2 SAMUELA 23:6 - Mara Bible RV (BSI)

⁶ Chyhsa leilôpa zydua deikua cha, Ahloh hawhta ku ta la theipa ama châ leipa vâta, Ahloh hawhta thypa ama châ.

2 SAMUELA 23:6 ပူးပေါင်းရင်းမြစ်များ

ÂTHAONA 3:18

Chhaohlei ta ahloh nata diahsaizy cha papuapa aw ta, Lyu liata chicheipazy na nie aw.

2 SAMUELA 20:1

Cha liata Benzami chi Bikhari sawchapawpa a moh Sebâ ama tahpa chyhsa leilôpa pakha y ta, ano chata chiahmie tô ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi; Hy Izarei, nama poh o chyu lâta a di teh u!” tah ta.

HLAZY HLA 2:2

Ahlohzy hry liata lilipaw hawhta, Ei lôhdunô chhao laihsazy hry liata â ngia patlua.

ISAI 27:4

Ei hiehâh khao vei. Ahloh nata diahsai zy a hrâh hra ei sala, Âmo cha siehnao aw ei na ta, Mei ta ei tô khai aw ei.

ISAI 33:12

Chinaih lô raopa hawhta, Phopizy cha mei ta raopa châ aw ei ta; Ahlohzy chhawh ta mei ta raopa hawhta, Âmo chhao taopa ama châ aw.

EZEKIA 2:6

“Nâ deikua cha, chyhsa sawchapawpa y, ahloh nata diahsaizy ta cha chadôpa ta, râh cha-iazy hry liata pahrâ hra la, âmo cha chi leipa la, ama biezy chi hra khah y. Saw chhorupazy châ ei ta, chavâta ama biezy chi leipa la, ama hmiaphaozy vâta thlazohpa ta y khah y.

MIKÂ 7:4

Ama hry liata chyhsa pha chaipa cha, Bôbaw hawh dei a châ; Chyhsa do chaipa chhao, Ahloh buh hawh dei a châ. Châ vaituhpazy noh vaw tlô ta, Nâmo hriena noh a vaw tlô; Ama nôpona noh â hnia haw.

NÂHU 1:10

Ahloh buh a chaviapa hawhta châ ei ta, Sahma doh ta a paripa ama lyu; Sâhkô raohpa hawhta pakâ khaipa ama châ.

MATHAI 13:41

Chyhsa Sawchapawpa ta a vâlyuhchâpazy tuah aw ta, moleina a patlôsatuhpa zydua nata hmo pha leipa a taotuhpa zydua cha, a khinarâh tawhta la papua aw ta,

RYHPACHANEINA 13:13

nama hry tawhta moleipazy pua ei ta, nama pahno beih leipa khazoh hropazy a chhy awpa ta ama khihpi liata a pahrâpazy ama paviasa tahpa nama thei khiahta cha,

1 SAMUELA 2:12

Eli sawchapawzy cha dyutlai leipazy châ ei ta, Abeipa pahno veih ei.

1 SAMUELA 25:17

Chavâta he hmo he tahmâ pahno la, khâpa na tao aw, pakhâta ta pachâ mah y. Eima zibeipa chô liata nata a o liata a ypa zydua chô liata chhiena a vaw tlô ha bâ hih. Eima zibeipa hra he, chyhsa chhiepa, ahy hmahta bie amâ chho thei leipa chyhsa châ tlôh ta,” tah ta.