2 SAMUELA 4:11 - Mara Bible RV (BSI)

¹¹ Chyhsa moleipazy ta chyhsa siapa ano o chhôh liata a rakhô lia cheingei ta ama thiepa cha, moleina rarôh y chaipa a châ. Chavâta a thisaih maoh nama ku tawhta a hnaw aw na ta, alei tawhna heta ei cha pahleipadia thlyu aw ei” tah ta.

2 SAMUELA 4:11 ပူးပေါင်းရင်းမြစ်များ

ÂTHAONA 4:11

Chavâta na unawhpa na thie nota, a thisaih palâ awpa ta a pakah a kaw âpa chhaohlei tawhta chhiesapa na châ haw.

ÂTHAONA 6:13

Chavâta Khazohpa ta Nôah hnohta, “Hmohrohneipa zydua chhâna ei hmiakô liata a vaw tlô. Âmo vâta alei he thachahra hmâna ta bie ta, chavâta âmo cha alei duata ei pahleipadia khai aw ei.

ÂTHAONA 7:23

Alei chô liata hrona a hneipa zydua pamua khaipa châ ei ta, chyhsazy, sazy, âlyhpasazy nata avâ liata pavawzy alei chô tawhta pamua khaipa ama châ. Nôah nata a hnohta balyh liata a ypazy deita amâ boh.

2 SAMUELA 16:8

A ryureina na chhupa Sawla chhôhkha thisaih zydua kha Abeipa ta na chô liata vaw paliesa ta, khinarâh cha na sawchapawpa Absalaw hnohta Abeipa ta a pie haw. Pachâ teh, thisaih palo hmâhpa chyhsa na châpa vâta, nâmasasyh ta nâ parao haw,” tah ta.

2 SAMUELA 3:27

Abane cha Hebraw lâ â vaw lie nahta, Zôabâ ta arulâta bie chho awpa a hneipa hawhta a reih ta, thokhy chhikao lâ a chhi ta, a unawhpa Asahe thisaih viarithô nawpa ta a py liata a chô ta, thi ha ta.

2 SAMUELA 3:39

Abei châta sathawthupa châ hra aw sah la, tanoh la ei vaw nainyu khai ha na. He chyhsazy, he Zeru sawchapawzy he ei chô liata ama chahraochatôh tu haw. Hmo pha leipa a taopa cha, a hmotaozie lymâ hawhta Abeipa ta viari a thô aw” tah ta.

1 ABEIZY 2:32

Ano hlâta chyhsa sia viapa nata pha viapa pano, Nerâ sawchapawpa Izarei pheisaih hyutuhpa Abane nata Zethe sawchapaw­pa Zudâh pheisaih hyutuhpa Amâsâ zy kha, ei paw Dâvi pahno leipa ta thyuhnao ta, zaozi ta a thiepa vâ ei ta, thisaih a palona maoh cha Abeipa ta ano luh chô liata a vaw palie thlu aw.

HLAZY 109:15

Ama moleinazy Abeipa hmiakô liata khâ y sala, Âmo atheithlâhna alei tawhta chhawh pathlah ha mawh sy!

HLAZY 9:12

Ano cha thisaih phuh a lapa châ ta, Âmo a thei thlâh ha ta; Pasataopazy awna ao my beih vei.

PUASAINA 21:12

“Chyhsa tu ta a thiepa cha, ano chhao thie thlyu awpa a châ.

PUASAINA 9:15

Ei ku pazawhpa ta, potlana hri ta nâ nata na phopi cha tupa ta, khizaw tawhta ei cha pahleipadia bâ awpa ei a châ taraw.

BIESOZY 2:22

Hmoparaopazy deikua cha râh tawhta chhawh pathlahpa châ aw ei ta, Piehpiepazy cha râh tawhta phiapa ama châ aw.

BIESOZY 25:26

Chyhsa siapa moleipa hmiakô liata a paopa cha, Vahtie panôpa nata tihnawh puapa hawhta a châ.

ZEREMIAH 10:11

Chavâta ama hnohta hetana heta reih teh: “Alei nata avâ taotuhpa a châ leipa khazohzy cha, alei tawhta leidia awh ei ta, avâ ry tawhta ama lei khai aw.”

HABAKU 1:12

Hy Abeipa ei Khazohpa, Ei Mo Pathaihpa, Nâ cha tlyzaw tawhtapa châ va chi ma? Thi aw ma pi. Hy Abeipa, âmo cha Pachiatuhpa châta rao chi ta; Hy Lôpanô, âmo cha, Chhoreituhpa châta na chahnao ei.

HABAKU 1:4

Chavâta ryhpa ta yzie hnei khao leipa ta, Pachiana dopa y khao hra vei. Moleipazy ta mosiapazy dôh ei ta, Pachiana doleipa a pua tyh.

1 ZAWHÂNA 3:12

Moleipa tawhta a puapa, ano unawhpa a thietuhpa Kainâ hawhna khata eima y awpa châ vei. Khâpa vâta ma a unawhpa kha a thie? A hmotaopazy kha moleina hmo châ ta, a unawhpa hmotaopazy kha a siapa a châpa vâta a châ.