2 SAMUELA 6:22 - Mara Bible RV (BSI)

²² Kha hlâta zakhei a chhih viapa ta y aw na ta, na mohmô liata ei nawh via rili aw. Anodeikua la chakaotuhpa chanôzy kyh na reipa khaw, âmo khata la eina palyupalih aw ei,” tah ta.

2 SAMUELA 6:22 ပူးပေါင်းရင်းမြစ်များ

ÂTHAONA 32:10

châ chakaotuhpa chô liata ngiachhiena nata ngâchhihna na palâsapa zydua hry liata a chyh chaipa chhao a phuh va na. Ei chôchahrei deita a chhypa ta Zawdâh he vaw chaka na ta, tahmâ cha py no eima vaw châ haw.

2 SAMUELA 6:21

Dâvi ta Mikâli hnohta, “Na paw chô lâta nata a chhôhkha zydua chô lâta nâ tlyhtuhpa Abeipa hmiakô liata lâh na ta, Abeipa phopi Izarei chô liata bei ta nâ raotuhpa hmiakô liata ei lâpa a châ. Abeipa hmiakô liata la ei lâh lymâ aw.

2 SAMUELA 6:23

Chavâta Sawla sawchanônô Mikâli cha­ a thina taihta saw hnei vei.

ZAWBÂ 40:4

“Kei padisaihpa heta khâpa ma ei châ chhy bao aw? Ei pakah ei chahu ha bâ.

ZAWBÂ 42:6

Chavâta keimasasyh ta thailei a pachâ na ta, Dohlei nata buchadoh liata a tyuhpa ta ei ro haw,” tah ta.

HLAZY 131:1

Hy Abeipa, ei palôh lai leipa ta, Ei mo a sâh vei; Hmo rônahpazy hnei nawpa sai pachâ leipa na ta, Hmo khochhihpazy hnei nawpa sai pachâ va na.

ISAI 50:6

Ei ky he nâ tutuhpazy châta dao na ta, Ei baih he ei baihhmi nâ phiatuhpazy châta ei dao tyh. Ei hmia he nohzaona tawhta nyu leipa na ta, Pachih pachhaona tawhta nyu hra va na.

ISAI 51:7

“Nâmo, siana a pahnopazy saih u, Na nathlie u la; Ei ryhpa bie palôh liata a vaopazy saih u, Na nathlie teh u. Chyhsa ta ama reipachhiena chi leipa u la, Ama riethlana vâta nama nôpo khah sy.

MÂKA 14:66

Pity cha dôhpachhôh tlyhmia liata arulâta a y nota, Theihthai Beichaipa chakaotuhpa laihsazy hry liata pakha a vy ta,

1 TIMAWTHY 1:15

Krista Zisu cha moleipazy pachha awpa ta khizaw lâta â zu tahpa he, bie ngâchhihpa nata a pyh tlâh ngaitapa a châ. Kei he moleipazy hry liata molei chaipa ei châ hih.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

1 PITY 4:14

Krista moh vâta pasipasawhpa nama châ khiahta cha, rônahna Thlahpa nata Khazohpa Thlahpa cha nama chô liata y ta, chavâta nama nohlao aw.

1 PITY 5:6

Chavâta Khazohpa ku thatlôpa ry liata a panawh teh u. Chatanachata a daihtita liata a cha palyupalih aw ei.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.