2 SAMUELA 8:11 - Mara Bible RV (BSI)

¹¹ Chazy cha Bei Dâvi ta râh a pahniepa zydua tawhta tâkâ nata ngôh a lapazy chhaota Abeipa lâ hlâ ta.

2 SAMUELA 8:11 ပူးပေါင်းရင်းမြစ်များ

2 SAMUELA 8:10

Dâvi ta Hadâdeze a dyuh ta a pahnie hapa vâta, a hnatlâna kyh hiahri awpa nata byhnâ awpa awpa ta, a sawchapawpa Zôrâ cha ano lâ tuah ta. Hadâdeze he Tôi a vaw dyuh ngâ thlâh ha tyhpa a châ. Zôrâ cha tâkâ, ngôh nata dawh hmobaohzy vaw phaoh ta.

1 ABEIZY 7:51

Cha hawhna chata Bei Sawlawmaw ta Abeipa o châta a tao awpa zydua cha patlô ta. A paw Dâvi ta Abeipa lâ a vaw hlâ hapa tâkâzy, ngôhzy nata hmobaohzy cha Sawlawmaw ta a ngiakhei ta, Abeipa o liata sôh sopakhyna suzy liata soh khai ta.

1 THÂTIHZYRONA 18:11

Chazy cha Dâvi ta râh a pahniepa zydua, Edômâ mo, Môabâ mo, Amawna mo, Philistinâ mo nata Amale mozy tawhta tâkâ nata ngôh a lapazy chhaota Abeipa lâ hlâ ta.

1 THÂTIHZYRONA 29:2

Chavâta ei tao theipa rakha liata cha, ei Khazohpa o châta ei pachhuahpanoh chhielie khai haw. Ngôh hmozy châta ngôh, tâkâ hmozy châta tâkâ, dawh hmozy châta dawh, thua hmozy châta thua, tho hmozy châta tho zy ei pachhuahpanoh khai haw. Chazy hleikhô ta, a pangia nawpa ta lôsôhpa cheihchapaipazy, thua rôh ngiapazy, alô rôh chi nanopazy, lôsôhpa to nata awlôteihpa zy chhao a hluhpi ei pachhuapanoh haw.

2 THÂTIHZYRONA 5:1

Cha hawhna chata Sawlawmaw ta Abeipa o châta a tao awpa zydua cha patlô ta. A paw Dâvi ta Abeipa lâ a vaw hlâ hapa tâkâzy, ngôhzy nata hmobaoh zydua a ngiakhei ta, Khazohpa o liata sôh sopakhyna suzy liata soh khai ta.

MIKÂ 4:13

Hy Zaio sawchanô y, Thyu la, sâh tly teh; Thua ta na ki tao aw na ta, Dawh ta na chakiezy ei tao aw; Chatanachata phopi hluhpizy cha, Na pakeichheih aw ei. Ama sâhzy Abeipa lâ hlâ aw chi ta, Ama sôhzy khizaw zydua Abeipa lâ na hlâ aw.”