2 SAMUELA 6:2 - Mara Bible RV (BSI)

² Dâvi cha thyu ta, cherubizy likawh beidyuchhai liata patyupa Pheisaihzy Abeipa moh ta awpa Khazohpa Byh cha la awpa ta, a pheisaih zydua chhaota Zudâh râh liata Bâle khihpi lâ sie ta.

2 SAMUELA 6:2 ပူးပေါင်းရင်းမြစ်များ

2 SAMUELA 22:11

Cherubi chô liata kiapa ta a zaw ta, Thlih mathlawzy chô liata ama hmô.

HLAZY 80:1

Hy Izarei vaituhpa, Na nah vaw pachôh la; Mietaku zaw hawhta Zawsi a chhihthatuhpa y, Na nah vaw pachôh mah y! Cherubizy chô liata bei ta patyupa y, Vaw khaih mah y!

HLAZY 99:1

Abeipa ta ryureih ta, Phopizy a chalyu mawh ei sy! Cherubizy chô liata a tyuhpa Bei châ ta, Alei he a sih mawh sy!

ISAI 47:4

Miah Chatlaituhpa cha, A moh Pheisaihzy Abeipa châ ta; Izarei Mo Pathaihpa a châ.

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

ZAWSUA 15:60

Kiriaziari ama tah hrapa Kiriabâlâ nata Râbâ, khihpi miano nata ama khichapeihzy cha, Tlâh râh liata Zudâh khihpizy ama châ.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

1 SAMUELA 4:4

Silô lâ cha chyhsa tuah ei ta, cherubizy likawh beidyuchhai liata patyupa Pheisaihzy Abeipa Biehrai Byh cha kei palasa ei ta. Eli sawchapawpa pano, Hôphani nata Phinehâ zy cha Khazohpa Biehrai Byh hnohta sie hra ei ta.

1 SAMUELA 6:21

Kiriaziari khihpi lâ chyhsa tuah ei ta, ama hnohta, “Abeipa Byh kha Philistinâ mo ta ama vaw soh pakhua haw. A zu u la, nâmo paso awpa ta za la teh u,” tah ei ta.

1 SAMUELA 7:1

Kiriaziari khihsawzy cha zu ei ta, Abeipa Byh cha za la ei ta, tlâh liata Abinadâ o liata tlôkhei ei ta. A sawchapawpa Eliaza cha Abeipa Byh mohôhtuhpa châta hlâ ei ta.