2 THÂTIHZYRONA 13:2 - Mara Bible RV (BSI)

² Zerusale liata kô thôh a bei ta, a nô moh cha Kibia chyhsa Urie sawchanô Mikhai a châ. Abizah nata Zerôbaw likawh liata adyuhna vaw y ta.

2 THÂTIHZYRONA 13:2 ပူးပေါင်းရင်းမြစ်များ

1 ABEIZY 14:19

Zerôbaw hmotaopa hropazy, chariah â dyuhna kyh nata a ryureina kyhzy cha, Izarei beizy thâtih rona châbu liata ropa a châ.

1 ABEIZY 14:20

Zerôbaw cha kô kih nata kô no ryureih ta, a pathlatuhpazy hnohta a mô ha ta, a sawchapawpa Nâdâ ta ano su liata â bei.

1 ABEIZY 15:2

Zerusale liata kô thôh a bei ta. A nô moh cha Mâkâ châ ta, Abisalô sawchanô a châ.

2 THÂTIHZYRONA 11:20

Mâhalâ a hnei khai tawhta, Absalaw sawchanô Mâkâ hnei ta, ano ta Abiza, Atai, Ziza nata Selômi zy sapa ta.

2 THÂTIHZYRONA 12:15

Rehôbaw thâtih cha âthaona tawhta achhâna taihta, hrohsopa Semiah nata hmôtheituhpa Idô zy ropa thyutôna châbuzy liata ropa a châ. Rehôbaw nata Zerôbaw likawh liata adyuhna y lymâ ta.

2 THÂTIHZYRONA 13:3

Abizah cha pasaipha pheisaih atlyhpatluapa 400,000 chhaota adyuhna lâ sie ta. Zerôbaw ta pasaipha pheisaih atlyhpatluapa 800,000 paziahpa ta a vaw duakhâh ta.

ZAWSUA 18:28

Zelâ, Helepha, Zebu khihpizy chhao amâ hlao. Zebu cha Zerusale a châ. Kiria­ziari nata Kibi khihpizy chhao a hlao ei ta, khihpi miahrawh hleipalih y ta, khichapeihzy ama hnei. Chazy cha Benzami pathlazy ta a pho pho ta ama to awpa ryuto râh a châ.

RYUREITUHPAZY 19:14

Chatanachata palâh ei ta, sie lymâ ei ta. Benzami chi Kibia khih amâ hnia nahta, noh tla pâ ha ta.

RYUREITUHPAZY 19:16

Moh teh u, pawpipa pakha cha a lyu rai hriana lâ tawhta zâlâ ta vaw tlô ta. Cha chyhsa cha Epharai tlâh râh chyhsa Kibia liata a pahrâ chypa a châ. Cha su liata chyhsazy deikua cha Benzami mo ama châ.

1 SAMUELA 10:26

Sawla chhao Kibia khih liata ano o lâ a di ha hra ta. A hnohta pasaipha, Khazohpa ta ama pathipalôh a hriapazy sie hra ei ta.