2 SAMUELA 24:22 - Mara Bible RV (BSI)

²² Araunâ ta Dâvi hnohta, “Ei zibeipa abei ta pha a tahpa cha la sala hlâ mawh sy. Moh teh, raopa hlâna châta viahchao tôhpazy y ta, tho châta sawhri chhaichhizy nata viahchao raopakyzy a y.

2 SAMUELA 24:22 ပူးပေါင်းရင်းမြစ်များ

ÂTHAONA 23:11

“Châ bao va, ei zibeipa, na nathlie tua. Lyu cha cha pie na ta, a chhôh liata lôpu a ypa chhao ei cha pie pâ. Ei chiheihzy mohmô lia tlai ta lyu cha ei cha pie. Na lapinô ri cha pabu mah y,” tah ta.

1 ABEIZY 19:21

Elaisâh cha Elaizâh a pazipa tawhta kua ta, viahchao tôhpa bao kha la ta, atheihna ta hlâ ta. A sazy cha viahchao raopaky thozy ta pasyuh ta, chyhsazy pie ta, nie ei ta. Chatawhcha thyu ta, Elaizâh cha a chadai ta, chakao ha ta.

1 THÂTIHZYRONA 21:22

Dâvi ta Ôranâ hnohta, “Potlana hri he zawpi tawhta a pai thei nawpa ta, he sawhrihmo he Abeipa châta maisâh ei tao nawpa ta na pie teh; a mâ dopa ei cha pie aw,” tah ta.

RYUREITUHPAZY 6:26

he thokhy chô liana heta Abeipa na Khazohpa châta alô ta a pha kawpa ta paryhpa maisâh tao mah y. Chatawhcha viahchao tôhpa pô nona kha la la, Aseri tôh na thlupa tho hmâpa ta raopa hlâna ta hlâ mah y,” tah ta.

1 SAMUELA 6:14

Talailih cha Beseme khihpa Zawsua lyu liata a ngia ta, lôpanô lai ngaitapa yna liata a duah ta. Talailih tho cha patlaw ei ta, viahchao panôzy cha raopa hlâna ta Abeipa lâ hlâ ei ta.