2 SAMUELA 8:18 - Mara Bible RV (BSI)

¹⁸ Zehôdâ sawchapawpa Benai cha Khere mo nata Pele mo hyutuhpa châ ta, Dâvi sawchapawzy cha theihthaipazy ama châ.

2 SAMUELA 8:18 ပူးပေါင်းရင်းမြစ်များ

2 SAMUELA 15:18

A chakaotuhpa zydua ta Dâvi cha chapia ei ta, Khere mo zydua, Pele mo zydua, Kâthâ tawhta a vaw pazipa Kiti mo za charupa zydua cha abei hmia lâta sie ei ta.

2 SAMUELA 20:23

Zôabâ cha Izarei pheisaih zydua hyutuhpa châ ta, Zahôdâ sawchapawpa Benai cha Kere mo nata Pele mo hyutuhpa a châ.

2 SAMUELA 20:26

Zairi chyhsa Irâ cha Dâvi theihthaipa a châ.

2 SAMUELA 20:7

Zôabâ chyhsazy, Kere mo, Pele mo nata pasaipha zydua ta Sebâ cha a chadai ei ta. Bikhari sawchapawpa Sebâ a chadai awpa ta Zerusale tawhta pua ei ta.

1 ABEIZY 1:38

Chatawhcha theihthaipa Zadô, hrohsopa Nâthâ, Zehôdâ sawchapaw­pa Benai, Khere mo nata Pele mozy cha zu ei ta, Dâvi alâ chô liata Sawlawmaw cha pakiasa ei ta, Kihaw lâ a chhi ei ta.

1 ABEIZY 1:44

Theihthaipa Zadô, hrohsopa Nâthâ, Zehôdâ sawchapawpa Benai, Khere mo nata Pele mozy cha abei ta Sawlawmaw hnohta pasiesa ta, abei alâ chô liata pakiasa ei ta,

1 ABEIZY 1:8

Theihthaipa Zadô, Zehôdâ sawchapawpa Benai, hrohsopa Nâthâ, Simei, Rei nata Dâvi pasaiphazy deikua cha Adôniza chhâh a châ leipa ei ta.

1 ABEIZY 2:25

Bei Sawlawmaw ta Zehôdâ sawchapawpa Benai tuah ta, ano ta Adôniza cha chhawh ta, thi ha ta.

1 ABEIZY 4:4

Zehôdâ sawchapawpa Benai cha pheisaih hyutuhpa châ ta, Zadô nata Abiathâ cha theihthaipazy ama châ.

1 ABEIZY 4:5

Nâthâ sawchapawpa Azariah cha bia a vaotuhpazy hyutuhpa châ ta, Nâthâ sawchapawpa Zabu cha theihthaipa nata abei viasa châna a pakaoh.

2 ABEIZY 11:4

A kô sarina liata, Zehôdâ ta Kari mo pheisaih za kha hyutuhpazy nata vaituhpazy paawsa ta, Abeipa o liata ano lâ a vy ei ta. Ama hnohta bie hraih ta, Abeipa o liata bie a pataihsa khai tawh ei ta abei sawchapawpa cha âmo pahmô ta.

1 THÂTIHZYRONA 11:22

Zehôdâ sawchapawpa Benai cha Kâbaze chyhsa riahphapa châ ta, hmo rônahpazy a taotuhpa a châ. Môabâ chyhsa riahphapa pano thie ta, dâhaw tla daihti liata zu ta, khaohtlô liata chakeibarôhneipa a thiepa a châ.

1 THÂTIHZYRONA 18:17

Zehôdâ sawchapawpa Benai cha Khere mo nata Pele mo hyutuhpa châ ta, Dâvi sawchapawzy cha bei chakaona rai liata hyutuh chaipazy ama châ.

EZEKIA 25:16

Abeipa Zehôvâh ta hetana heta a tah: Moh teh u, Philistinâ mo chô liata ei ku hy aw na ta, Kirethi khihsawzy chhawh pathlah aw ei na ta, tilaipi kiah liata a ypazy chhao ei pahleipadia aw ei.

ZEPHANIA 2:5

Nâmo, tilaipi kiah liata a pahrâpa Khere phopi y, Nama hu a po na! Nâ, Kâna, Philistinâ râh y, Abeipa bie ta a châ dyuh; Râh liata a pahrâpa pakha hmah y khao leina taihta Ei cha pahleipadia aw.

1 SAMUELA 30:14

Khere mo chho râh, Zudâh râh nata Kâlebâ chho râh zy chho pi ta, Zikalâ chhao mei ta eima rao haw,” tah ta.