2 SAMUELA 5:7 - Mara Bible RV (BSI)

⁷ Châhrasala Dâvi ta Zaio thokhy cha a la haw. Cha cha Dâvi khihpi a châ.

2 SAMUELA 5:7 ပူးပေါင်းရင်းမြစ်များ

2 SAMUELA 5:8

Cha noh ta Dâvi ta, “Zebu mo a dyuhpa maih cha, ti lâpi khaoh lâ tawhta khy ei sala, pheisypa nata mochaopa, Dâvi hro ta â haopazy cha a kaw dyuh ei se,” tah ta. He he “Mochaopa nata pheisypazy cha o liata a ngia thei vei ei,” tahpa bie a vaw puana a châ.

2 SAMUELA 5:9

Dâvi cha thokhy chhôh liata pahrâ ta, cha cha Dâvi khihpi tahpa ta a moh a bi. Milô tawhta pathaopa ta khihpi chhôh zydua cha Dâvi ta thokhy ta dôh ta

2 SAMUELA 6:10

Chavâta Dâvi ta Abeipa Byh cha Dâvi khihpi lâ phao awpa khoh khao leipa ta, Kiti chyhsa Ôbededô o lâ tlao tlei khei ha ta.

2 SAMUELA 6:12

“Kha­zohpa Byh vâta Ôbededô chhôhkha nata a hneipa zydua Abeipa ta byhnâ a pie,” tahpa ta Bei Dâvi cha chho ei ta. Chavâta Dâvi cha sie ta, Khazohpa Byh cha Ôbededô o tawhta Dâvi khihpi lâ a ly ngaitapa ta za phaoh ta.

2 SAMUELA 6:16

Abeipa Byh cha Dâvi khihpi â ngia hai nota, Sawla sawchanô Mikâli cha opy tawhta vaw sai ta, Bei Dâvi cha Abeipa hmiakô liata lâh ta, â zawzâ ngâ kawpa hmô ta, a palôh liata zakhei kaw ta.

1 ABEIZY 2:10

Dâvi cha a pathlatuhpazy hnohta a mô ta, Dâvi khihpi liata pabu ha ei ta.

1 ABEIZY 3:1

Sawlawmaw cha Izi bei Phiraoh nata azaona tao ta. Phiraoh sawchanô lapinô ta hnei ta. Ano o nata Abeipa o a sa khai hlâta nata Zerusale thokhy a dôh khai hlâlei cha Dâvi khihpi liata paysa chy ta.

1 ABEIZY 8:1

Sawlawmaw ta Abeipa Biehrai Byh cha, Dâvi khihpi Zaio tawhta la papua awpa ta, Izarei pathla chhituhpa zydua, Izarei machâzy nata Izarei chi hyutuhpa zydua cha, Bei Sawlawmaw hmiakô liata a luah awpa ta Zerusale liata awpakhy ta.

1 ABEIZY 9:24

Phiraoh sawchanô deikua cha Dâvi khihpi tawhta Sawlawmaw ta ano châta o a sapa lâ khy ta. Sawlawmaw ta a o cha diahsua chhôhpa ta.

1 THÂTIHZYRONA 11:7

Dâvi cha thokhy chhôh liata pahrâ ta, chavâta cha khihpi cha Dâvi khihpi tahpa a châ.

2 THÂTIHZYRONA 24:16

Izarei râh liata nata Khazohpa nata a o châta hmo phapa a taopa vâta, Dâvi khihpi liata abeizy hry liata ama pabu.

2 THÂTIHZYRONA 5:2

Sawlawmaw ta Abeipa Biehrai Byh cha, Dâvi khihpi Zaio tawhta la papua awpa ta, Izarei pathla chhituhpa zydua, Izarei machâzy nata Izarei chi hyutuhpa zydua Zerusale liata awpakhy ta.

NEHEMIAH 3:15

Kôhôzeh sawchapawpa, Mizpâ bia ryureituhpa Sâluh ta Tihnawh Chhikao taopathi ta. Tihnawh Chhikao cha paduapathi ta, a chô khu ta, a ochhizy, a hrainazy nata a lâhreizy a tao. Abei sadô liata Selâh Tipo dôhna chhao taopathi ta, Dâvi khihpi tawhta a chôpa hleidy taihta a taopathi.

HLAZY 132:13

Abeipa ta Zaio a tlyh ta, A pahrâ nawpa su châta a khoh.

HLAZY 2:6

“Ei tlâh pathaihpa Zaio tlâh liata, Ei Beipa ei patyusa haw,” a tah aw.

HLAZY 48:12

Zaio chahlôpa ta padô u la, A riahvaina osâhpazy reih teh u.

HLAZY 48:3

Khazohpa cha thokhy ta dôhpa abei ozy liata pahrâ ta, Ano tlai cha abohna thokhy a châzie a palâsa.

HLAZY 51:18

Nâ lynazie hawhta Zaio chô liata hmopha tao la, Zerusale thokhyzy padua mah y.

HLAZY 87:2

Abeipa ta Zaio hawkazy cha pasô ta, Zakaw pahrâna zydua hlâta a pasô via.

HLAZY 9:11

Zaio beidyuchhai liata a tyuhpa, Abeipa lâ reithaina hla sa u la; Phopizy hnohta a hmotaopazy chho teh u!

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 59:20

“Chatanachata Chatlaituhpa cha Zaio lâ a vy aw ta, Paraona a heihsaipa Zakaw pathlazy lâ â vy aw,” Abeipa ta a tah.

ZEREMIAH 21:13

“Hy saikao liata a pahrâpazy saih u, Ei châ dyuh ei; Hy bypi lôpanô, Ei châ dyuh. ‘Ahy ma miah a zuhnao aw ta, Ahy ma eima ynazy liata a vaw ngia aw?’ A tah tyhpazy saih u, Ei châ dyuh ei,” Abeipa ta a tah.

MIKÂ 4:2

Zaio tawhta ryhpa bie pua aw ta, Zerusale tawhta Abeipa bie a pua aw; Chavâta phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; Chatanachata a lâthlôhzy miah pachu aw ta, A lâpizy eimâ chhih thei aw,” Ama tah aw.

RAWMA 9:33

“Pachâ teh, Zaio liata achapiana lô soh na ta, Moleina lôpanô ei soh; Ahy rai ano a ngiapâpa cha, Maophyuh aw vei,” tahpa ta ropa hawhta.

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

BIEPHUAH 14:1

Chatawhcha kaw moh na ta, Mietakutaw Zaio Tlâh liata a duahpa nata ama khi liata ano moh nata a Paw moh ârohpa, chyhsa 144,000 a hnohta a ypazy hmô na ta.