2 THÂTIHZYRONA 1:12 - Mara Bible RV (BSI)

¹² sona nata novâhna cha piepa na châ haw. Nâma hlâta bei a vaw châ tuapa ahy hmahta ama hnei thei leipa nata nâma khai tawhta bei a vaw châ awpa ahy hmahta ama hnei thei lei awpa sôh nata piah, hneirôna nata palyupalihna zy chhao ei cha pie aw,” tah ta.

2 THÂTIHZYRONA 1:12 ပူးပေါင်းရင်းမြစ်များ

1 ABEIZY 10:24

Kha­zohpa ta a palôh liata sona a sopa nathlie awpa ta, khizaw zydua ta Sawlawmaw cha ama pangai tyh.

1 THÂTIHZYRONA 29:12

Hneirôna nata palyupalihnazy cha nâ tawhta a vypa châ ta, ato chô liata ryureituhpa na châ. Hmotaotheina nata thatlôna na ku liata y ta, chyhsa to parônahsa theina nata tha­tlôna pie theina chhao na ku liata a y.

1 THÂTIHZYRONA 29:25

Abeipa ta Sawlawmaw cha Izarei saw zydua mohmô liata thata parônahsa ta, Izarei râ liata ano hlâta a bei tuapa ahy hmahta ama to thei leipa, bei rônah ngaitapa châna a patosa.

2 THÂTIHZYRONA 9:22

Cha hawhna chata Bei Sawlawmaw cha hneirôna nata sona liata khizaw bei zydua a khô khai ha ei.

NEHEMIAH 13:26

Izarei bei Sawlawmaw chhao kha, cha hawhpa chanôzy vâta a molei hapa kha châ vei ma? Phopi hluhpi hry liata ano hawhpa bei y veih ei. Ano cha Khazohpa ta kyh a pachâpa châ ta, Khazohpa ta Izarei zydua chô liata bei ta a taopa a châ. Chatanachôta ano tlai chhao kha, chihropa chanôzy ta ama pamoleisa hapa a châ.

BIECHHOTUHPA 2:9

Thata vaw hneirôh na ta, Zerusale liata a vaw pahrâ tuapazy ei ly khai ha ei. Sona chhao ei hnei lymâ.

BIECHHOTUHPA 5:19

Cha dei châ vei, Khazohpa ta chyhsa hnohta sôh nata piah nata hneirôna zy a pie tita, chazy liata alyna châh pahno ta, a tovyuh a pyh thaipa ta, a hriapasana liata alyna châh a pahnopa cha, Khazoh hmosaipiepa a châ.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

EPHESI 3:20

Tahmâ keimo liata a hria tyhpa hmotaotheina lymâ hawhta, eima hiapa nata pachâpa zydua hlâta tha via syulyu ta a tao theituhpa Khazohpa hnohta,

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.