2 SAMUELA 3:8 - Mara Bible RV (BSI)

⁸ Abane cha Isabôse bie reipa vâta a hiehâh ngaita ta, a hnohta, “Kei he Zudâh i luh ma ei châ tly? Tanoh taihta na paw Sawla chhôhkha nata a unawhzy nata a viasazy chô liata phana palâsa na ta, Dâvi ku liata cha hlâ leipa na ta, châhrasala he chanô kyh liata tanoh â do leipa ta eina bai chi.

2 SAMUELA 3:8 ပူးပေါင်းရင်းမြစ်များ

2 SAMUELA 16:9

Zeru sawchapawpa Abisai ta abei hnohta, “Hao i thiruapa hao ta ei zibeipa abei he khâpa vâta chhie a sapa ma a châ tly? Vawh aw na ta, a luh ei kei tai tua aw” tah ta.

2 SAMUELA 2:8

Cha nota, Sawla pheisaih hyutuhpa, Nerâ sawchapawpa Abane ta Sawla sawchapawpa Isabôse cha Mâhanai lâ a chhi ta.

2 SAMUELA 3:18

Tahmâ he tao daihti a châ hih. Abeipa ta Dâvi chô liata bie a taih ta, a hnohta, ‘Nâ chakaotuhpa Dâvi ku ta ei phopi Izarei he Philistinâ mo ku tawhta nata ama chariahpa zydua ku tawhta ei pachha aw,’ tahpa ta a vaw rei hapa a châ,” tah ta.

2 SAMUELA 3:9

Abeipa ta Dâvi hnohta bie â taihpa hawhta, Dâvi châta ei taopa vei khiahta la, Khazohpa ta Abane chô liata a kho ta tao sala, cha hlâta pasa viapa chhao ta tao mawh sy.

2 SAMUELA 5:2

Sawla eima chô liata â beina daihti liana chhao khata, Izarei puakhei ta a ngiakhei tyhpa cha nâ na châ. Abeipa ta na hnohta, ‘Ei phopi Izarei vaituhpa châ aw chi ta, Izarei chô liata bei ta na y aw,’ tahpa ta bie â taihpa na châ,” tah ei ta.

2 SAMUELA 9:8

Mephibôse ta a naoh ta, a hnohta, “Kei i thiruapa, châ chakaotuhpa hawhpa na he, khâpa ma châ na ta, cha hawhta eina pachâ khoh chi tly?” tah ta.

2 ABEIZY 8:13

Hâze ta, “Châ chakaotuhpa he khâpa ma a châ tly, i deita châ ta, kheihta ma cha hawhpa hmo rônahpa cha a tao thei aw?” tah ta. Elaisâh ta a chhy ta, “Aramia chô liata nâ bei aw tahpa Abeipa ta eina pahmôsa haw,” tah ta.

HLAZY 76:10

Hmeiseihta ta, chyhsapa chô liata na pathiiana cha, Nâma reithaina châ aw ta; Na pathiiana tawhta a bohpazy cha, Chaisaih ta nâ saih aw ei.

ISAI 37:23

“Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

RYHPACHANEINA 23:18

Bie namâ taihpa châta pie awpa ta, chanô azuana ty nata chapaw azuana ty tawhta hmôpa sôhzy Abeipa nama Khazohpa o lâ nama cheih awpa châ vei. A miano heta Abeipa nama Khazohpa châta pasichhihpa a châ.

1 SAMUELA 15:28

Samuela ta a hnohta, “Tanoh tawhna heta Abeipa ta Izarei khinarâh cha nâma tawhta la ha ta, nâma hlâta a pha viapa, na opapa hnohta a pie haw.

1 SAMUELA 17:43

Philistinâ chyhsa ta Dâvi hnohta, “I ma ei châ, chôchahrei ta ei nâ vyhnao chi?” tah ta. Philistinâ chyhsa ta a khazohzy moh reipa ta Dâvi chô liata chhiesa ta.