2 SAMUELA 24:20 - Mara Bible RV (BSI)

²⁰ Araunâ cha a zâ heih ta, ano lâ pangaipa ta abei nata a chakaotuhpazy amâ khy haipa hmô ta. Araunâ cha pua ta, a hmia alei lâ a khupa ta abei hmiakô liata a bôh ta.

2 SAMUELA 24:20 ပူးပေါင်းရင်းမြစ်များ

ÂTHAONA 18:2

Mohmia pasaih ta, ano kiapâh liata chyhsa pathôh â duahpa hmô ta. A hmôpa nahta, âmo dy awpa ta poh o chhikao tawhta a kei râ ta, alei lâ a bôhpa ta âmo cha a naoh ta,

2 SAMUELA 1:2

A noh thôhna noh ta Sawla riehmo tawhta chyhsa pakha, a chysiazy hriepa ta nata a luh liata dohlei chhaota a vy ta. Dâvi kô a vaw tlô nahta, alei liata pao ta a naoh ta.

2 SAMUELA 24:19

Kâdâ ta Abeipa biepiepa a chhopa hawhta Dâvi cha khy ta.

2 SAMUELA 24:21

Araunâ ta, “Khâpa vâta ei zibeipa abei cha a chakaotuhpa lâ â khypa ma a châ tly?” tah ta. Dâvi ta, “Izarei phopi tawhta potlana â pai thei nawpa ta, na sawhri hmo he chalei ta, he liata Abeipa lâta maisâh tao awpa ta ei khy,” tah ta.

2 SAMUELA 9:8

Mephibôse ta a naoh ta, a hnohta, “Kei i thiruapa, châ chakaotuhpa hawhpa na he, khâpa ma châ na ta, cha hawhta eina pachâ khoh chi tly?” tah ta.

RUTHI 2:10

Ruthi cha â khu lâta pao ta, alei lâ a bôh ta, Bôaza hnohta, “Chihropa châ na ta, châhrasala na pahno khoh chi ta, na mohmô liata ngiachhiena ei vaw hlao thlâh hapa he kheihtazie ta ma a châ tly?” tah ta.