2 SAMUELA 23:22 - Mara Bible RV (BSI)

²² Cha hmozy cha Zehôdâ sawchapawpa Benai ta tao ta, chavâta pasaipha pathôhzy hawhta moh phana a to hra.

2 SAMUELA 23:22 ပူးပေါင်းရင်းမြစ်များ

2 SAMUELA 20:7

Zôabâ chyhsazy, Kere mo, Pele mo nata pasaipha zydua ta Sebâ cha a chadai ei ta. Bikhari sawchapawpa Sebâ a chadai awpa ta Zerusale tawhta pua ei ta.

2 SAMUELA 23:20

Zehôdâ sawchapawpa Benai cha Kâbaze chyhsa riahphapa châ ta, hmo rônahpazy a taotuhpa a châ. Môabâ chyhsa riahphapa pano thie ta, dâhaw tla daihti liata zu ta, khaohtlô liata chakeibarôhneipa a thiepa a châ.

2 SAMUELA 23:21

Izi chyhsa hmiphapa chhao thie ta. Izi chyhsa cha asei a chaba ta, Benai deikua cha chôchahrei chabapa ta za pangai ta, Izi chyhsa asei chabapa cha chhu ta, Izi chyhsa cha ano asei ta a dysao haw.

2 SAMUELA 23:23

Sythôhpazy hry liata cha palyupalih tlâh chaipa châ ta, châhrasala pasaipha pathôh hry liata deikua rei pâpa châ vei. Dâvi ta Benai cha abei vaituhpazy hyutuhpa ta a rao.

2 SAMUELA 8:18

Zehôdâ sawchapawpa Benai cha Khere mo nata Pele mo hyutuhpa châ ta, Dâvi sawchapawzy cha theihthaipazy ama châ.