2 SAMUELA 8:6 - Mara Bible RV (BSI)

⁶ Dâvi ta Dâmaskâ liata Aramia mo hry liata pheisaih suzy soh ta, chatanachata Aramia mo cha Dâvi chakaotuhpa ta y ei ta, ano lâ râhpaw ama pie lymâ. Abeipa ta Dâvi cha a siena maih liata pahniena pie lymâ ta.

2 SAMUELA 8:6 ပူးပေါင်းရင်းမြစ်များ

2 SAMUELA 10:19

Hadâdeze chakaotuhpa bei zydua ta Izarei sawzy hmiakô liata pahniepa ta ama ypa ama hmô nahta, Izarei nata adyhna tao ei ta, Izarei mo chakaotuhpa ta y ha ei ta. Chavâta Aramia mo ta Amawna mo cha bao ngâh khao veih ei.

2 SAMUELA 23:14

Cha nota Dâvi cha thokhy chhôh liata y ta, Philistinâ pheisaihzy cha Bethlehe liata y ei ta.

2 SAMUELA 3:18

Tahmâ he tao daihti a châ hih. Abeipa ta Dâvi chô liata bie a taih ta, a hnohta, ‘Nâ chakaotuhpa Dâvi ku ta ei phopi Izarei he Philistinâ mo ku tawhta nata ama chariahpa zydua ku tawhta ei pachha aw,’ tahpa ta a vaw rei hapa a châ,” tah ta.

2 SAMUELA 5:10

Dâvi cha Zehôvâh, Pheisaihzy Khazohpa ta a hnohta a ypa vâta rônah via lymâ ta.

2 SAMUELA 7:9

na siena maih liata na hnohta y lymâ na ta, na chariah zydua na hmiakô tawhta ei chhawh pathlah ha ei. Alei chô liata chyhsa rônahpazy hawhta, moh rônahpa ei cha taopa aw.

2 SAMUELA 8:14

Edômâ râh liata pheisaihzy soh ta. Edômâ râh su hluhpi liata pheisaihzy soh ta, chatanachata Edômâ mo zydua cha Dâvi chakaotuhpazy ta y ha ei ta. Abeipa ta Dâvi cha a siena maih liata pahniena a pie lymâ.

2 SAMUELA 8:2

Môabâ pahnie ta, Môabâ mo cha a tlâh tlâh ta alei liata paziasa ta, thliena ri ta thlie ta, tlâh thôh liata tlâh no thie ta, tlâh kha cha a tlâh dua ta a pahlôh lymâ ei. Chatanachata Môabâ mo cha Dâvi chakaotuhpa ta y ei ta, râhpaw ama pie lymâ.

2 SAMUELA 8:7

Dâvi ta Hadâdeze chakaotuhpazy ta ama siekheipa ngôh vyhphaozy la ta, Zerusale lâ phaoh ta.

1 ABEIZY 4:21

Sawlawmaw cha Ufrâti tawhta Philistinâ râh nata Izi râhri taihta râh zydua chô liata ryureih ta. Ano lâ râhpawzy pie ei ta, a hro chhôh zydua ta Sawlawmaw cha ama chakao lymâ.

2 ABEIZY 1:1

Ahabâ a thi tawhta Môabâ ta Izarei a dyuh ta.

2 ABEIZY 14:28

Zerôbaw thâtih hropazy, a hmotaopa zydua, a thatlôna nata chariah â dyuhna thâtihzy, Zudâh râh a châ tyhpa Dâmaskâ nata Hâmathi khihpizy Izarei châta a lapa kyhzy cha, Izarei beizy thâtih rona châ bu liata ropa a châ.

2 ABEIZY 18:7

A hnohta Abeipa y ta, a siena lâ maih a hlaotloh lymâ. Asuria bei ry tawhta pua ta, Asuria bei cha chakao khao leipa ta.

2 ABEIZY 3:4

Môabâ bei Mesâ cha mietaku pasatuhpa châ ta, Izarei bei hnohta mietakutaw 100,000 nata mietaku tôhpa 100,000 hmi a pie tyhpa a châ.

1 THÂTIHZYRONA 18:13

Edômâ râh liata pheisaihzy soh ta, chatanachata Edômâ mo zydua cha Dâvi chakaotuhpazy ta y ha ei ta. Abeipa ta Dâvi cha a siena maih liata pahniena pie lymâ ta.

2 THÂTIHZYRONA 17:2

Zudâh râh liata thokhy hneipa khihpi zydua liata pheisaihzy soh ta, Zudâh râh nata a paw Âsâ ta a vaw lapa Epharai râh khihpizy liata pheisaih yna suzy padua ta.

HLAZY 140:7

Hy Abeipa, ei Beipa, ei pachhana thatlôna y, Adyuhna noh liata ei luh eina khu ha chi.

HLAZY 60:10

Hy Khazohpa, miah dytha ha va chi ma? Hy Khazohpa, eima pheisaihzy hnohta na sie khao vei he zaw.

BIESOZY 21:31

Arâ cha adyuhna noh châta a mâ chiehpa ta y ta, Pahniena deikua cha Abeipa eih a châ.

1 SAMUELA 13:3

Zawnathâ ta Kebâ liata Philistinâ pheisaih su a dyuh ta pahnie ta, cha cha Philistinâ mo ta vaw thei ei ta. Cha kyh liata Sawla ta, “Hebrai mo ta thei mawh ei sy,” tahpa ta râh zydua liata chiahmie patôsa ta.

1 SAMUELA 14:1

Noh kha cha Sawla sawchapawpa Zawnathâ ta a chariah chhaichhi a chabatuhpa satliapa hnohta, “A vy teh, haosâ lâ Philistinâ pheisaihzy yna lâ hao vawh tua ei si,” tah ta. A paw deikua cha chho leipa ta.

1 SAMUELA 14:15

Riehmo liata zy, lyu liata zy, zawpi zydua hry liata chhao, a pahlawpa ta a chalyu ei ta. Riahvaituhpa pheisaihzy nata hrâ a siepa pheisaihzy taihta thata amâ chalyu. Alo a vaw sih ta, thata tyhreihna vaw y ta.

1 SAMUELA 14:6

Zawnathâ ta a chariah chhaichhi a chabatuhpa satliapa hnohta, “A vy teh, chopawtaileipa sahlao pheisaihzy yna lâ hao vaw tua ei si. Abeipa ta hmo miah a taopa thlâh ha ngyu aw. Chyhsa hluhpi ta tlyma, chyhsa chyhta tlyma, pachhana rai hria awpa ta Abeipa cha khâpa ta hmahta pakhâ thei vei,” tah ta.