2 THÂTIHZYRONA 1:2 - Mara Bible RV (BSI)

² Sawlawmaw ta Izarei saw zydua, pheisaih sâh kha hyutuhpazy, pheisaih za kha hyutuhpazy, ryureihtuhpazy, Izarei râh zydua liata chhituhpa chhôh to pawhrâhpa zydua hnohta bie reih ta.

2 THÂTIHZYRONA 1:2 ပူးပေါင်းရင်းမြစ်များ

1 ABEIZY 3:4

Abei cha atheihna hlâ awpa ta Kibiô lâ sie ta. Cha cha su sâhpa kawh kawpa châ ta, cha maisâh chô liana cha Sawlawmaw ta raopa hlâna sâh kha a vaw hlâ tyhpa a châ.

1 THÂTIHZYRONA 13:1

Dâvi ta hyutuhpa zydua, sâh kha hyutuhpazy nata za kha hyutuhpazy a saohiah ta.

1 THÂTIHZYRONA 15:12

ama hnohta, “Nâmo cha Livai chi pawhrâh chaipazy nama châ. Abeipa, Izarei Khazohpa Byh cha a su ei chhuanohpa lâ namâ vaw sy thei nawpa ta, nâmo nata nama unawhzy a pathai teh u.

1 THÂTIHZYRONA 15:3

Dâvi ta Abeipa Byh cha kei la ta, a so nawpa su â chhuanohpa liata so awpa ta, Zerusale liata Izarei saw zydua cha awpakhy ta.

1 THÂTIHZYRONA 24:31

Âmo chhao cha ama unawhpa Arawna sawchapawzy hawhna khata, Bei Dâvi, Zadô, Ahimele, theihthaipazy nata Livai pathla chhôhkha pawhrâhpazy mohmô liata nuby a dao hra ei ta, chhôhkha pawhrâh chaipa nata a unawh seihnai viapazy chhao, â lyupa ta nuby amâ dao khai.

1 THÂTIHZYRONA 24:4

Ithamâ pathlazy lia hlâta Eliaza pathlazy liata pawhrâhpazy ama hluh viapa vâta, Eliaza pathlazy cha a chhôh chhôh ta pachhaihpa ta, pawhrâhpa pahrawh hleicharu raopa châ ei ta, Ithamâ pathlazy tawhta pacharie raopa ama châ.

1 THÂTIHZYRONA 27:1

Hezy he Izarei pho pawhrâhpazy, pheisaih sâh kha hyutuhpazy, pheisaih za kha hyutuhpazy nata ama ry liata hyutuhpazy ama châ. Âmo cha kyh to liata bei chakao ta, kô chhôh zydua ta thla chareih ta a thla lymâ awpazy châ ei ta, py kha liata maluh 24,000 lymâ ama y.

1 THÂTIHZYRONA 28:1

Dâvi ta Izarei hyutuhpa zydua, chi hyutuhpazy, bei chakaotuhpa py hyutuhpazy, pheisaih sâh kha hyutuhpazy, pheisaih za kha hyutuhpazy, bei nata a sawchapawzy hmohneipa nata sahroh mohôhtuhpa zydua, pasaiphazy nata a dyuh thaipa pheisaih zydua Zerusale liata awpakhy ta.

1 THÂTIHZYRONA 29:1

Chatawhcha Bei Dâvi ta zawpi ahmaohpakhypa zydua hnohta, “Ei sawchapawpa Sawlawmaw he, ano deita he Khazohpa ta â tlyhpa châ ta, châhrasala hawtipa a châ chypa vâta hmo pahno tu mâh vei. O rônahpa sa awpa cha chyhsapa châta châ leipa ta, Zehôvâh Khazohpa châta a châpa vâta rai lai ngaitapa châ ta.

2 THÂTIHZYRONA 1:3

Sawlawmaw cha zawpi zydua chhaota Kibiô khihpi liata su sâhpa lâ sie ta. Cha su liata Abeipa chakaotuhpa Mawsi ta râhchawhpa liata a taopa Khazohpa ahmaohna poh o kha y ta.

2 THÂTIHZYRONA 29:20

Bei Hezekia cha mydi ta thyu ta, khihpi chhituhpazy awpakhy ta, Abeipa o lâ khy ei ta.

2 THÂTIHZYRONA 30:2

Abei nata a beimachâzy nata Zerusale zawpi zydua ta ryhrao ei ta, thla nona liata Zawpakhô kyhchhi hnei awpa ta a vaw chhuah tua ei ta.