2 THÂTIHZYRONA 13:14 - Mara Bible RV (BSI)

¹⁴ Zudâh pheisaihzy cha a heih ei ta, ama hmia nata hnôh ta chariah ta ama chadô hapa hmô ei ta. Abeipa pado ei ta, theihthaipazy ta chiahmie tô ei ta.

2 THÂTIHZYRONA 13:14 ပူးပေါင်းရင်းမြစ်များ

1 THÂTIHZYRONA 5:20

Adyuhna liata Khazohpa lâ thlahchhâ ei ta, ano ama ngâpa vâta, a para ngaitapa ta ama hiana cha Khazohpa ta chyh-ei ta, Hâkari mo nata ama hnohta a ypa zydua cha ama ku liata a pie ha ei.

2 THÂTIHZYRONA 14:11

Âsâ cha Abeipa a Khazohpa pado ta, “Hy Abeipa, thatlôpa ku tawhta chiehleipa a pachha thei awpa cha, nâ leipa ta ahy hmah y veih ei. Hy Abeipa eima Khazohpa y, rie miah bao mah y. Nâma a ngâchhâpa ta, na moh ta he pheisaih hluh ngaitapa he eimâ vaw dyuh. Hy Abeipa y, nâ cha eima Khazohpa châ chi ta, chyhsapa ta cha pahnie khah sy,” tah ta.

2 THÂTIHZYRONA 18:31

Talailih pheisaih hyutuhpazy ta Zehôsaphâ ama hmôpata nahta, “Izarei bei a châ huh,” tah ei ta. Ano cha a heihnaopa ta a dyuh ei ta. Zehôsaphâ cha awh ta, Abeipa ta bao ta, a chadaituhpazy cha Khazohpa ta a pakuasa ha ei.

2 THÂTIHZYRONA 32:20

Cha hawhpa bie ama reipa vâna chata, Bei Hezekia nata Amôza sawchapawpa hrohsopa Isai cha thlahchhâpa ta avâ lâ awh ei ta.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 91:5

Zâ chichhihna chi leipa aw chi ta, Nohchhô ta châtai a zawpa chi aw va chi.

PUASAINA 14:10

Phiraoh â vaw hnia nahta, Izarei sawzy ta kei sai ei ta, Izi mo ta âmo lâ pangaipa ta ama vaw sie haipa ama hmô nahta, chi ngaita ei ta. Izarei sawzy ta Abeipa awsao ei ta.

MALUHREINA 10:9

Nama râh liata khakhaipa châ tlybaipazy a dyuh awpa ta nama sie tita, zikyurâna chiahmiezy nama tô awpa a châ. Chatanachata Abeipa nama Khazohpa hmiakô liata a thei thlâh hapa ta y aw ei chi ta, nama khakhaipazy tawhta pachhapa nama châ aw.

ZAWSUA 6:16

Ei sarina ama chahlô nahta, theihthaipazy ta chiahmie tô ei ta, Zawsua ta zawpi hnohta, “Awh teh u, Abeipa ta khihpi he a cha pie ha ei.

ZAWSUA 8:20

Ai chyhsazy cha hnoh lâ a heih ei ta, khihpi cha avâ lâta a khuh â charih haipa hmô ei ta. Râhchawhpa lâta a râpa Izarei sawzy ta âmo a chadaituhpa Ai chyhsazy cha amâ vaw lie hnao hapa vâta, Ai chyhsazy cha khataih lâ hmah a râ nawpa hnei khao veih ei.