2 SAMUELA 24:1 - Mara Bible RV (BSI)

¹ Abeipa cha Izarei chô liata a pathi ia heih ta, chatanachata âmo patypamâ awpa ta Dâvi cha pasyu ta, a hnohta, “Sie la, Izarei nata Zudâh maluh kei reih teh,” tah ta.

2 SAMUELA 24:1 ပူးပေါင်းရင်းမြစ်များ

ÂTHAONA 45:5

He râh lâ eina zuapa vâ ei chi ta nama pachârôh leipa sala, nâmosasyh â hao hra khuh vy. Hrona pabohsa awpa ta, Khazohpa ta nama hmia lâta eina vaw tuapa a châ.

ÂTHAONA 50:20

Nâmo ta la ei chô liata hmo pha leipa tao a chhuah ei chi ta, châhrasala Khazohpa ta kha hmo kha hmo phapa châta tlao â chhuahpa a châ. Tanoh ta hmo a ypa hawhna heta, chyhsa hrona hluhpi pachhapa a châ thei nawpa ta, Khazoh hmochhuahpa a châ.

2 SAMUELA 12:11

Abeipa ta hetana heta a tah, ‘Pachâ teh, na pathlazy cheingei tawhta na chô liata hmo pha leipa a tao awpa padua aw na ta, na mohmô liata na lapinôzy la aw na ta, na opapa pie aw na ta, nohchhô sawhvaw ta na lapinôzy cha â ziakhei aw ei.

2 SAMUELA 16:10

Châhrasala abei ta, “Nâmo, Zeru sawchapawzy saih u, a chahraoh khoh khah u. Abeipa ta, ‘Davi chhiesapa teh,’ a tahpa a châ khiahta cha, chhiesa thlâh ha sa. Ahy ma, ‘Khazia kha hawhta na tao’ a tah thei aw?” tah ta.

2 ABEIZY 3:6

Chavâta Bei Zehôrâ cha Izarei zydua pahruapa ta, hrâsie awpa ta Samâri tawhta pua ta.

1 THÂTIHZYRONA 21:1

Sâtâ ta Izarei a dyuh awpa ta thyu ta, Izarei maluhpi rei awpa ta Dâvi cha reipasao ta.

1 THÂTIHZYRONA 7:2

Tola sawchapaw­zy cha Uzizi, Rephiah, Zerie, Zamai, Ibasâ nata Semuela zy châ ei ta, âmo he Tola pathla pawhrâhpazy ama châ. Ama chhâzy liata pasaiphazy châ ei ta, Dâvi abeina daihti liata maluh 22,600 ama y.

1 THÂTIHZYRONA 7:40

Ama zydua ta Asera pathla pawhrâhpa nata pasaipha ta pahnopa hyutuh chaipazy ama châ. Thyutôna a laichadaipa ta, adyuhna lâ a sie theipa maluh ropazy cha 26,000 ama châ.

2 THÂTIHZYRONA 32:25

Châhrasala Hezekia cha palôh laipa ta y ta, ano châta hmo phapa taopa cha phana ta pie palie leipa ta. Chavâta ano nata Zudâh nata Zerusale chô liata pathiiana vaw tlô ta.

PUASAINA 7:3

Ngiana nata hmonoâhpazy Izi râh liata ei papôhsapa chhao ta, Phiraoh palôh cha a kuh ei pachhasa ha aw.

EZEKIA 14:9

“Hrohsopa cha dôveipa ta ypa ta, bie a reih khiahta cha, kei Abeipa ta hrohsopa cha ei dôveipa châ ta, a chô liata ei ku hy aw na ta, ei phopi Izarei hry tawhta ei pahleipadia ha aw.

EZEKIA 20:25

Cha dei châ vei, bieraopa pha leipazy nata hrona ama hnei lei nawpa ryhpazy lâta âmo cha hlâ ei na ta,

THEIHTHAINA 10:6

Mawsi ta Arawna nata a sawchapaw Eliaza nata Ithamâ zy hnohta, “Nama sâ pathliah leipa u la, nama chysiazy hrie hra khuh vy. Chataleipatala thi aw ei chi ta, zawpi zydua chô liata Abeipa hiehâhna a vaw tlô pathlei aw na. Nama chiheih Izarei chhôhkha zydua deikua ta, Abeipa ta mei ta a pakâsao hapazy cha chakhei mawh ei sy.

MALUHREINA 1:19

Abeipa biepiepa hawhta, Mawsi ta Izarei sawzy maluh cha Sinai râhchawhpa liata reih ta.

HMOTAOPAZY 4:28

Na ku nata nâ chhuahna ta hmo a vaw tlô awpa na rao chhieliepazy tao awpa ta amâ hmaohpakhypa a châ.

2 THYSALAWNIKA 2:11

Haipa bie ama zo thei nawpa ta, Khazohpa ta dôveina thatlô ngaitapa ama hnohta a vaw patlôsa.

RYUREITUHPAZY 2:14

Chavâta Abeipa cha Izarei chô liata a pathi ia ta, hraotuhpazy lâta âmo cha pie ta, ama hrao haw. Ama chheipâh chariahzy ku liata âmo cha zuah ta, ama chariahzy hmiakô liata a duah thei khao veih ei.

RYUREITUHPAZY 2:20

Chavâta Abeipa pathi cha Izarei chô liata thata ia ta, “He phopi heta ama pathlatuhpazy hnohta bie ei piepa, ei biehrai parao ei ta, ei ao ama nathlie leipa vâta,

1 SAMUELA 26:19

Chavâta ei zibeipa abei y, châ chakaotuhpa biezy he tahmâ vaw nathlie tua mah y. Keima nâ dyuh awpa palôh châ pahneisapa he, Abeipa a châ khiahta cha, hmohlâpa a pyh sala, chyhsazy ama châ khiahta deikua cha, Abeipa hmiakô liata chhiesapa ta y mawh sy. ‘Sie la khazoh hropazy kei chakao teh,’ na tah ei ta, Abeipa ryu liata tovyuh ei hnei thei lei nawpa ta, tanoh eina papua ha ei hih.