2 SAMUELA 9:7 - Mara Bible RV (BSI)

⁷ Dâvi ta a hnohta, “Chi kha, na paw Zawnathâ vâta na chô liata ngiachhiena ei palâsa aw. Na mapaw Sawla râh zydua kha cha pie pakhua khai aw na ta, ei tlâhkhai liata pati na dôh lymâ aw,” tah ta.

2 SAMUELA 9:7 ပူးပေါင်းရင်းမြစ်များ

ÂTHAONA 43:18

Zawsi o lâ a chhipa ama châpa vâta chi kaw ei ta, “Eimâ zu tua nota, eima sykhao liata tâkâ miah a pakuapazy vâ khata miah â chhi hih. Miah a tei nawpa ryhpaohna tluapa ta, miah thyuhnao ta, sei ta miah patupa ta, eima alâzy a la khai â chhuah hih,” tah ei ta.

ÂTHAONA 43:23

Ano ta, “Thlalôhpa ta y teh u, chi khuh vy. Nâmo Khazohpa nata nama paw Khazohpa ta nama sykhaozy liata hmosôhpa a cha pie ei chuh. Nama tâkâ kha ei vaw hmô haw,” tah ta. Simeôna cha âmo lâ vaw papua ta.

2 SAMUELA 12:8

Na zibeipa o cha patosa na ta, na zibeipa lapinôzy na kalachhôh liata soh na ta, Izarei pathla nata Zudâh pathlazy ei cha pie. He he a chyh tu ha khiahta cha, a hluh via syulyu ta ei cha baichha thlâh ha awpa châ ta.

2 SAMUELA 19:28

Ei paw chhôhkhapa zydua cha ei zibeipa abei hmiakô liata a thi khai tlâh châ tlai ei ta, châhrasala châ chakaotuhpa he pati na dôh lâhpazy hry liata eina pahlao chi. Abei hnohta a haw via awpa ta khâpa thaichâna ma ei hnei khao?” tah ta.

2 SAMUELA 19:29

Abei ta a hnohta, “Na reipa cha â daih na. Nâma nata Zibâ ta râh kha a pachhaih teh u,” tah ta.

2 SAMUELA 19:33

Abei ta Bâzilai hnohta, “Zawdâh na chaka khei hra mah y. Zerusale liata ei hnohta y aw chi ta, keima ta ei cha mohôh aw,” tah ta.

2 SAMUELA 21:7

Châhrasala Dâvi nata Zawnathâ cha bie a taih ei ta, ama likah liata Abeipa liata bietai a ypa vâta, abei ta Sawla sawchapawpa Zawnathâ sawchapawpa Mephibôse cha pahlôh ta.

2 SAMUELA 9:1

Dâvi ta, “Zawnathâ vâta a pathlazy chô liata ngiachhiena ei palâsa thei nawpa ta, Sawla pathlazy hry liata a hrohpa pakha chhâ ama y tlyma i?” tah ta.

2 SAMUELA 9:10

Ano châta alei palie aw ei chi ta, nâ nata na sawchapawzy nata châ chakaotuhpazy ta kôveizy vaw cheih tyh aw chi ta, chatanachata na zibeipa samohpa cha niedo a hnei aw. Na zibeipa samohpa Mephibôse deikua cha, ei tlâhkhai liata pati a dôh lymâ aw,” tah ta. Zibâ cha sawchapawpa pahrawh hleipangawh nata chakaotuhpa pakih hnei ta.

2 SAMUELA 9:11

Zibâ ta abei hnohta, “Ei zibeipa abei ta a chakaotuhpa bie a piepa hawhta, châ chakaotuhpa heta a tao aw,” tah ta. Chatanachata Mephibôse cha Dâvi tlâhkhai liata bei saw­chapaw pakha hawhta pati a dôh lymâ hra.

2 SAMUELA 9:13

Mephibôse cha bei tlâhkhai liata pati a dôhpa a châpa vâta, Zerusale liata pahrâ ta. Ano he a phei kârano ta a sypa a châ.

2 SAMUELA 9:3

Abei ta, “Khazohpa ngia­chhiena a chô liata ei palâsa thei nawpa ta, Sawla pathla hry liata a hrohpa pakha chhâ ama y tlyma?” tah ta. Zibâ ta abei hnohta, “Zawnathâ sawchapawpa pakha y ta, pheisypa a châ,” tah ta.

1 ABEIZY 2:7

Kilia chyhsa Bâzilai sawchapawzy chô liata deikua cha ngiachhiena palâsa la, âmo cha na tlâhkhai liata pati a dôhtuhpa hry liata pahlao hra mah y. Na unawhpa Absalaw tawhta ei râ nona khata, âmo cha thapasa ngaitapa ta keima lâ a vypazy ama châ.

2 ABEIZY 25:29

Zehôkhi cha patâhna o chysiazy pahluh ta, a hro chhôh zydua ta abei tlâhkhai liata a dôh lymâ.

HLAZY 41:9

Viasa lôhkhy ei ngâpa, Ei pati a niepa taihta, A phei eina thuah thlu.

ZEREMIAH 52:33

Zehôkhi cha patâhna o chysiazy pahluh ta, a hro chhôh zydua ta abei tlâhkhai liata pati a dôh lymâ.

ZEKARIA 7:9

“Pheisaihzy Abeipa ta hetana heta a tah: Ryureina dopa ta ryureih u la, unawhzy chô liata hmo pha tao u la, zawh a ngiah raihrie teh u.

MATHAI 6:11

Noh chareih nie awpa miah pie mah y.

LUKA 22:30

Chatanachata ei khinarâh liata ei tlâhkhai liata niepa ta doh hra aw ei chi ta, beidyuchhai liata a tyuhpa ta Izarei pho hrawh hleinozy chô liata ryu nama reih aw.

BIEPHUAH 3:20

Nathlie teh, ochhi thaby liata a duah na ta ei chakhyh. Ahy rai ei ao thei ta, ochhi a pahy khiahta cha, ano liata a ngia aw na ta, a hnohta pati nie aw na ta, ano chhao ei hnohta a nie hra aw.

1 SAMUELA 12:24

Chavâta Abeipa cha chi u la, ngâchhih ngaitapa ta, nama pathipalôh tlokhuh ta ano cha chakao u la, nama châta a hmotaopa rônahpazy kha pachâ tyh muh vy.

1 SAMUELA 20:15

Ei thi ha khiahta deikua cha, na ngiachhiena cha ei chhôhkha chô liata chhâzaw ta chhawh pathlah beih khah y,” tah ta.

1 SAMUELA 22:23

Ei hnohta y ha mah y. Chi khah y, keima thie nâ chhuahpa heta nâ chhao thie a châ chhuah hra. Keima hnohta la â bohpa ta na y aw,” tah ta.