2 SAMUELA 3:27 - Mara Bible RV (BSI)

²⁷ Abane cha Hebraw lâ â vaw lie nahta, Zôabâ ta arulâta bie chho awpa a hneipa hawhta a reih ta, thokhy chhikao lâ a chhi ta, a unawhpa Asahe thisaih viarithô nawpa ta a py liata a chô ta, thi ha ta.

2 SAMUELA 3:27 ပူးပေါင်းရင်းမြစ်များ

2 SAMUELA 13:26

Absalaw ta, “Cha hawhpa khiahta cha, ei unawhpa Amanaw chhâ eima hnohta pasiesa mah y,” tah ta. Abei ta a hnohta, “Khazia Amanaw cha na hnohta a vaw sie aw,” tah ta.

2 SAMUELA 19:13

Amâsâ hnohta chhao, abei ta, ‘Ei rupa nata ei sapa châ va chi ma? Zôabâ vyuhpa ta ei hmiakô liata pheisaih hyutuhpa ta ei cha tao leipa khiahta la, Khazohpa ta ei chô liata tao sala, cha hlâta pasa viapa chhao ta tao mawh sy,’ a tah na nama kei tah aw,” tah ta.

2 SAMUELA 3:26

Zôabâ cha Dâvi tawhta a pua nahta, Abane a chadai awpa ta chyhsa tuah ta. Abane cha Sirâ tikhaoh tawhta vaw kuakhei ei ta. Dâvi deikua ta cha, cha kyh cha pahno leipa ta.

2 SAMUELA 3:28

Hnôhlâ ta, cha kyh cha Dâvi ta a thei nahta, “Nerâ sawchapawpa Abane thisaih vâna heta kei nata ei beinarâh cha Abeipa hmiakô liata chhâzaw ta eima pathaih.

2 SAMUELA 4:1

Sawla sawchapawpa Isabôse cha Hebraw liata Abane a thipa thâtih a thei nahta, a ku pathliah ta, Izarei saw zydua cha nôpopa ta y ei ta.

1 ABEIZY 2:32

Ano hlâta chyhsa sia viapa nata pha viapa pano, Nerâ sawchapawpa Izarei pheisaih hyutuhpa Abane nata Zethe sawchapaw­pa Zudâh pheisaih hyutuhpa Amâsâ zy kha, ei paw Dâvi pahno leipa ta thyuhnao ta, zaozi ta a thiepa vâ ei ta, thisaih a palona maoh cha Abeipa ta ano luh chô liata a vaw palie thlu aw.

1 ABEIZY 2:5

“Zeru sawchapawpa Zôabâ ta ei chô liata a hmotaopa kha na pahno: Izarei pheisaihzy hyutuhpa pano, Nerâ sawchapawpa Abane nata Zethe sawchapawpa Amâsâ zy chô liata a hmotaopa kha na pahno. Âmo kha thie ta, adyuhna liata thisaih palopa cha adyhna daihti liata phuh la ta, thaileina a hnei leipa thisaih cha a chai liata chaisaih nata a phei liata pheikyzy liata a kia hapa kha a châ.

1 THÂTIHZYRONA 27:21

Kilia râh liata Manase chi khophiezy hyutuhpa cha Zekaria sawchapawpa Idô a châ. Benzami chi hyutuhpa cha Abane sawchapaw­pa Zasie châ ta,

BIESOZY 26:26

Ahaona a hneipa cha dôveina ta khupa a châpa chhao ta, A moleina cha tlâh pahnopa ta palâsapa a châ aw.

ZEREMIAH 41:2

Nethaniah sawchapawpa Ismela cha a chyhsa a chhipa pahrawhzy chhaota thyu ei ta, Sâphâ sawchapawpa Ahikâ sawcha­pawpa, Babylaw bei ta râhvaotuhpa ta a taopa Kedaliah cha zaozi ta thie ha ei ta.

MALUHREINA 35:19

Thisaih phuh latuhpa ta lianycheihtuhpa cha a thie awpa châ ta, a hmô tita a thie aw.

MALUHREINA 35:20

“Chyhsa ta ahaona vâta chyhsa chatitha sala tlyma, a byhkhâhpa ta khâpa tlyma ta vawh sala tlyma, cha chyhsa cha a thi khiahta tlyma,

RYHPACHANEINA 27:24

“Arulâta a vaih a thiepa cha chhiesapa ta y mawh sy,” tah aw ei ta, zawpi ta, “Amen” ama tah aw.