2 SAMUELA 3:3 - Mara Bible RV (BSI)

³ A panona cha Kâmel zuah Nâbâ ta a panôhmeipa Abikai liata a sapa Khilia châ ta, a pathôhna cha Kesuri bei Tâmai sawchanô Mâkâ sawchapawpa Absalaw châ ta;

2 SAMUELA 3:3 ပူးပေါင်းရင်းမြစ်များ

2 SAMUELA 13:1

Cha khai tawhta hetana heta vaw châ ta, Dâvi sawchapawpa Absalaw ta sietanô hmi pha ngaitapa hnei ta, a moh cha Tâmâri a châ. Dâvi sawchapawpa Amanaw ta Tâmâri cha khoh ta.

2 SAMUELA 14:23

Chatawhcha Zôabâ cha thyu ta, Kesu lâ sie ta, Absalaw cha Zerusale lâ a vaw chhi ta.

2 SAMUELA 14:24

Abei ta, “Ano o lâ a di sala, ei hmia na hmô khah sy,” tah ta. Absalaw cha a o lâ a di ta, abei hmia cha hmô leipa ta.

2 SAMUELA 14:32

Absalaw ta Zôabâ cha a chhy ta, a hnohta, “Pachâ teh, abei lâ cha tuahpa ta, a hnohta, ‘Khâpa­ vâta ma Kesu tawhta ei vy ngâ kawna tly? Kha liana kha vaw y thlâh ha aw sah la ei châta a pha via awpa tlai,’ tahpa ta kei chho awpa ta bie cha vaw ta na ta. Chavâta abei hmia cha tahmâ na pahmôsa teh. Paraona a hneipa ei châ khiahta cha, na thie thlâh ha mawh sy,” tah ta.

2 SAMUELA 15:7

Kô sypalih tlohna noh ta, Absalaw ta abei hnohta, “Ngiachhiepa ta Abeipa lâta bie ei taihpa ei patlô thei nawpa ta Hebraw lâ na pasiesa mah y.

2 SAMUELA 15:8

Châ chakaotuhpa heta Aramia râh Kesu liata ei y no kha, ‘Abeipa ta Zerusale lâ einâ chhi pakhua heih tlai khiahta cha, Abeipa ei chakao aw,’ tah­pa ta bie a vaw tai ha na ta,” tah ta.

2 SAMUELA 18:33

Abei cha a palôh pasa ngaita ta, thokhy chhikao chô lâta chhôhpadâhpa lâ khy ta, cha ta. A khy pâ ta, “Hy ei sawchapawpa Absalaw, ei sawchapawpa, ei sawchapawpa Absalaw! Nâma vyuhpa ta keima tlao ei thi thlâh ha awpa tlai! Hy Absalaw, ei sawchapawpa, ei sawchapawpa y!” tah ta.

2 SAMUELA 2:2

Chatanachata Dâvi cha a lapinô pano, Zezari zuah Ahinô nata Nâbâ ta a panôhmeipa Kâmel zuah Abikai chhaota Hebraw lâ cha khy ta.

1 ABEIZY 1:6

Adôniza he a paw ta, “Khazia cha ta kha ta na tao?” tahpa ta a palôh châ leina khati nota hmahta a vaw chho beih leipa a châ. Ano chhao he hmipha ngaitapa châ ta, uhtheina lâta Absalaw a pazipa a châ.

1 ABEIZY 2:15

Adôniza ta, “Abeinarâh he keima eih châ ta, Izarei zydua chhao ta kei he bei châ awpa ta ama hnabeiseihpa ei châpa na pahno. Châhrasala khinarâh cha Abeipa ta ei unawhpa châta a rao hapa vaw châ palie ta, chavâta ei unawhpa eih a châ hapa he a châ.

1 THÂTIHZYRONA 3:1

Hezy he Dâvi sawchapaw Hebraw khi liata a pihpazy ama châ. A sawchapaw uhtheipa cha Zezari zuah Ahinô chô liata a sapa Amanaw châ ta, a pazipa cha Kâmel zuah Abikai chô liata a sapa Dâniah châ ta,

1 THÂTIHZYRONA 3:2

pathôhna cha Kesu bei Tâmai sawchanônô Mâkâ sawchapawpa Absalaw châ ta, papalihna cha Haki sawchapawpa Adôniza châ ta,

RYHPACHANEINA 3:14

Manase pathla Zairâ ta Akaw râh zydua cha, Kesuri mo nata Mâkathai mo râhri taihta la ta, ano moh pachyuhpa ta Havôzairâ bi ta, chavâta Bâsanâ cha tanoh taihta Havôzairâ tahpa ta pahnopa a châ.

ZAWSUA 13:13

Kesuri mo nata Mâkâ mo deikua cha, Izarei sawzy ta papua veih ei. Kesuri mo nata Mâkâ mo cha tanoh taihta Izarei sawzy hry liata ama y.

1 SAMUELA 25:3

Cha chyhsa moh cha Nâbâ châ ta, a lapinô moh cha Abikai a châ. Ano cha chanô so ngaitapa nata hmipha ngaitapa châ ta, a vahpa deikua cha nôchhiepa nata chyhsa moleipa a châ. Nâbâ he Kâlebâ pathla a châ.

1 SAMUELA 25:42

Abikai cha thlai thyu ta, alâ kiah ta, laihsa papangawh ta ano cha zi ei ta. Dâvi chyhsa tuapazy hnohta sie ta, a lapinô ta y ha ta.

1 SAMUELA 27:8

Dâvi nata a chyhsazy cha khy ei ta, Kesuri mo, Kirizi mo nata Amale mozy kaw chho ei ta. Âmo he hlâno tawhta he râh liata a vaw pahrâpa, Izi râh daih lâ Surâ taihta a pahrâpazy ama châ.