2 THÂTIHZYRONA 13:15 - Mara Bible RV (BSI)

¹⁵ Zudâh pheisaihzy cha chariah a dyuh awpa ta a pahô pahâhpa ta thata awh ei ta. Zudâh pheisaihzy ta thata ama awh nahta, Khazohpa ta Zerôbaw nata Izarei maw lâ pheisaih zydua cha Abizah nata Zudâh pheisaihzy hmiakô liata panawh ha ta.

2 THÂTIHZYRONA 13:15 ပူးပေါင်းရင်းမြစ်များ

2 THÂTIHZYRONA 14:12

Abeipa ta Âsâ nata Zudâh pheisaihzy hmiakô liata Kusi mo cha pahnie ta, Kusi mo cha amâ râpai haw.

ISAI 37:36

Abeipa vâlyuhchâpa cha pua ta, Asuria mo riehmo liata pheisaih 185,000 thie ta. Asuria pheisaihzy cha mydi kari ta ama thyu nahta, moh teh u, riehmo cha athihpa ri ta bie thlâh ha ta.

HLAZY 47:5

Khazohpa cha rahaona chhaota chô lâ kiah ta, Abeipa cha chiahmie pyu chhaota a kiah haw.

HLAZY 47:1

Hy phopizy saih u, nama ku chabaih u la, Lyna hla sapa ta Khazohpa lâ awh teh u!

2 THÂTIHZYRONA 20:21

Zawpi a pasyu khai nahta, pheisaihzy hmia lâta siepa ta, Abeipa lâta hla sa ta, “Abeipa hnohta alyna bie reih teh u, A zawngiahna chhâzaw ta y tlôh ta,” tahpa ta, Abeipa pathaihna rônahzie a reithai awpazy a rao ei.

2 ABEIZY 5:1

Aramia bei pheisaih hyutuhpa Nâmâ cha Abeipa ta Aramia mo pachhatuhpa ta a hmâ tyhpa vâta a zibeipa pachâna liata chyhsa zachhih ngaitapa nata mody kawpa châ ta. Ano cha chyhsa thatlôpa nata riahphapa châ ta, anodeikua phawhpa châ ta.

RYUREITUHPAZY 4:15

Abeipa ta Siserâ nata a talailih zydua nata a pheisaih zydua cha zaozi ta a dyuh ta, Bâraka hmiakô liata âmo cha patypamâ ta. Siserâ cha talailih tawhta chô ta, a phei ta a râ ta.

ZAWSUA 11:8

Abeipa ta âmo cha Izarei ku liata pie ta, Izarei sawzy ta thie ei ta, Sidaw Rônahpa nata Mirephôthami nata nochhi lâta Mizpâ saikao taihta a chadai ei ta, pakha hmah pahlôh leipa ta ama thie khai haw.

ZAWSUA 6:20

Chiahmie pyu a paro nahta, zawpizy cha awh ei ta. Chiahmie pyu ama theipata nahta, zawpizy cha thata awh ei ta, chatanachata thokhy cha cho ta, a phia ta alei liata a pao haw. Chatawhcha zawpizy cha âmo dady chyu ta Khihpi chhôh lâ a ngia ei ta, khihpi cha la ei ta.

ZAWSUA 6:16

Ei sarina ama chahlô nahta, theihthaipazy ta chiahmie tô ei ta, Zawsua ta zawpi hnohta, “Awh teh u, Abeipa ta khihpi he a cha pie ha ei.

MALUHREINA 32:4

Izarei zawpi hmiakô liata Abeipa ta a panawhpa râh, sahroh châta a pha ngaitapa râh a châ. Châ chakaotuhpazy he sahroh hnei pi ta.

2 THÂTIHZYRONA 18:31

Talailih pheisaih hyutuhpazy ta Zehôsaphâ ama hmôpata nahta, “Izarei bei a châ huh,” tah ei ta. Ano cha a heihnaopa ta a dyuh ei ta. Zehôsaphâ cha awh ta, Abeipa ta bao ta, a chadaituhpazy cha Khazohpa ta a pakuasa ha ei.

2 THÂTIHZYRONA 14:11

Âsâ cha Abeipa a Khazohpa pado ta, “Hy Abeipa, thatlôpa ku tawhta chiehleipa a pachha thei awpa cha, nâ leipa ta ahy hmah y veih ei. Hy Abeipa eima Khazohpa y, rie miah bao mah y. Nâma a ngâchhâpa ta, na moh ta he pheisaih hluh ngaitapa he eimâ vaw dyuh. Hy Abeipa y, nâ cha eima Khazohpa châ chi ta, chyhsapa ta cha pahnie khah sy,” tah ta.

2 THÂTIHZYRONA 20:22

Reithaina hla ama sa pathaopa nahta, Abeipa ta Zudâh a dyuh awpa ta a vaw puapa Amawna mo, Mô­abâ mo nata Seirâ Tlâh mo a byh awpazy soh ta, âmo cha ama pahnie haw.