2 SAMUELA 3:35 - Mara Bible RV (BSI)

³⁵ Zawpi zydua Dâvi lâ a vy ei ta, noh tla hlâlei pati paniesa a chhuah ei ta. Châhrasala Dâvi ta, “Noh tla hlâta viahchhâ tlyma, hmo hropa khâpa tlyma rai ei nie khiahta cha, Khazohpa ta a kho ta ei chô liata tao sala, cha hlâta pasa viapa chhao ta tao mawh sy,” tahpa ta bie a taih ta.

2 SAMUELA 3:35 ပူးပေါင်းရင်းမြစ်များ

2 SAMUELA 1:12

Sawla nata a sawchapawpa Zawnathâ nata Abeipa phopi nata Izarei pathlazy zaozi ta ama pao hapa vâta, Dâvi nata a pheisaihzy cha âmo châta mâchhiesapa ta chakhei ei ta, zâlâ taih kâhvileipa ta y ei ta.

2 SAMUELA 12:17

A o liata machâzy thyu ei ta, alei tawhta pathyu awpa ta a kiapâh liata a kei duah ei ta. Châhrasala thyu khoh leipa ta, pati chhao ama hnohta nie hra vei.

2 SAMUELA 3:34

Na ku chahrypa châ leipa ta, Na phei chhao keihrai daipa châ hra vei; Moleipa hmiakô liata paopa hawhta dia, Na vaw pao thlâh haw,” Tahpa ta chaphôh tu ta. Zawpi zydua ta Abane cha chakhei heih ei ta.

2 SAMUELA 3:36

Cha bie cha chyhsa zydua ta ama thei nahta, abei hmotaopa maihta chyhsa zydua a palysa tyhpa hawhta, a ly ngaita ei ta.

2 SAMUELA 3:9

Abeipa ta Dâvi hnohta bie â taihpa hawhta, Dâvi châta ei taopa vei khiahta la, Khazohpa ta Abane chô liata a kho ta tao sala, cha hlâta pasa viapa chhao ta tao mawh sy.

1 THÂTIHZYRONA 10:12

pasaipha zydua pua ei ta, Sawla nata a sawchapawzy ri kei la ei ta, Zabe khihpi lâ ama siekhei haw. Ama ruzy cha Zabe khihpi liata ôkâ tho ry liata pabu ei ta, noh sari chhôh kâhvileipa ta y ei ta.

ZEREMIAH 16:7

Mâchhiesapazy cha athipa amâ ngiahna thlapalôh awpa ta, ahy hmahta niedo pie leipa aw ei ta, ama paw tlyma, ama nô tlyma, athipa amâ ngiahna hnapangâhna nyu doh awpa chhao ahy hmahta pie aw veih ei.

EZEKIA 24:17

Arulâta a hrô la, athipa châta mâchhie sa khah y. Na khutho a khu la, na pheikyzy a ky la, pohluh a khu leipa la, rihâ pati chhao nie khah y,” tah ta.

EZEKIA 24:22

Ei taopa hawhna tlai heta tao aw ei chi ta, pohluh a khu leipa aw ei chi ta, rihâ sa chhao nie aw veih ei chi.

RYUREITUHPAZY 20:23

Izarei sawzy cha khy ei ta, Abeipa hmiakô liata zâlâ taihta cha ei ta, “Eima unawhpa Benzami sawzy a dyuh awpa ta eimâ thao heih aw ma?” tahpa ta Abeipa a saohiah ei ta. Abeipa ta, “A kaw dyuh heih teh u,” tah ta.

RYUREITUHPAZY 20:26

Chatawhcha Izarei pheisaih zydua cha Bethel lâ khy ei ta, cha ei ta. Cha liata Abeipa hmiakô ta a tyuh ei ta, cha noh liana cha zâlâ taihta kâhvileipa ta ypa ta, raopa hlâna nata aryhna hlânazy Abeipa lâ hlâ ei ta.

RUTHI 1:17

Na thina liata thi aw na ta, cha liata eina pabu aw ei. Nâ nata kei he, thina dei leipa ta, hmo hropa ta miah a pachhaih khiahta cha, Abeipa ta ei chô liata a kho ta tao sala, cha hlâta pasa viapa chhao ta tao mawh sy,” tah ta.

1 SAMUELA 3:17

Eli ta, “Khâpa hmo ma Abeipa ta a cha chho tly? Keima liata khâpa hmah phih khah y. A cha chhopa zydua keima liata phihpa na hnei khiahta cha, Khazohpa ta na chô liata a tao awpa hawhta tao sala, cha hlâta pasa viapa chhao ta tao mawh sy,” tah ta.