2 SAMUELA 9:11 - Mara Bible RV (BSI)

¹¹ Zibâ ta abei hnohta, “Ei zibeipa abei ta a chakaotuhpa bie a piepa hawhta, châ chakaotuhpa heta a tao aw,” tah ta. Chatanachata Mephibôse cha Dâvi tlâhkhai liata bei saw­chapaw pakha hawhta pati a dôh lymâ hra.

2 SAMUELA 9:11 ပူးပေါင်းရင်းမြစ်များ

2 SAMUELA 15:15

Abei chakaotuh­pazy ta abei hnohta, “Châ chakaotuhpazy he eima zibeipa abei ta a reipa maih tao awpa ta eimâ mâ thlâh haw,” tah ei ta.

2 SAMUELA 19:17

A hnohta Benzami chyhsa sâh kha zu ei ta. Sawla chhôhkha chakaotuhpa Zibâ chhao a sawchapaw pahrawh hleipangawh nata a chakaotuhpa pakih chhaota abei hmia lâta Zawdâh lâ a chatliepa ta zu hra ta.

2 SAMUELA 19:24

Sawla samohpa Mephibôse cha abei dy awpa ta zu ta. Abei a pua noh tawhta thlalôhpa ta â vaw lie heih noh taihta, a pheizy mohôh leipa ta, a hmaohmi chhao ngyu leipa ta, a chysiazy chhao pasu hra vei.

2 SAMUELA 19:26

Ano ta a chhy ta, “Ei zibeipa, Hy abei y, nâ chakaotuhpa ta eina dôpa vâta a châ. Châ chakaotuhpa heta, ‘Abei hnohta ei sie hra aw, ei kia awpa alâ ky na padiapa para teh,’ tah na ta. Châ chakaotuhpa he pheisypa châ tlôh na ta.

2 SAMUELA 9:10

Ano châta alei palie aw ei chi ta, nâ nata na sawchapawzy nata châ chakaotuhpazy ta kôveizy vaw cheih tyh aw chi ta, chatanachata na zibeipa samohpa cha niedo a hnei aw. Na zibeipa samohpa Mephibôse deikua cha, ei tlâhkhai liata pati a dôh lymâ aw,” tah ta. Zibâ cha sawchapawpa pahrawh hleipangawh nata chakaotuhpa pakih hnei ta.

2 SAMUELA 9:12

Mephibôse cha sawchapawpa thyutliapa pakha, a moh Mikhâ ama tahpa hnei ta. Chatanachata Zibâ o liata a pahrâpa zydua cha Mephibôse chakaotuhpa ta y khai ha ei ta.

2 SAMUELA 9:13

Mephibôse cha bei tlâhkhai liata pati a dôhpa a châpa vâta, Zerusale liata pahrâ ta. Ano he a phei kârano ta a sypa a châ.