2 SAMUELA 7:9 - Mara Bible RV (BSI)

⁹ na siena maih liata na hnohta y lymâ na ta, na chariah zydua na hmiakô tawhta ei chhawh pathlah ha ei. Alei chô liata chyhsa rônahpazy hawhta, moh rônahpa ei cha taopa aw.

2 SAMUELA 7:9 ပူးပေါင်းရင်းမြစ်များ

ÂTHAONA 12:2

“Phopi rônahpa ta cha tao aw na ta, Byhnâ ei cha pie aw; Na moh parônahsa aw na ta, Byhnâ na châ aw.

2 SAMUELA 22:1

Dâvi cha a chariahpa zydua ku tawhta nata Sawla ku tawhta Abeipa ta a pachha noh ta, he hla biezy he hmâpa ta Abeipa reithai ta:

2 SAMUELA 22:30

Na baona ta pheisaihzy chanaoh na ta, Ei Khazohpa baona ta thokhy ei zawpakhô.

2 SAMUELA 22:43

Alei dohlei hawhta phy padi ei na ta, Khiliah chiatlao hawhta tly ei na ta ei pazao khai ha ei.

2 SAMUELA 23:1

Hezy he Dâvi bieta hnôhchaipazy a châ: Hezy he Zese sawchapawpa Dâvi biereipa châ ta, Â sâhpa ta cheihchalopa biereipa a châ. Zakaw Khazohpa sathawthupa biereipa châ ta, Izarei hlaphi thaipa hla phipazy a châ.

2 SAMUELA 5:10

Dâvi cha Zehôvâh, Pheisaihzy Khazohpa ta a hnohta a ypa vâta rônah via lymâ ta.

2 SAMUELA 8:13

Dâvi cha Alôh Saikao liata Aramia mo 18,000 a thie tawhta â vaw lie heihpa cha a moh thata pathâh ta.

2 SAMUELA 8:14

Edômâ râh liata pheisaihzy soh ta. Edômâ râh su hluhpi liata pheisaihzy soh ta, chatanachata Edômâ mo zydua cha Dâvi chakaotuhpazy ta y ha ei ta. Abeipa ta Dâvi cha a siena maih liata pahniena a pie lymâ.

2 SAMUELA 8:6

Dâvi ta Dâmaskâ liata Aramia mo hry liata pheisaih suzy soh ta, chatanachata Aramia mo cha Dâvi chakaotuhpa ta y ei ta, ano lâ râhpaw ama pie lymâ. Abeipa ta Dâvi cha a siena maih liata pahniena pie lymâ ta.

1 THÂTIHZYRONA 17:8

na siena maih liata na hnohta y lymâ na ta, na chariah zydua na hmiakô tawhta ei chhawh pathlah ha ei. Alei chô liata chyhsa rônahpazy hawhta moh rônahpa ei cha taopa aw.

HLAZY 21:6

Chhâzaw ta byhnâ a to awpa ta tao chi ta, Na ypâna alyna liata thaphapa ta na paysa.

HLAZY 89:23

A khakhaipazy a hmiakô liata taichheih aw ei na ta, Ano a haotuhpazy ei tusao aw ei.

LUKA 1:52

Thatlôpazy ama beidyuchhai tawhta a daophi ta, Areisipazy a cheihchalo tyh.

ZAWSUA 6:27

Abeipa cha Zawsua hnohta y ta, râh zydua liata a moh pathâh ha ta.

1 SAMUELA 18:14

Abeipa a hnohta a ypa vâta, Dâvi cha a hmotaopa maih liata hlaotlohna hmô lymâ ta.

1 SAMUELA 18:30

Philistinâ pheisaih hyutuhpazy ta a dyuh awpa ta vaw pua tyh ei ta, ama vaw puana maihta Dâvi cha Sawla chakaotuhpa zydua hlâta a hlaotloh via lymâ ta, chavâta a moh pathâh ngaita ta.

1 SAMUELA 2:8

Dohlei tawhta dyhchhiepa pathyupa ta, Buchâh tawhta phahlapazy chalo ta; Beimachâzy hnohta âmo cha patyusa ta, Palyupalihna beidyuchhai a patosa ei. Alei tôhzy he Abeipa eih châ ta, Alei tôhzy chô liata khizaw he a padua.

1 SAMUELA 31:6

Chatanachata Sawla, a sawchapawpa pathôh, a chariah chhaichhi a chabatuhpa nata a chyhsa zydua cha, noh kha chhôh ta ama thi khai haw.

1 SAMUELA 5:10

Khazohpa Byh cha Ekaraw lâ paphao heih ei ta. Khazohpa Byh Ekaraw a tlô nahta, Ekaraw khihsawzy ta, “Keimo nata eima phopi thie awpa ta, Izarei Khazohpa Byh he keimo lâ ama vaw cheipa a châ hih,” tahpa ta awh chaimâh ei ta.