2 SAMUELA 5:9 - Mara Bible RV (BSI)

⁹ Dâvi cha thokhy chhôh liata pahrâ ta, cha cha Dâvi khihpi tahpa ta a moh a bi. Milô tawhta pathaopa ta khihpi chhôh zydua cha Dâvi ta thokhy ta dôh ta

2 SAMUELA 5:9 ပူးပေါင်းရင်းမြစ်များ

2 SAMUELA 5:7

Châhrasala Dâvi ta Zaio thokhy cha a la haw. Cha cha Dâvi khihpi a châ.

2 SAMUELA 5:8

Cha noh ta Dâvi ta, “Zebu mo a dyuhpa maih cha, ti lâpi khaoh lâ tawhta khy ei sala, pheisypa nata mochaopa, Dâvi hro ta â haopazy cha a kaw dyuh ei se,” tah ta. He he “Mochaopa nata pheisypazy cha o liata a ngia thei vei ei,” tahpa bie a vaw puana a châ.

2 SAMUELA 6:10

Chavâta Dâvi ta Abeipa Byh cha Dâvi khihpi lâ phao awpa khoh khao leipa ta, Kiti chyhsa Ôbededô o lâ tlao tlei khei ha ta.

1 ABEIZY 11:27

Abei chô liata a ku a hyna chhâpa cha he vâna heta a châ. Sawlawmaw ta diahsua chhôh ta, a paw Dâvi khihpi raonazy a taopathi.

1 ABEIZY 2:10

Dâvi cha a pathlatuhpazy hnohta a mô ta, Dâvi khihpi liata pabu ha ei ta.

1 ABEIZY 9:15

Bei Sawlawmaw ta rai hria awpa ta chyhsa a pathyu raruahna chhâpa cha, Abeipa o, ano o, diahsua, Zerusale thokhy, Hâzaw khihpi, Mekidô khihpi nata Keze khihpi zy padua awpa a byuhpa vâta a châ.

1 ABEIZY 9:24

Phiraoh sawchanô deikua cha Dâvi khihpi tawhta Sawlawmaw ta ano châta o a sapa lâ khy ta. Sawlawmaw ta a o cha diahsua chhôhpa ta.

2 ABEIZY 12:20

Bei Zôasâ chakaotuhpazy ta thyu ei ta, abei cha arulâta tei ei ta, Silâ lâ zuna lâpi liata thokhy ta dôhpa o liata thie ha ei ta.

2 ABEIZY 12:21

A chakaotuhpa Simiathi sawchapawpa Zôzakâ nata Sôme sawchapawpa Zehôzabâ ta ama thie haw. A pathlatuhpazy hnohta Dâvi khihpi liata pabu ei ta, a sawchapawpa Amazia ta ano su liata â bei.

1 THÂTIHZYRONA 11:8

Milô tawhta pathaopa ta khihpi zydua cha thokhy ta dôh ta, khihpi chhôh liata taopathi byuhpa hropazy cha Zôabâ ta taopathi ta.

2 THÂTIHZYRONA 32:5

Hezekia cha a tha a patlô ta. Thokhy a cho hapa zydua taopathi ta, thokhy chô liata o sâhpazy padua ta. Khôtho lâ tawhta thokhy hropa ta patho thlu ta. Dâvi khihpi thokhy chhao pasiepakaopa ta pa-i ta. Chaihraizy nata vyhphaozy hluhpi tao ta.

NEHEMIAH 3:15

Kôhôzeh sawchapawpa, Mizpâ bia ryureituhpa Sâluh ta Tihnawh Chhikao taopathi ta. Tihnawh Chhikao cha paduapathi ta, a chô khu ta, a ochhizy, a hrainazy nata a lâhreizy a tao. Abei sadô liata Selâh Tipo dôhna chhao taopathi ta, Dâvi khihpi tawhta a chôpa hleidy taihta a taopathi.

HLAZY 122:3

Chyhsa hluhpi pahrâna khihpi a ipa châ awpa ta, Zerusale cha paduapa châ ta;

ISAI 29:1

Hy Zerusale, Zerusale, Dâvi pahrâna khihpi, Na hu a po na! Kô chareih ta baichha lymâ la, Na kyhchhizy a zao a hmia thlâh mawh sy.

RYUREITUHPAZY 9:20

Cha hawhta a châ vei khiahta deikua cha, Abimele tawhta mei vaw pua sala, Sekhe nata Bemilô khih nôpawzy kâsao khai mawh sy. Sekhe nata Bemilô khih nôpawzy tawhta mei vaw pua sala, Abimele kâsao mawh sy,” tah ta.

RYUREITUHPAZY 9:6

Chatawhcha Sekhe khih nôpaw zydua nata Bemilô khih nôpaw zydua a pahmaoh ei ta, vawh ei ta, Abimele cha Sekhe lôbô kiapâh ta ôkâ tho ry liata bei ta tao ei ta.