2 SAMUELA 6:16 - Mara Bible RV (BSI)

¹⁶ Abeipa Byh cha Dâvi khihpi â ngia hai nota, Sawla sawchanô Mikâli cha opy tawhta vaw sai ta, Bei Dâvi cha Abeipa hmiakô liata lâh ta, â zawzâ ngâ kawpa hmô ta, a palôh liata zakhei kaw ta.

2 SAMUELA 6:16 ပူးပေါင်းရင်းမြစ်များ

2 SAMUELA 3:14

Dâvi ta Sawla sawchapawpa Isabôse lâ chyhsa tuah ta, a hnohta, “Philistinâ mo chopaw vo za kha ta ei chaleipa ei lapinô Mikâli kha na vaw pie mah y,” tah ta.

2 SAMUELA 5:7

Châhrasala Dâvi ta Zaio thokhy cha a la haw. Cha cha Dâvi khihpi a châ.

2 SAMUELA 6:15

Dâvi nata Izarei saw zydua ta rahaona chôta nata chiahmie tôna chôta Abeipa Byh cha kaw tlôkhei ei ta.

2 SAMUELA 6:20

Dâvi cha a chhôhkhazy châta byhnâ aw awpa ta o lâ a vaw di ta. Sawla sawchanô Mikâli cha Dâvi dy awpa ta vaw pua ta, a hnohta, “Tanoh la Izarei bei kha a rônah kaw na! Chyhsa leilôpa, nozana chhao a pahno leipa ta thluahruapa ta a ypa hawhta, Izarei bei cha ano chakaotuhpazy a chakao pachhuahpa chanôzy mohmô liata thluahruapa ta a y thlâh ha kha zaw!” vaw tah ta.

1 THÂTIHZYRONA 15:29

Abeipa Biehrai Byh cha Dâvi khihpi a kaw ngia ta. Sawla sawchanô Mikâli cha opy tawhta vaw sai ta, Bei Dâvi cha thapha ngaitapa ta a lâpa kei hmô ta, a palôh ta zakhei kaw ta.

HLAZY 123:3

Hy Abeipa, zawh miah a ngiah la, Zawh miah a ngiah mah y, Thata mohnaopa eima châ hih.

HLAZY 69:7

Nâma vâta reipachhiena tao na ta, Nohzaona ta ei hmia a khu.

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.

HMOTAOPAZY 2:13

Thokha ta pahneisao ei ta, “Kresawhti thiehpa ama pari he tly ma,” tah ei ta.

1 KAWRINI 2:14

Khizaw chyhsa ta Khazohpa Thlahpa hmozy a pyh vei. Ano pachâ ta cha hruna châ ta, thlahpa ta pahnopa chi a châpa vâta pahno thei vei.

1 SAMUELA 18:17

Chatawhcha Sawla ta Dâvi hnohta, “Moh teh, he he ei sawchanô uhtheipa Merâbi a châ hih. Ano he lapinô ta ei cha pahneisa aw. Keima châta riahpha ngaitapa ta y la, Abeipa adyuhnazy cha a dyuh mah y,” tah ta. Sawla ta, “Kei ta Dâvi chô liata ku pathla leipa aw sah la, Philistinâ mo ta a chô liata ku tlao pathla lah vâ ei,” tahpa ta pachâna a hneipa vâta, cha hawhta a taopa a châ.

1 SAMUELA 18:20

Sawla sawchanô Mikâli ta Dâvi cha khoh ta. Sawla chho ei ta, cha hmo chata Sawla cha palysa kaw ta.