2 THÂTIHZYRONA 11:4 - Mara Bible RV (BSI)

⁴ ‘Abeipa ta hetana heta a tah: Nama khy awpa châ leipa ta, nama chiheihzy namâ dyuh awpa châ vei. Chyhsa to nama o lâ a di khai teh u. He hmo he keima tawhta a vaw tlôpa a châ,’ tahpa ta chho teh,” tah ta. Abeipa bie cha nathlie ei ta, a lie ei ta, Zerôbaw a dyuh awpa ta sie kho veih ei.

2 THÂTIHZYRONA 11:4 ပူးပေါင်းရင်းမြစ်များ

ÂTHAONA 13:8

Abarâ ta Lawta hnohta, “Nâma nata keima likah liata ahryuna y leipa sala, na sahroh vaituhpazy nata ei sahroh vaituhpazy likah liata chhao ahryuna y hra khah sy. Heinawh eima châ hih.

ÂTHAONA 50:20

Nâmo ta la ei chô liata hmo pha leipa tao a chhuah ei chi ta, châhrasala Khazohpa ta kha hmo kha hmo phapa châta tlao â chhuahpa a châ. Tanoh ta hmo a ypa hawhna heta, chyhsa hrona hluhpi pachhapa a châ thei nawpa ta, Khazoh hmochhuahpa a châ.

2 SAMUELA 2:26

Abane ta Zôabâ cha awsao ta, “Zaozi cha chhâzaw ta ma a thie ngâ thlâh ha aw? A chhâna cha pachârôhna deita a châ aw tahpa pahno va chi ma? Khachâ ma zawpizy kha ama unawhzy amâ chadaina tawhta pakuasa awpa ta chho leipa ta na y aw?” tah ta.

1 ABEIZY 22:36

Noh tla chy ta pheisaihzy lâta, “Chyhsa to âmo khih chyu lâta sie ei sala, chyhsa to âmo râh chyu lâta sie mawh ei sy!” tahpa ta awh ei ta.

2 THÂTIHZYRONA 11:3

“Sawlawmaw sawchapawpa, Zudâh bei Rehôbaw nata Zudâh râh nata Benzami râh liata Izarei saw zydua hnohta,

HLAZY 33:11

Abeipa ryhraona deikua cha chhâzaw ta a duah ta, A palôh achhuahnazy chhao chhâ zydua ta â duah aw.

HÔSIA 8:4

Beizy padua ei ta, Châhrasala keima raopa châ veih ei; Beimachâzy rao ei ta, Châhrasala pahno veih ei na. Ama tâkâ nata ngôh ta nothlahpazy tao ei ta, Âmosasyh ta amâ parao.

HMOTAOPAZY 7:26

A mylâ ta chyhsa pano amâ tu hai nota kei tlô ta, âmo cha paryh a chhuah ta, ‘Pâpuh saih u, unawh nama châ khawh, khazia namâ tu?’ tah ta.

HEBRAI 13:1

Unawh kyhpachâna y lymâ mawh sy.

1 PITY 3:8

A chhâ chaina ta cha, nama zydua ta palôh miakha phaohpa ta y u la, tha a pasa raihrie teh u. Unawh hawhta kyh a pachâ u la, a ngiachhie raihriepa ta, areisipa ta y teh u.