2 SAMUELA 3:39 - Mara Bible RV (BSI)

³⁹ Abei châta sathawthupa châ hra aw sah la, tanoh la ei vaw nainyu khai ha na. He chyhsazy, he Zeru sawchapawzy he ei chô liata ama chahraochatôh tu haw. Hmo pha leipa a taopa cha, a hmotaozie lymâ hawhta Abeipa ta viari a thô aw” tah ta.

2 SAMUELA 3:39 ပူးပေါင်းရင်းမြစ်များ

2 SAMUELA 16:10

Châhrasala abei ta, “Nâmo, Zeru sawchapawzy saih u, a chahraoh khoh khah u. Abeipa ta, ‘Davi chhiesapa teh,’ a tahpa a châ khiahta cha, chhiesa thlâh ha sa. Ahy ma, ‘Khazia kha hawhta na tao’ a tah thei aw?” tah ta.

2 SAMUELA 19:13

Amâsâ hnohta chhao, abei ta, ‘Ei rupa nata ei sapa châ va chi ma? Zôabâ vyuhpa ta ei hmiakô liata pheisaih hyutuhpa ta ei cha tao leipa khiahta la, Khazohpa ta ei chô liata tao sala, cha hlâta pasa viapa chhao ta tao mawh sy,’ a tah na nama kei tah aw,” tah ta.

2 SAMUELA 19:22

Dâvi ta, “Nâmo Zeru sawchapawpa saih u, kheihta ma ei cha tao aw ei tly? Khazia tanoh he nâ dyuhtuhpa nama châ tly? Tanoh he Izarei liata chyhsa thie awpa noh a châ ma? Tanoh he Izarei chô liata abei ei châ tahpa pahno va na mâ?” tah ta.

2 SAMUELA 3:38

Abei ta a chakaotuhpazy hnohta, “Tanoh he Izarei liata chhituhpa nata chyhsa rônahpa a thi haw tahpa pahno veih ei chi ma?

1 ABEIZY 2:32

Ano hlâta chyhsa sia viapa nata pha viapa pano, Nerâ sawchapawpa Izarei pheisaih hyutuhpa Abane nata Zethe sawchapaw­pa Zudâh pheisaih hyutuhpa Amâsâ zy kha, ei paw Dâvi pahno leipa ta thyuhnao ta, zaozi ta a thiepa vâ ei ta, thisaih a palona maoh cha Abeipa ta ano luh chô liata a vaw palie thlu aw.

1 ABEIZY 2:9

Châhrasala ano cha thaileina a hnei leipa hawhta na pachâ awpa châ vei. Chyhsa sopa châ chi ta, a chô liata na tao awpa na pahno aw. A luh pawhpa cha thisaih chhaota Athihkhih lâ na pasiesa awpa a châ,” tah ta.

1 THÂTIHZYRONA 22:5

Dâvi ta, “Ei sawchapawpa Sawlawmaw cha hawtipa châ ta, hmo yzie pahno tu mâh leipa ta, Abeipa châta o sa awpa hra cha, râh zydua liata a pathâhpa o laipa nata rônahpa a châ awpa châ tlôh ta. Chavâta Khazohpa o sa nawpa cha kei ta ei chhuanoh chhielie aw,” tah ta. Chatanachata Khazohpa o sa nawpa chhaichhi zydua cha Dâvi ta a thi hlâta â chhuanoh khai haw.

1 THÂTIHZYRONA 29:1

Chatawhcha Bei Dâvi ta zawpi ahmaohpakhypa zydua hnohta, “Ei sawchapawpa Sawlawmaw he, ano deita he Khazohpa ta â tlyhpa châ ta, châhrasala hawtipa a châ chypa vâta hmo pahno tu mâh vei. O rônahpa sa awpa cha chyhsapa châta châ leipa ta, Zehôvâh Khazohpa châta a châpa vâta rai lai ngaitapa châ ta.

2 THÂTIHZYRONA 13:7

Chyhsa dyutlaileipa nata chhorupazy a hnohta a hmaoh ei ta, Sawlawmaw sawchapawpa Rehôbaw cha a dyuh ei ta. Rehôbaw cha palôh pachyu leipa hawtipa a châ chypa vâta, âmo cha pakhâ thei leipa ta.

HLAZY 101:8

Râh liata moleipa zydua cha, My chareih ta pahleipadia aw ei na ta; Hmoparaopa zydua cha, Abeipa khihpi tawhta ei chhawh pathlah aw ei.

HLAZY 28:4

Ama hriapa lymâ hawhta âmo cha pie la, Moleina hmo ama taopa lymâ hawhta âmo cha thô mah y; Ama ku raihria lymâ hawhta âmo cha thô la, Ama lymâ dao awpa pie mah y.

HLAZY 62:12

Hy Abeipa, ngâchhihna cha nâma eih a châ. Chyhsa to ama hmotaopa lymâ hawhta na thô tyh.

HLAZY 7:16

A hrochhiena ta ano luh chô liata a vaw lie thlu ta, A nôchhiena ta ano luh ru liata a tla thlu.

HLAZY 75:10

Moleipa ki zydua tai pachhô aw na ta, Mosiapazy ki deikua cha chaluahpa a châ aw.

PUASAINA 21:12

“Chyhsa tu ta a thiepa cha, ano chhao thie thlyu awpa a châ.

BIESOZY 20:8

Ryureina beidyuchhai liata a tyuhpa abei cha, A mo ta hmo pha leipa zydua a pahrua tyh.

BIESOZY 25:5

Abei mohmô tawhta moleipazy la ha la, A beidyuchhai cha siana ta paduapa a châ aw.

ISAI 3:11

Moleipa cha a hu a po na! Chhiena a tyh aw ta, A hmotaopazy viarithôpa a châ aw.

ISAI 7:4

a hnohta, ‘Â vaih la, a thlih thlâh ha la, chi khah y. He meirei peih pachhupa khu ngâpa miano, Aramia bei Rezi nata Remâliah sawchapawpa hiehâhna ru ngaitapa vâta na palôh dua khah sy.

ZEREMIAH 38:5

Bei Zedekia ta, “Moh teh u, Zeremiah cha nama ku liata a y. Nâmo chakhiapa ta cha abei heta tao theipa hnei va,” tah ta.

DÂNIAH 6:16

Chatawhcha abei ta biepie ta, Dâniah cha a vaw chhi ei ta, chakeibarôhneipa lôpu liana cha thy ei ta. Abei ta Dâniah hnohta, “Na chakao tyhpa na Khazohpa ta a cha pachha aw,” tah ta.

MALUHREINA 32:23

Cha hawhta nama tao leipa khiahta deikua cha, pachâ teh u, Abeipa chô liata moleipa châ aw ei chi ta, nama moleina ta a cha hmô papua aw ei tahpa pahno muh vy.

RAWMA 13:4

Ano cha na pha nawpa ta Khazohpa chakaotuhpa a châ. Hmo moleipa na tao khiah deikua cha, chi kaw mah y, zaozi cha a chaba thlâhthli vei. Ano cha Khazohpa chakaotuhpa châ ta, hmo paraotuhpa chô liata Khazohpa hiehâhna phuhlatuhpa a châ.

2 TIMAWTHY 4:14

Dawh leih thaipa Alezandâ kha thata nâ pasasapa a châ. Abeipa ta a hmotaopazy lymâ hawhta viari a thô aw.

RYUREITUHPAZY 9:57

Sekhe chyhsazy moleina zydua chhao, Khazohpa ta viari thôpa ta ama luh chô liata palie thlusa ta, Zerubâlâ sawchapawpa Zôthâ chhiesana ama chô liata a vaw tlô hapa a châ.