2 SAMUELA 23:4 - Mara Bible RV (BSI)

⁴ My noh khaihpa hawhta châ ta, Noh vaw chhi ta meihdo a y leipa my hawh a châ. Vâsua khai noh khaih pha ry liata, Alei si panyupa a kaw pyuhpa hawhta a châ.

2 SAMUELA 23:4 ပူးပေါင်းရင်းမြစ်များ

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

HLAZY 72:6

Abei cha sibie thlyupa chô liata vâsua hawhta châ sala, Alei a baopa khihti hawhta châ mawh sy!

HLAZY 89:36

A chipathla tlyzaw ta a duah aw ta, Ei hmiakô liata noh a y chhôh zydua cha, A beidyuchhai â duah lymâ aw.

BIESOZY 4:18

Mosiapazy lâpi deikua cha khihdei khaihpa hawh châ ta, Nohchhô locho a tlô hlâlei a khaih via lymâ.

ISAI 18:4

Abeipa ta ei hnohta hetana heta a tah: “Noh sa nota noh lopa hawhta, Ei pahrâna su tawhta a chalihpa ta sai aw na ta, Sâh hria noh lo nota avâ meihdo hawhta, A chalihpa ta ei sai thlâh ha aw.”

ISAI 4:2

Cha noh liata, Abeipa chiah cha a ngia ngaitapa ta rônah ngaita aw ta, râh theizy cha Izarei laibâhpazy châta amâ palaikheipa nata ama rônahna a châ aw.

ISAI 60:1

Hy Zerusale, thyu la, khaih teh; Na khaihna vaw tlô ha ta, Abeipa rônahna na chô liata a vaw khaih haw.

ISAI 60:3

Phopizy na khaihna lâ a vy aw ei ta, Beizy na nohchhi khaihpa lâ amâ vy aw.

HÔSIA 6:3

Abeipa pahnona chadai sih la, Ano cha pahno lymâ suh u; Khihdei awpa a siapa hawhta, Ano chhao â vaw luah tlai aw. Vâsua hawhta keimo lâ a vy aw ta, Châhvâ vâsua ta chhaohlei a padâpa hawhta â vy aw.”

HÔSIA 6:5

Chavâta hrohsopazy hmâpa ta tuchheih ei na ta, Ei pakah biezy ta ei thie ha ei; Ei hriena cha dôhla hawhta a pathli.

MIKÂ 5:7

Zakaw laibâhpazy cha, Phopizy hry liata ama y aw; Abeipa tawhta diati hawhta châ aw ei ta, Sibiepa chô lia vâsua hawhta ama châ aw; Chyhsa châta pahawhpasâh leipa aw ei ta, Chyhsa sawzy hâ hra aw veih ei.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

ZAWHÂNA 1:7

Ano cha pahnokheituhpa châ awpa ta a vy ta, ano vâta chyhsa zydua amâ ngiapâ thei nawpa ta, khaihna a pahnokheituhpa châ awpa ta â vy.

RYHPACHANEINA 32:2

Ei pachuna avâ hawhta suah sala, Ei bie diati hawhta tla mawh sy; Si panyupa chô liata avâ di hawhta tla sala, Sihnapa chô liata avâ hawhta suah mawh sy.

RYUREITUHPAZY 5:31

“Cha hawhna chata, Hy Abeipa, Na chariahpa zydua leidia khai ei sala, Na viasazy deikua cha, Noh hawhta khaih ei sala, Thatlôpa ta thyu mawh ei sy!” Chatanachata râh cha kô sypalih chhôh thlalôhpa ta y ta.