2 SAMUELA 8:2 - Mara Bible RV (BSI)

² Môabâ pahnie ta, Môabâ mo cha a tlâh tlâh ta alei liata paziasa ta, thliena ri ta thlie ta, tlâh thôh liata tlâh no thie ta, tlâh kha cha a tlâh dua ta a pahlôh lymâ ei. Chatanachata Môabâ mo cha Dâvi chakaotuhpa ta y ei ta, râhpaw ama pie lymâ.

2 SAMUELA 8:2 ပူးပေါင်းရင်းမြစ်များ

2 SAMUELA 12:31

Râbâ khihsawzy cha puakhei ta, thoânazy, leipaliena thua pazaopazy nata ahreizy hmâpa raihriatuhpazy ta âmo cha hmâh ta, leiraopa taonazy liata rai pahriasa ta. Cha hawhna chata Amawna khihpi zydua cha tao ta. Cha khai tawhta Dâvi nata pheisaih zydua cha Zerusale lâ a lie ha ei ta.

2 SAMUELA 8:6

Dâvi ta Dâmaskâ liata Aramia mo hry liata pheisaih suzy soh ta, chatanachata Aramia mo cha Dâvi chakaotuhpa ta y ei ta, ano lâ râhpaw ama pie lymâ. Abeipa ta Dâvi cha a siena maih liata pahniena pie lymâ ta.

1 ABEIZY 4:21

Sawlawmaw cha Ufrâti tawhta Philistinâ râh nata Izi râhri taihta râh zydua chô liata ryureih ta. Ano lâ râhpawzy pie ei ta, a hro chhôh zydua ta Sawlawmaw cha ama chakao lymâ.

2 ABEIZY 1:1

Ahabâ a thi tawhta Môabâ ta Izarei a dyuh ta.

2 ABEIZY 17:3

Asuria bei Salmanesa ta vaw siehnao ta. Chatanachata Hôsia cha Salmanesa ry liata bei ta y ta, a hnohta râhpaw a pie tyh.

1 THÂTIHZYRONA 18:2

Môabâ mo pahnie ta, chatanachata Môabâ mo cha Dâvi chakaotuhpa ta y ei ta, ano lâ râhpaw ama pie tyh.

2 THÂTIHZYRONA 26:8

Amawna mo cha Uzia hnohta râhpaw pie ei ta, thatlô ngaitapa a châpa vâta, Izi râhri taihta a moh pathâh ta.

HLAZY 108:9

Môabâ cha ei ku asina rahô châ ta, Edômâ cha ei pheiky sona a châ; Philistia chô liata pahniena hladyuh ei pathluah.”

HLAZY 18:45

Chihropazy ama palôh chhâ ta, Chalyuna chôta ama thokhyzy tawhta ama vaw pua.

HLAZY 60:10

Hy Khazohpa, miah dytha ha va chi ma? Hy Khazohpa, eima pheisaihzy hnohta na sie khao vei he zaw.

HLAZY 60:8

Môabâ cha ei ku asina rahô châ ta, Edômâ cha ei pheiky sona a châ; Philistia chô liata pahniena hladyuh ei pathluah.”

HLAZY 83:6

Chazy cha Edômâ nata Ismela mo poh ozy, Môabâ nata Hâkari mozy,

ISAI 36:16

Hezekia bie nathlie khuh vy. Asuria bei ta hetana heta a tah: Nâ ryh u la, kei lâta vaw pua teh u. Chatanachata nama kre zôh chyu tawhta nie pazao aw ei chi ta, nama theiku kô chyu tawhta niepa ta, nama tikhaoh chyu tawhta tizy nama doh pazao thei aw.

MALUHREINA 24:17

Ano cha hmô na ta, Châhrasala tahmâ châ vei; Moh na ta, Châhrasala a hnia vei; Zakaw tawhta awhsi vaw pua aw ta, Izarei tawhta bei a vaw pua aw. Môabâ râh zydua pahnie aw ta, Sethâ saw zydua a pahleipadia khai aw.

1 SAMUELA 10:27

Châhrasala chyhsa dyutlaileipa thokhazy ta, “He chyhsa heta kheihta ma miah a pachha thei aw tly?” tah ei ta, ano cha khâpasaw ta reih leipa ei ta, hmosaipa chhao pie khoh veih ei. Châhrasala Sawla cha a thlih thlâh ha ta.

1 SAMUELA 14:47

Sawla cha Izarei bei a châ nahta, su to liata a chariahpazy cha a dyuh lymâ ta. Môabâ, Amawna mo, Edômâ, Zôbâ beizy nata Philistinâ mo zy a dyuh ta, â heina lâ maihta pahniena to lymâ ta.

1 SAMUELA 22:3

Dâvi cha cha tawhta Môabâ râh liata Mizpâ lâ sie ta. Môabâ bei hnohta, “Khazohpa ta hmo eina taopa awpa ei pahno hlâlei cha, ei nô nata ei paw he na hnohta rie paysa chy mah y,” tah ta.

1 SAMUELA 22:4

Dâvi ta a nô nata a paw cha Môabâ bei lâ a chhi ta, thokhy chhôh liata Dâvi a y chhôh zydua cha Môabâ bei hnohta y ei ta.