2 SAMUELA 4:9 - Mara Bible RV (BSI)

⁹ Dâvi ta Berô chyhsa Rimô sawchapawpa Rekhâ nata a unawhpa Bânâ cha a chhy ta, ama hnohta, “Ei nôpona zydua tawhta nâ pachhatuhpa Abeipa hrona reipa ta ei reih.

2 SAMUELA 4:9 ပူးပေါင်းရင်းမြစ်များ

ÂTHAONA 48:16

Hmo pha leipa zydua tawhta nâ chatlaituhpa Vâlyuhchâpa ta, Hawtizy he byhnâ pie sala, Âmo liata ei moh phaoh lymâpa châ mawh sy. Nâ pathlatuhpa Abarahâ nata Aisika zy moh chhao, Phaoh lymâpa châ sala; Alei chô liata thata vaw pôh mawh ei sy,” tah ta.

2 SAMUELA 4:2

Sawla sawchapawpa ta hrâsiepa pheisaih hyutuhpa pano hnei ta, pakha moh cha Bânâ châ ta, a hropa moh cha Rekhâ a châ. Âmo he Berô chyhsa Benzami pathla Rimô sawchapawzy ama châ. Berô cha Benzami râh hawhta pachâpa châ ta,

1 ABEIZY 1:29

Abei ta Bâsebâ cha bie a taih ta, a hnohta, “Nôpona zydua liata ei thlahpa a chatlaituhpa Abeipa moh reipa ta ei reih,

HLAZY 103:4

Khaohtlô tawhta na hrona a chatlaituhpa châ ta, Kyhpachâna tleih beih leipa lakho cha pakho ta, Zawngiahna lakho châ pakhotuhpa a châ.

HLAZY 106:10

Ama khakhaipa ku tawhta âmo cha pachha ta, Ama chariahpazy hmotaotheina tawhta a chatlai ei.

HLAZY 107:2

Cha kyh cha Abeipa chatlaipazy ta reih ei sala, Khakhaipa tawhta a chatlaipazy ta reih mawh ei sy!

HLAZY 34:17

Mosiapazy ta baona hiapa ta ama aw tita, Abeipa ta thei ta, Ama nôpona zydua tawhta a pachha tyh ei.

HLAZY 34:22

Abeipa ta ano a chakaotuhpazy hrona cha chatlai tyh ta, Ano a chhaituhpazy cha ahy hmah thailei pachâsapa châ aw veih ei.

HLAZY 69:18

Nâ vaw hniapa ta ei thlahpa chatlai la, Ei chariahpazy vâta na pachha mah y!

HLAZY 71:23

Nâma reithaina hla ei sa tita, Ei hmaozy he thaphapa ta awh aw ta; Na chatlaipa ei hro chhao heta, Thaphapa ta a awh aw.

1 SAMUELA 26:24

Pachâ teh, tanoh ei mohmô liata na hrona ei pasôpa hawhna heta, keima hrona chhao Abeipa mohmô ta pasôpa ta y sala, nôpona zydua tawh­ta na pachha mawh sy,” tah ta.