2 SAMUELA 24:10 - Mara Bible RV (BSI)

¹⁰ Châhrasala chyhsa maluh a rei khai nahta, Dâvi cha a palôh liata thata a tymâ ta. Dâvi ta Abeipa hnohta, “Ei hmo taopa liata thata ei vaw molei haw. Châhrasala tahmâ he, Hy Abeipa y, ei châ haw na, châ chakaotuhpa paraona he rie pahlei ha mah y. Hru ngaitapa ta na ei vaw tao haw,” tah ta.

2 SAMUELA 24:10 ပူးပေါင်းရင်းမြစ်များ

2 SAMUELA 12:13

Dâvi ta Nâthâ hnohta, “Abeipa chô liata hmo ei parao haw,” tah ta. Nâthâ ta Dâvi hnohta, “Abeipa chhao ta na moleina a pahlei haw, thi aw va chi.

2 SAMUELA 24:17

Dâvi ta chyhsa a thietuhpa vâlyuhchâpa a hmô nahta, Abeipa bie a chho ta, a hnohta, “Pachâ teh, ei vaw molei haw, a do lei ngaitapa ta hmo ei vaw tao haw. Châhrasala he mietakuzy heta khâpa hmo ma ama tao tly? Ei châ haw na, na ku cha keima chô liata tla sala, ei paw chhôhkha chô liata tla mawh sy,” tah ta.

1 ABEIZY 8:35

“Na phopi Izarei sawzy na chô liata ama moleina vâta, avâ khaw chi ta, avâ rai pasuasa leipa ta ama rie na pathei tita, he su lâ a heihpa ta thlahchhâ ei sala, na moh a châhkheipa ta, ama moleina amâ heihsai khiahta cha,

1 THÂTIHZYRONA 21:7

Cha hawhta Izarei maluhpi reipa cha Khazohpa a ly leipa ta, chavâta Khazohpa ta Izarei sawzy cha hrie ta.

1 THÂTIHZYRONA 21:8

Dâvi ta Khazohpa hnohta, “Ei hmotaopa vâna heta ei vaw molei ngaita kaw na. Châhrasala tahmâ ei châ haw na, châ chakaotuhpa paraona he rie a ngiahthai mah y. Hru kawpa ta hmo ei vaw tao haw,” tah ta.

2 THÂTIHZYRONA 16:9

Abeipa mo cha, ano lâta palôh tlokhuh a paheihpazy thatlôpa ta bao awpa ta, khizaw zydua a tawpâ thlâh ha mâh tâh. Hru kawpa ta hmo tao chi ta, tahmâ tawhta cha, chariah a dyuh awpa khâ na hnei aw,” tah ta.

2 THÂTIHZYRONA 32:26

Châhrasala Hezekia nata Zerusale khihsawzy ta ama palôh liata amâ palaina cha a ngiapachhipa ta amâ panawh heihpa vâta, Hezekia hro chhôh ta cha Abeipa pathiiana ama chô liata vaw tlô khao vei.

ZAWBÂ 7:21

Khazia ei paraona a ngiahthai khoh leipa chi ta, Ei moleina na siekhei khoh vei? Dohlei liata ei zia bâ aw; Na tlua aw chi ta, Y khao aw va na,” tah ta.

HLAZY 32:5

Ei moleina cha chho na ta, Ei paraona nyu leipa na ta; “Abeipa liata ei paraona ei palâhâh aw,” tah na ta, Ei molei paraona cha einâ ngiahthai ha chi. Selah

PUASAINA 10:16

Chatawhcha Phiraoh ta Mawsi nata Arawna cha a chatliepa ta aw ta, ama hnohta, “Abeipa nama Khazohpa chô liata nata nâmo chô liata hmo ei parao haw.

BIESOZY 28:13

A moleinazy a phihtuhpa cha vânoh to leipa aw ta, A moleinazy palâhâh ta a siesaipa deikua cha zawngiahna a hmô aw.

HÔSIA 14:2

Biezy a cheipa ta, Abeipa lâ kua u la, A hnohta hetana heta tah teh u: “Moleina zydua la khai la, Hmo phapa a pyh mah y; Viahchao tôhpa hlâ vyuhpa ta, Eima hmao bietaizy eima cha vaw hlâ.

ZÔELA 2:12

“Chatahrasala tahmâ tlai chhao he, Nama palôh tlokhuh ta kei lâ vaw kua teh u, Kâhvileipa ta y u la, Chana nata mâchhiesana chôta vaw kua teh u,” Abeipa ta a tah.

MALUHREINA 12:11

Arawna ta Mawsi hnohta, “Hy ei zibeipa, eima moleina vâta rie miah hrie khah y, hru ngaitapa ta tao pi ta, eima vaw molei haw.

MÂKA 7:22

uahvana, chhiena, dôveina, parâna, kiaphaona, reipachhiena, apalaina nata hruna zy he palôh tawhta a kaw pua tyhpa a châ.

ZAWHÂNA 1:29

A mylâ ta Zawhâna cha Zisu ta a vaw pangai haipa hmô ta, “Moh teh u, Khazoh Mietakutaw, khizaw moleina a siekheituhpa huh!

ZAWHÂNA 8:9

A bie reipa cha ama thei nahta, machâ chaipa tawhta pua pathao ei ta, pakha pakha ta pua lymâ ei ta, Zisu cha ama puasai khai haw. Chanô cha Zisu hmiakô liata a duah thlâh ha ta.

RYHPACHANEINA 32:6

Hy nâmo, ahrupa nata angâpa phopi, Cha hawhta ma Abeipa cha viari nama thô? Ano cha châ taotuhpa nama paw châ ta, Cha tao ei ta nâmo châ paduatuhpa châ vei ma?

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

1 ZAWHÂNA 1:9

Eima moleinazy palâhâh sih la, reihpha eima chei khiahta cha, eima moleinazy a ngiahthai awpa nata eima sialeina zydua pasia awpa ta, ano cha ngâchhihpa nata a siapa a châ.

1 SAMUELA 13:13

Samuela ta Sawla hnohta, “Hru ngaitapa ta hmo na tao haw. Abeipa na Khazohpa ta zyh awpa ta biepiepa a cha piepa zyh khoh va chi. Zyh ha la cha, Izarei chô liata nâ beina he Abeipa ta chhâzaw châta a pa-i ha awpa tlai.

1 SAMUELA 24:5

Taviapa ta Dâvi cha Sawla poh pai a kei âpa vâta a chhôh khai kaw ta.

1 SAMUELA 24:6

A chyhsazy hnohta, “Ei zibeipa, Abeipa sathawthupa chô liata, he hmo ei taopa he pha vei. Abeipa sathawthupa a châ tahpa ei pahno thlâh hapa tlai ta, a chô liata ei ku ei pathla thlâh hapa he Abeipa ta khoh vei,” tah ta.

1 SAMUELA 26:21

Sawla ta, “Ei vaw molei ha na. Vaw kua ha mah y, ei sawchapawpa Davi. Ei hrona he na mohmô liata tanoh sôh ngaita ta, chavâta kheihta hmahta cha tah khao aw va na. Moh teh, hru kawpa ta hmo vaw tao na ta, ei vaw tao chhei ngaita,” tah ta.