy hry tawhta pakha padua aw na ta, a khinarâh ei pa-i aw.

1 THÂTIHZYRONA 17:14

Ei o liata nata ei khinarâh liata ano cha chhâzaw ta pa-i aw na ta, a beidyuchhai chhâzaw ta ei padua aw,’ tahpa ta,” tah ta.

2 THÂTIHZYRONA 6:16

Chavâta Hy Abeipa, Izarei Khazohpa y, châ chakaotuhpa ei paw Dâvi hnohta, ‘Na pathlazy ta ama lâpizy pakhâta ta pachâ ei sala, nâ ta ei lâpi nâ chhihpa hawhna heta, âmo chhao ta ei ryhpa ama zyh lymâ khiahta cha, Izarei beidyuchhai liata ei hmiakô lia a tyuh awpa chyhsa na pathlazy tawhta chie aw veih ei’, tahpa ta bie nâ vaw taihpa kha patlô mah y.

NEHEMIAH 5:9

Chavâta ama hnohta, “Nama hmotaopa he pha vei. Eima chariah phophizy ta miah ama pahneisao lei nawpa ta, eima Khazohpa nama chi awpa châ vei ma?

BIESOZY 1:29

Pahnona a hao ei ta, Abeipa china a tlyh leipa ei ta,

ZEREMIAH 33:26

Zakaw chipathlazy nata nâ chakaotuhpa Dâvi chipathlazy cha thy aw ei na ta, a chipathlazy hry liata pakha cha, Abarahâ nata Aisika nata Zakaw chipathlazy chô liata ryureituhpa châta a tlyh aw va na. Chavâta vânoh patosa heih aw ei na ta, zawh ei ngiah heih aw ei.”

EZEKIA 43:24

Chazy cha Abeipa hmiakô liata hlâ aw chi ta, theihthaipa ta alôh mia aw ta, Abeipa lâta raopa hlâna châta a hlâ aw.

DÂNIAH 5:18

Hy abei y, Khazohpa Chônôchaipa ta na paw Nebukaneza hnohta khinarâh zy, laina zy, rônahna zy, abeina zy pie ta.

THEIHTHAINA 2:13

Niepa hlâna zydua alôh mia khai aw chi ta, na Khazohpa biehrai alôh cha, niepa hlâna liata iah leipa ta a y awpa châ vei. Na hmohlâpa zydua liata alôh na hlâ pâ lymâ awpa a châ.

MALUHREINA 18:19

Izarei sawzy ta chalopa hlâna ta Abeipa lâta ama hlâpa hmo pathaihpa zydua cha, nâ nata na sawchapawzy nata na sawchanôzy hnohta chhâzaw ta nama tovyuh châta ei cha pie ei. Cha cha nâ nata na hnohta a ypa na sawchapawzy nata na sawchanôzy châta, Abeipa hmiakô liata chhâzaw alôh biehrai a châ aw,” tah ta.

2 PITY 3:5

Avâzy he Khazohpa bie ta hlâno tawhta a ypa a châzie nata alei chhao ti tawhta nata ti hry liata a vaw ypa a châzie pahno lei a pachâ raruah ei ta,

1 SAMUELA 16:1

Abeipa ta Samuela hnohta, “Sawla cha Izarei chô liata bei châta ei khoh khao leipa châ ta, ano vâta khachâ ma pachârôhpa ta na y aw? Na saki ôh liata sathaw pabie la, sie teh. Bethlehe khihpa Zese lâta ei cha tuah aw. A sawchapawzy hry liata pakha keima châta bei ta ei rao haw,” tah ta.

1 SAMUELA 16:12

Kei paawsa ta, a vaw chhi ei ta. Sabia panyu kawpa, a mopadei a ngia kawpa nata hmipha ngaitapa châ ta. Abeipa ta Samuela hnohta, “Thyu la, sathawthu teh, kha tlai kha na a châ,” tah ta.