2 THÂTIHZYRONA 12:3 - Mara Bible RV (BSI)

³ talailih 1,200 nata arâ pheisaih 60,000 ta kaw sie ta. Izi râh tawhta a hnohta hrâ a kaw siepa pheisaih, Libia mo, Suki mo nata Kusi mozy hluhzie cha rei tiah awpa châ veih ei.

2 THÂTIHZYRONA 12:3 ပူးပေါင်းရင်းမြစ်များ

2 SAMUELA 10:18

Aramia mo cha Izarei sawzy hmiakô liata a râpai ha ei ta, Dâvi ta talailih a haohpa Aramia pheisaih 700 nata arâ pheisaih 40,000 thie ta, ama pheisaih hyutuhpa Sôbâ chhao chhawh ta, cha liata thi ha ta.

2 ABEIZY 7:6

Abeipa ta Aramia pheisaihzy cha talailih pyuzy, arâ pyuzy, pheisaih hluhpi pyuzy patheisa ta, chavâta âmo nata âmo a chho ei ta, “Pachâ teh u, keimo miah siehnao awpa ta, Izarei bei ta Hiti beizy nata Izi beizy a hrua ha ei hih,” tah ei ta.

2 THÂTIHZYRONA 14:12

Abeipa ta Âsâ nata Zudâh pheisaihzy hmiakô liata Kusi mo cha pahnie ta, Kusi mo cha amâ râpai haw.

2 THÂTIHZYRONA 14:8

Âsâ cha vyhphao laipa nata asei a chabapa Zudâh pheisaih 300,000 hnei ta, vyhphao chabapa ta libaw a hmâhpa Benzami pheisaih 280,000 hnei hra ta, ama zydua ta pasaipha thatlôpa sai ama châ.

2 THÂTIHZYRONA 14:9

Kusi chyhsa Zerâ ta Âsâ nata a pheisaihzy a dyuh awpa ta, pheisaih thy za kha nata talailih 300 chhaota kaw pua ta, Mâresâ taih vaw tlô ta.

2 THÂTIHZYRONA 16:8

Kusi mo nata Libia mozy kha pheisaih hluh ngaitapa, talailih nata arâ pheisaih hluhpi a hneipa châ veih ei ma? Châhrasala Abeipa liata nâ pahniehpa vâta, âmo cha na ku liata a cha hlâpa kha.

ISAI 43:3

Kei he Abeipa na Khazohpa châ na ta, Izarei Mo Pathaihpa ei châ; Châ pachhatuhpa châ na ta, Izi cha nâma chatlaina sôh ta ei pie; Kusi nata Sibâ chhao, Nâma vyuhpa ta ei pie.

EZEKIA 30:5

“Kusi mo, Puti mo, Ludi mo, Arabia mo zydua, Libia nata Izi mo nata a paraohpa râh chyhsazy chhao, Izi mo paona liata zaozi ta ama pao hra aw.

DÂNIAH 11:43

Ngôh nata tâkâ hneirônazy chô liata biehnei aw ta, Izi hmo sôhpa zydua chô liata chhao biehnei aw ta, Libia mo nata Kusi mozy cha ano liata a ngiarihpa ta ano ama pazi aw.

NÂHU 3:9

Kusi nata Izi cha a thatlôna châ ta, A thatlôna ta chhâna hnei vei; Puti nata Libia mo chhao, Ano baotuhpazy ama châ.

BIEPHUAH 9:16

Arâ pheisaihzy maluh zie ama reipa ei theipa cha, thy kha nata thy kha papôhsapa lie no a châ.

RYUREITUHPAZY 4:13

Siserâ cha a talailih zydua pahmaoh ta, thua talailih 900 hnei ta, Hârôse Hâkôi tawhta Kisaw chavah taihta a awpakhypa a chyhsa zydua a hnohta y ei ta.

RYUREITUHPAZY 6:5

Ama sahroh nata poh ozy chhaota vaw thyu tyh ei ta, khawsu tlu ta hluhpa ta vaw thyu ei ta, a chyhsa maluh nata ama râraoseihpazy cha rei tiah awpa chhao châ veih ei. A vy ei ta, râh cha roryhrapa ta ama so tyh.

1 SAMUELA 13:5

Philistinâ mo cha Izarei a dyuh awpa ta a pahmaoh ei ta, talailih 30,000 nata arâ pheisaih 6,000 châ ei ta, pheisaihzy chhao tilaipi raphyu liata sadi zie tlai ta ama hluh. Philistinâ mo cha khy ei ta, Bethave nochhi lâchhâh ta Mikamâ liata riehmo paryh ei ta.