2 SAMUELA 3:31 - Mara Bible RV (BSI)

³¹ Chatawhcha Dâvi ta Zôabâ nata a hnohta chyhsa a ypa zydua hnohta, “Nama chysiazy hrie u la, latho poh a bu u la, Abane hmiakô liata mâchhiesa teh u,” tah ta. Bei Dâvi ta Abane ri cha ano pôhpa tlai ta pathlie ta.

2 SAMUELA 3:31 ပူးပေါင်းရင်းမြစ်များ

ÂTHAONA 37:29

Rubena cha khaohtlô lâ vawh heih ta, Zawsi cha khaohtlô liata y khao vei tahpa a hmô nahta, a chysiazy hrie ta,

ÂTHAONA 37:34

Zakaw cha a chysiazy hrie ta, latho poh a sai ta, noh hluhpi a sawchapawpa mâchhie sa ta.

2 SAMUELA 1:11

Dâvi cha a chysiazy hrie ta, a hnohta a ypa chyhsa zydua chhao ta ano taopa hawhta tao chyu hra ei ta.

2 SAMUELA 1:2

A noh thôhna noh ta Sawla riehmo tawhta chyhsa pakha, a chysiazy hriepa ta nata a luh liata dohlei chhaota a vy ta. Dâvi kô a vaw tlô nahta, alei liata pao ta a naoh ta.

1 ABEIZY 20:31

A chakaotuhpazy ta a hnohta, “Tahmâ pachâ teh, Izarei pathla beizy cha chyhsa a ngiachhie thei ngaitapa bei ama châ tahpa eima thei. Latho poh a saipa ta, eima luh chaori ta buhpa ta Izarei bei lâ pua ei suh u. Na hrona a cha pahlôh thlâh ha ngyu aw,” tah ei ta.

1 ABEIZY 21:27

Ahabâ ta cha biezy cha a thei nahta, a chysiazy hrie ta, a sasaihpa ta latho poh a bu ta, kâhvileipa ta y ta, latho poh liata a zia ta, a thachhâ kaw ta.

2 ABEIZY 19:1

Bei Hezekia ta cha bie cha a thei nahta, a chysiazy hrie ta, latho poh a bupa ta Abeipa o chhôh lâ a ngia ta.

2 ABEIZY 19:2

Hezekia ta abei o hyutuhpa Eliakima nata chârohtuhpa Sebanâ nata theihthaipa uhthei viapazy cha latho poh pabusapa ta Amôza sawchapawpa hrohsopa Isai lâ tuah ta.

LUKA 7:14

A kei hnia ta, chhâchhua cha kei hria ta, asytuhpazy cha a duah ei ta. “Satliapa, ei cha chho, thyu teh,” tah ta.

ZAWSUA 7:6

Zawsua cha a chysiazy hrie ta, ano nata Izarei machâzy cha, Abeipa Byh hmiakô liata zâlâ taih â khu lâta alei liata pao ei ta, ama luh liata buchâh mia ei ta.

BIEPHUAH 11:3

Chatawhcha bie nâ pahnokheituhpa pano hnohta biepie aw na ta, latho poh a bupa ta, noh 1,260 chhôh bie ama chhochhielie aw,” tah ta.

RYUREITUHPAZY 11:35

A sawchanô a hmôpa nahta, Zephathâ cha a chysiazy hrie ta, a hnohta, “A pei rimâ cha, ei sawchanô! Ei palôh eina pachhâsazie rimâ cha. Nôpona nâ tlôkheituhpa lâta nâ lie ha he zaw. Abeipa lâ ei pakah â ha nahta, a la pakhua thei awpa châ khao va na,” tah ta.