2 SAMUELA 4:4 - Mara Bible RV (BSI)

⁴ Sawla sawchapawpa Zawnathâ ta sawchapaw pheisypa hnei ta. Sawla nata Zawnathâ thâtih Zezari tawhta a vaw tlô nota kô pangawhpa dei châ chy ta. Ano a mohôhtuhpa ta a pyh ta, a râkhei ta, a râ awpa ta â parana liata pathla ta, a phei a sy hapa a châ. A moh cha Mephibôse a châ.

2 SAMUELA 4:4 ပူးပေါင်းရင်းမြစ်များ

2 SAMUELA 21:7

Châhrasala Dâvi nata Zawnathâ cha bie a taih ei ta, ama likah liata Abeipa liata bietai a ypa vâta, abei ta Sawla sawchapawpa Zawnathâ sawchapawpa Mephibôse cha pahlôh ta.

2 SAMUELA 9:13

Mephibôse cha bei tlâhkhai liata pati a dôhpa a châpa vâta, Zerusale liata pahrâ ta. Ano he a phei kârano ta a sypa a châ.

2 SAMUELA 9:3

Abei ta, “Khazohpa ngia­chhiena a chô liata ei palâsa thei nawpa ta, Sawla pathla hry liata a hrohpa pakha chhâ ama y tlyma?” tah ta. Zibâ ta abei hnohta, “Zawnathâ sawchapawpa pakha y ta, pheisypa a châ,” tah ta.

2 SAMUELA 9:6

Sawla sawchapawpa Zawnathâ saw­chapawpa Mephibôse cha Dâvi lâ a vy ta, a hmia lâta pao ta, a naoh ta. Dâvi ta, “Mephibôse!” tah ta. Ano ta, “Châ chakaotuhpa ei châ,” tah ta.

1 ABEIZY 11:17

Châhrasala Hâdâ cha a paw chakaotuhpazy hry liata Edômâ chyhsa thokhazy chhaota Izi râh lâ a râ ha ta. He no heta Hâdâ cha hawtita a châ chy.

1 THÂTIHZYRONA 8:34

Zawnathâ sawchapawpa cha Meribâlâ châ ta, Meribâlâ ta Mikâ sa ta.

1 THÂTIHZYRONA 9:40

Zawnathâ sawchapawpa cha Meribâlâ châ ta, Meribâlâ ta Mikâ sa ta.

1 SAMUELA 29:1

Philistinâ mo cha ama pheisaih zydua Aphe liata pahmaoh ei ta. Izarei mo chhao Zezari liata tikhaoh kiapâh liata riehmo paryh ei ta.

1 SAMUELA 29:11

Chatanachata Dâvi nata a chyhsazy cha thyu patoh ei ta, Philistinâ râh lâ cha mydi ta a lie ha ei ta. Philistinâ mo deikua cha Zezari lâ khy ei ta.