2 SAMUELA 24:13 - Mara Bible RV (BSI)

¹³ Kâdâ cha Dâvi lâ vawh ta, kei chho ta, a hnohta, “Na râh liata kô thôh chakâhna tlô awpa ma, na chariahpazy ta cha chadai ei sala thla thôh chhôh ama hmiakô liata a râ awpa ma, na râh liata noh thôh potlana charei awpa ma, a kheihawhpa ma na khoh? Nâ vaw tuahtuhpa hnohta kheihta ma ei chhy aw? A pachâ la na chho mah y,” tah ta.

2 SAMUELA 24:13 ပူးပေါင်းရင်းမြစ်များ

2 SAMUELA 21:1

Dâvi ryureina daihti liata, â zaopa ta kô thôh chakâhna tlô ta. Dâvi ta Abeipa hmia pado ta. Abeipa ta, “Sawla ta Kibiô mo a thiepa vâta, ano nata a chhôhkha chô liata thisaih maoh a y,” tah ta.

2 SAMUELA 24:12

“Vawh la, Dâvi hnohta, ‘Abeipa ta hetana heta a tah: A tlyh awpa hmo miathôh cha pie na ta, miakha a tlyh aw chi ta, cha cha ei cha taopa aw, a tah na,’ tahpa ta na kei chho aw,” tah ta.

2 ABEIZY 8:1

Elaisâh ta a sawchapawpa a pahro heihpa chanô hnohna kha ta, “Thyu la, na chhôhkha chhao ta nama y theina su lâ kei y chy muh vy. Abeipa ta chakâhna aw ha ta, râh liana he kô sari chhôh chakâhna a tlô aw,” tah ta.

1 THÂTIHZYRONA 21:12

Kô thôh chakâhna ma, thla thôh chhôh na chariahzy ta cha chadaipa ta ama zaozi ta ama cha pahleipadia awpa ma, noh thôh chhôh Abeipa zaozi ta potlana patlôsapa ta, Abeipa vâlyuhchâpa ta Izarei râh zydua a pahleipadia khai awpa ma?’ Tahmâ a tlyh teh, nâ vaw tuatuhpa hnohta kheihawhpa achhyna ma ei tlôkhei aw,” tah ta.

HLAZY 91:6

Zohna liata potlana a chareipa chi leipa aw chi ta, Nohchhô ta pahleipadiatuhpa chhao chi aw va chi.

PUASAINA 7:25

Abeipa ta Nile chavah a tu tawhta noh sari châ ha ta.

EZEKIA 14:13

“Chyhsa sawchapawpa y, râh cha ngâchhih leipa ta ypa ta ei chô liata hmo a paraopa vâta, a chô liata ei ku hy aw na ta, niedo lana hnawh chhiepa ta, râh liata chakâhna patlôsa aw na ta, chyhsapa nata sazy râh tawhta ei chhawh pathlah khai ha tita cha,

THEIHTHAINA 26:20

Nama tha pahryuh thlâhthli aw ei chi ta, nama râh ta kôvei papua leipa aw ta, râh liata thozy ta thei pathei aw veih ei.

THEIHTHAINA 26:25

Nama chô liata zaozi chareisa aw na ta, cha chata biehrai phuh la aw ta, nama khihpizy liata pahmaoh pakhypa ta nama y aw. Nama hry liata hri chareisa aw na ta, chariahpa ku liata hlâpa nama châ aw.

LUKA 4:25

Châhrasala biedopa ei cha chho ei. Elaizâh hro nota, kô thôh nata thla charu avâ a khaw ta, râh zydua liata chakâhna thata a tlô nona kha, Izarei liata nôhmei hluhpi ama y.

RYHPACHANEINA 28:22

Chaohna, chasipa, thlohna, thata palona, nohkâhna, raohna nata maohna zy hmâpa ta Abeipa ta cha hrie aw ei ta, nama leidia hlâlei ama châ chadai lymâ aw.

RYHPACHANEINA 28:25

“Abeipa ta nama chariahzy hmiakô liata cha panawh aw ei ta, âmo a dyuh awpa ta lâpi miakha a chhih aw ei chi ta, lâpi miasari lâta ama hmiakô liata namâ râpai aw. Chatanachata khizaw khinarâh zydua chipa ta a paysatuhpa nama châ aw.

RYHPACHANEINA 28:27

Abeipa ta Izi kheihluhzy, byuhpa hrizy, riatha nata pathapa hrizy ta cha hrie aw ei ta, tlâh thei aw veih ei chi.

RYHPACHANEINA 28:35

Abeipa ta nama pakhu nata nama pheizy liata kheihluh pasapa tlâh thei leipa cha pathlasa aw ei ta, nama pheipazah tawhta nama laki taihta a y aw.

RYHPACHANEINA 28:52

“Nama râh chhôh zydua liata nama ngâpa thokhy a sâhpa nata a ipazy ama pacho khai hlâlei nama khihpi zydua liata cha dôh aw ei ta, Abeipa nama Khazohpa ta râh a cha piepa liata nama khihpi zydua lia tlai ta ama cha dôh aw.

1 SAMUELA 25:17

Chavâta he hmo he tahmâ pahno la, khâpa na tao aw, pakhâta ta pachâ mah y. Eima zibeipa chô liata nata a o liata a ypa zydua chô liata chhiena a vaw tlô ha bâ hih. Eima zibeipa hra he, chyhsa chhiepa, ahy hmahta bie amâ chho thei leipa chyhsa châ tlôh ta,” tah ta.