2 SAMUELA 24:14 - Mara Bible RV (BSI)

¹⁴ Dâvi ta Kâdâ hnohta, “Ei nô a po ngaita. Abeipa ku liata eima pao thlu aw, ano cha zawngiah thei ngaitapa châ tlôh ta. Chyhsapa ku liata la na papaosa khah y,” tah ta.

2 SAMUELA 24:14 ပူးပေါင်းရင်းမြစ်များ

2 SAMUELA 9:8

Mephibôse ta a naoh ta, a hnohta, “Kei i thiruapa, châ chakaotuhpa hawhpa na he, khâpa ma châ na ta, cha hawhta eina pachâ khoh chi tly?” tah ta.

2 ABEIZY 6:15

Khazohpa chyhsa chakaotuhpa cha mydi kari ta thyu ta, kei pua ta, pheisaihzy ta arâzy nata talailihzy chhaota khihpi ama dôh khai hapa hmô ta. Chakaotuhpa ta, “Cha rimâ cha, ei zibeipa! Kheihta eima tao aw?” tah ta.

1 THÂTIHZYRONA 21:13

Dâvi ta Kâdâ hnohta, “Ei nô a po ngaita. Abeipa ku liata ei pao thlu aw, ano cha zawngiah thei ngaitapa châ tlôh ta. Chyhsapa ku liata la na papaosa khah y,” tah ta.

HLAZY 119:156

Hy Abeipa, na zawngiahna cha thata a châ kaw dia, Na ryhpa hawhta na pahro heih mah y.

HLAZY 130:4

Châhrasala chipa ta na y thei nawpa ta, Nâma liata ngiahthaina a y.

HLAZY 130:7

Hy Izarei, Abeipa liata na hnabeiseihna y mawh sy! Abeipa cha a kyhpachâna a tleih beih leipa châ ta, Chatlaina hluhpi a hneipa a châ.

HLAZY 145:9

Abeipa cha mo to chô liata pha ta, A zawngiahna cha a hmotaopa zydua chô liata a y.

HLAZY 51:1

Hy Khazohpa, na kyhpachâna tleih beih leipa vâta, Na ngiachhie la; Na zawngiahna chhâ tiah leipa vâta, Ei paraonazy a ngiahthai mah y.

HLAZY 86:15

Châhrasala Hy Abeipa, Nâ cha zawngiahna nata ngiachhiena a hneipa Khazoh châ chi ta, A hiehâh a rupa nata kyhpachâna nata ngâchhihna ta a biepa Khazoh na châ.

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

BIESOZY 12:10

Mosiapa cha a sahroh hrona pachâ peimawh ta, Moleipa zawngiahna deikua cha nôchhiena a châ.

ISAI 47:6

Ei phopi chô liata ei hiehâh ta, Ei ryuto râh cha papuapaleipa ta, Âmo cha na ku liata ei cha pie. Zawngiahna rai ama chô liata palâsa leipa chi ta, Machâpazy taihta phaohri a hri ngaitapa na paphaosa ei.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ZEREMIAH 39:17

Nâ deikua cha, cha noh liata cha pachha aw na ta, na chi kawpa chyhsazy ku liata hlâpa châ aw va chi, Abeipa ta a tah.

CHAPHÔHTUNA 3:22

Chhawh pathlahpa ta eima y leipa he Abeipa kyhpachâna vâta châ ta, A zawngiahna a chhâ beih leipa vâta a châ.

DÂNIAH 9:9

Zawngiahna nata ngiahthaina cha Abeipa eima Khazohpa eih mâh a châ tâh; ano cha a chariah ha hra sih la,

ZAWNA 4:2

Abeipa lâ thlahchhâ ta, “Hy Abeipa, ei châ haw na. He hmo he ei râh liata ei y thlâh no tawhna khata ei rei hapa châ vei ma? He vâna heta mah a parapa ta Tâsi lâ ei râ pâ ngâ kawpa kha a châ tâh. Nâ cha ngiachhiena nata zawngiahna a hneipa, nônaipa nata kyhpachâna ta a biepa Khazohpa châ chi ta, chhiena patlôsa awpa tawhta a palôh a panano theipa na châ tahpa pahno tlôh na ta.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

MIKÂ 7:19

Zawh miah a ngiah heih aw ta, Eima moleinazy phei ta a tlypâ aw. Eima moleina zydua cha, Tilaipi ry lâ na thy ha aw.

ZEKARIA 1:15

A boh kawpa hawhta â pachâpa phopizy chô liata chhao ei hie a hâh ngaita. Hmiatua ta cha ei hiehâh tu vei, châhrasala âmo tlai ta moleina hmo ama tao via rili.

ZAWHÂNA 12:27

“Tahmâ he ei palôh nô a po ngaita. Khâpa ma ei reih aw tly? ‘Ei Paw y, he daihti tawhna heta na pachha mah y,’ ei tah aw ma? Châ vei, he hmo tao awpa ta, he daihti he ei vaw tlôpa a châ.

PHILIPI 1:23

A likah liata pachâna pahno leipa ta ei y. Kei la sie ta, Krista hnohta y bâ awpa ei khoh. Cha cha kei châta a pha via syulyu.

1 SAMUELA 13:6

Izarei pheisaihzy cha chadiepa ta y ei ta, ama duahmo a pha leizie ama hmô nahta, lôpu liata zy, apopa liata zy, lôpanô liata zy, khaohtlô liata zy, tipâh ruapa liata zy a nyu ei ta.