2 THÂTIHZYRONA 1:6 - Mara Bible RV (BSI)

⁶ Sawlawmaw ta ahmaohna poh o kiapâh liata dawh maisâh yna lâ khy ta, cha liata Abeipa hmiakô ta raopa hlâna sâh kha hlâ ta.

2 THÂTIHZYRONA 1:6 ပူးပေါင်းရင်းမြစ်များ

1 ABEIZY 3:4

Abei cha atheihna hlâ awpa ta Kibiô lâ sie ta. Cha cha su sâhpa kawh kawpa châ ta, cha maisâh chô liana cha Sawlawmaw ta raopa hlâna sâh kha a vaw hlâ tyhpa a châ.

1 ABEIZY 8:5

Bei Sawlawmaw nata a hmiakô liata Izarei zawpi a hmaohpakhypa zydua cha, Byh hmiakô liata Sawlawmaw hnohta y ei ta, mietaku nata viahchao tôhpa hluhpi ta atheihna hlâ ei ta, a hluhzie cha paki tiah awpa nata rei tiah awpa châ vei.

1 ABEIZY 8:63

Sawlawmaw ta Abeipa lâta aryhna hlâna châta viahchao tôhpa 22,000 nata mietaku 120,000 Abeipa lâ hlâ ta. Cha hawhna chata abei nata Izarei saw zydua ta Abeipa o cha hlâ ei ta.

1 THÂTIHZYRONA 29:21

Abeipa lâ atheihnazy hlâ ei ta. A mylâ ta Abeipa lâ raopa hlânazy hlâ ei ta, viahchao tôhpa 1,000, mietaku tôhpa 1,000, mietakutaw 1,000, niepa hlânazy chhaota hlâ ei ta, Izarei saw zydua châta atheihna hluhpi ama hlâ.

2 THÂTIHZYRONA 8:12

Sawlawmaw ta o hmia lâta aikah liata a taopa Abeipa maisâh chô liata, Abeipa lâ raopa hlânazy hlâ ta.

ISAI 40:16

Maisâh meithu châta Lebanaw thozy ta a khi leipa aw ta, A râhsazy chhao raopa hlâna châta a daih aw vei.