2 SAMUELA 8:14 - Mara Bible RV (BSI)

¹⁴ Edômâ râh liata pheisaihzy soh ta. Edômâ râh su hluhpi liata pheisaihzy soh ta, chatanachata Edômâ mo zydua cha Dâvi chakaotuhpazy ta y ha ei ta. Abeipa ta Dâvi cha a siena maih liata pahniena a pie lymâ.

2 SAMUELA 8:14 ပူးပေါင်းရင်းမြစ်များ

ÂTHAONA 25:23

Abeipa ta a hnohta, “Na chhi chhôh liata râh miano y ta, Na py chhôh tawhta phopi miano a vaw pua aw; Phopi miakha cha ahropa hlâta a thatlô via aw ta, A uhthei viapa ta a seihnai viapa a chakao aw,” tah ta.

ÂTHAONA 27:29

Phopizy ta cha chakao ei sala, Râhzy ta châ naoh mawh ei sy! Na unawhzy chô liata bei ta y la, Na nô sawzy ta châ naoh mawh ei sy! Chhie châ sapatuhpa maih, Chhiesapa ta y ei sala; Byhnâ châ awpatuhpa maih, Byhnâ topa ta y mawh ei sy!” tah ta.

2 SAMUELA 5:10

Dâvi cha Zehôvâh, Pheisaihzy Khazohpa ta a hnohta a ypa vâta rônah via lymâ ta.

2 SAMUELA 7:9

na siena maih liata na hnohta y lymâ na ta, na chariah zydua na hmiakô tawhta ei chhawh pathlah ha ei. Alei chô liata chyhsa rônahpazy hawhta, moh rônahpa ei cha taopa aw.

2 SAMUELA 8:15

Chatanachata Dâvi cha Izarei saw zydua chô liata ryureih ta. Dâvi cha a phopi zydua châta adona nata siana ta ryureih ta.

2 SAMUELA 8:6

Dâvi ta Dâmaskâ liata Aramia mo hry liata pheisaih suzy soh ta, chatanachata Aramia mo cha Dâvi chakaotuhpa ta y ei ta, ano lâ râhpaw ama pie lymâ. Abeipa ta Dâvi cha a siena maih liata pahniena pie lymâ ta.

1 ABEIZY 11:15

Edômâ râh liata Dâvi a y nota, chyhsa ama thiepazy pabu awpa ta pheisaih hyutuhpa Zôabâ cha khy ta, Edômâ râh liata chapaw zydua a thie khai hapa kha a châ.

1 ABEIZY 22:47

Edômâ râh liata bei y leipa ta, bei vyuhpa ta a ypa ta ryureih ta.

1 ABEIZY 22:48

Zehôsaphâ ta ngôh a vaw phaoh awpa ta Ôphi lâ a sie awpa Tâsi balyh py padua ta, châhrasala balyhzy cha Eziôkebe liata a rao khai hapa vâta sie thei leipa ei ta.

2 ABEIZY 14:7

Alôh Saikao liata Edômâ mo thy kha thie ta. Selâ khih a dyuh ta, la ta, a moh ta Zôthelâ bi ta, cha cha tanoh taihta a moh a châ haw.

2 ABEIZY 18:7

A hnohta Abeipa y ta, a siena lâ maih a hlaotloh lymâ. Asuria bei ry tawhta pua ta, Asuria bei cha chakao khao leipa ta.

1 THÂTIHZYRONA 18:13

Edômâ râh liata pheisaihzy soh ta, chatanachata Edômâ mo zydua cha Dâvi chakaotuhpazy ta y ha ei ta. Abeipa ta Dâvi cha a siena maih liata pahniena pie lymâ ta.

HLAZY 60:1

Hy Khazohpa, miah thy ha chi ta, Miah na papyu haw; Na hie cha pahâh ha pi ta, Miah paduapathi heih mah y.