2 THÂTIHZYRONA 10:16 - Mara Bible RV (BSI)

¹⁶ Abei ta ama bie nathlie khoh vei tahpa Izarei saw zydua ta ama hmô nahta, zawpizy ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi! Hy Izarei, nama poh o chyu lâ a di teh u! Nâ Dâvi, na chhôhkha tlâ pachâ teh,” tahpa ta abei cha a chhy ei ta, Izarei saw zydua cha ama poh o lâ chyu a di ha ei ta.

2 THÂTIHZYRONA 10:16 ပူးပေါင်းရင်းမြစ်များ

2 SAMUELA 15:13

Zikyurâtuhpa pakha Dâvi lâ a vy ta, a hnohta, “Iza­rei chyhsa palôhzy cha Absalaw lâ â heih haw,” tah ta.

2 SAMUELA 16:11

Dâvi ta Abisai nata bei chakaotuhpa zydua hnohta, “Pachâ teh u, ei sawchapawpa, ei chhôh chhipa cheingei ta thie einâ chhuahpa châ ta, he Benzami chyhsa chhochhi heta cha, thie einâ chhuah pachai aw dia! Kheihta hmahta tah khah u. Chhie cha sa thlâh ha lah vâ. Abeipa ta a pataosapa na a châ aw.

2 SAMUELA 20:1

Cha liata Benzami chi Bikhari sawchapawpa a moh Sebâ ama tahpa chyhsa leilôpa pakha y ta, ano chata chiahmie tô ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi; Hy Izarei, nama poh o chyu lâta a di teh u!” tah ta.

1 ABEIZY 11:13

Chatahrasala khinarâh cha a zydua ta cha chhu khai aw va na. Nâ chakaotuhpa Dâvi vâta nata ei tlyhpa Zerusale vâta, Izarei chi kha cha na sawchapawpa ei pie aw,” tah ta.

1 THÂTIHZYRONA 17:14

Ei o liata nata ei khinarâh liata ano cha chhâzaw ta pa-i aw na ta, a beidyuchhai chhâzaw ta ei padua aw,’ tahpa ta,” tah ta.

2 THÂTIHZYRONA 10:17

Rehôbaw cha Zudâh khihpizy liata a pahrâpa Izarei sawzy chô lia deita â bei.

2 THÂTIHZYRONA 10:19

Chatanachata Izarei sawzy cha tanoh taihta Dâvi pathlazy amâ chariah lymâ.

HLAZY 132:17

Cha liata Dâvi châta ki pathaosa aw na ta, Ei sathawthupa châta meiôh ei chhuanoh haw.

HLAZY 76:10

Hmeiseihta ta, chyhsapa chô liata na pathiiana cha, Nâma reithaina châ aw ta; Na pathiiana tawhta a bohpazy cha, Chaisaih ta nâ saih aw ei.

ISAI 11:1

Zese thabypa tawhta chhyh vaw thao aw ta, A tharizy tawhta a chiah a thaopa a pathei aw.

AMÔSÂ 9:11

“Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.

LUKA 19:14

Châhrasala a khihsawzy ta ano cha a hao ei ta, ‘He chyhsa he eima bei châta khoh ma pi,’ tah awpa ta, ano hnôh lâta lyuhchâpa tuah hra ei ta.

LUKA 19:27

Ama bei châta nâ khoh leipa ei chariahpazy kha, he lâ a vaw chhi u la, ei hmiakô liata thie teh u,’ a tah aw,” tah ta.

ZAWHÂNA 6:66

Cha rakha tawhta cha, a zituhpa hluhpi ta kuasai ei ta, a hnohta sie khao leipa ei ta.

ZAWHÂNA 7:53

Chatanachata ama o chyu lâ a di ha ei ta.

HMOTAOPAZY 2:30

Dâvi kha hrohsopa châ ta, a pathla hry liata pakha cha a beidyuchhai liata a tyuh awpa ta Khazohpa ta bie â taihpa pahno thlâh ha ta.

1 KAWRINI 15:25

A chariahpa zydua a phei ry liata a soh khai hlâlei Krista cha â bei chy aw.

BIEPHUAH 22:16

“Kei, Zisu ta, he biezy he Awnanopazy pahnosa awpa ta ei vâlyuhchâpa nâmo lâ ei vaw tuah. Dâvi thari nata a pathla, deiva awhsi khaih ngaitapa ei châ,” tah ta.

RYUREITUHPAZY 8:35

Zerubâlâ, Kidia ama tahpa khata, Izarei sawzy châta hmo phapa hluhpi vaw tao ta, châhrasala a chhôhkha chô liata phana ama palâsa awpa hawhta palâsa khao veih ei.

1 SAMUELA 20:27

A noh nona, thlah thiehpa noh mylâ chhao Dâvi su cha rua ha heih ta. Sawla ta a sawchapawpa Zawnathâ hnohta, “Khazia ma Zese sawchapawpa he zâhnia chhao tanoh chhao pati dôh awpa ta â vy vei?” tah ta.

1 SAMUELA 22:13

Sawla ta a hnohta, “Khazia nâ nata Zese sawchapawpa heta eina tei ei chi? Viahchhâ nata zaozi zy vaw pie chi ta, Abeipa nâ vaw saohiahpa bao! Chavâta tanoh ta a taopa hawhna tlai heta nâ dyuh ta, einâ byhpa a châ hih,” tah ta.

1 SAMUELA 22:7

Sawla ta a kiapâh liata â duahpa a chakaotuhpazy hnohta, “Nâmo Benzami mozy saih u, nathlie teh u. Zese sawchapawpa heta nama zydua ta lyuzy nata kre sadôzy a cha pie aw ei ma, a pheisaih sâh kha hyutuhpa ta zy nata za kha hyutuhpa zy ta a cha tao khai aw ei ma?

1 SAMUELA 22:9

Sawla chakaotuhpazy kiapâh liata a duahpa Edômâ chyhsa Dôe ta a chhy ta, “Zese sawchapawpa Nôbâ khih liata Ahitu sawchapawpa Ahimele lâ â vypa ei hmô.